لوقا 13:1 - Gilaki New Testament

¹ هو زمأتٚ میأن عیسایَ وأخبدأرٚ کودٚد کی پیلاتُس، ایتأ عیده جٚه جلیلٚ آدمأنَ کی زیأرت و قوربأنی کودنٚ وأسی بوشؤ بود اورشلیم، معبدٚ دورون سلأخی بوکود.

کیتاب مقدّس به گیلکی (رشتی)

¹ هو وخت عیسایَ خبر بدَه‌ییدی کی پیلاطس فرمان بدَه جلیلیأنی‌یَ کی معبدٚ صحنٚ دورون قوربانی تقدیم کودن دیبید، بوکوشید.

کتاب مقدس به زبان گیلکی - گویش شرقی

¹ هو زمون میئن، بعضی أن که اوره ایسابون، جلیلِئناجی عیسی أمره گب بزِئن که پیلاتُس اوشون جوری بکوشته بو که اوشون خون، خوشونِ قربانی انِ خونِ امره قاطی بوبؤ بو.

کتاب مقدس به زبان گیلکی - گویش رشت و غرب گیلان

¹ هو زمات درون، بعضیان کی اویا ایسابید، جه جلیلیانی عیسی مرا گب بزِه ئید کی پیلاتُس اوشان اوجور بُکوشته بو کی اَشان خون، خوشان قربانیان خون مرا قاطی بُبوسته بو.

لوقا 13:1 Iomraidhean Croise

متّی 27:1

صُبٚ دٚم، پیله کأهینأن و پیله کسأن، کس‌کسٚ اَمرأ مشوٚرت بوکودٚد کی ایتأ رأ بیأفٚد کی عیسایَ بوکوشٚد.

متّی 27:2

پس اونی دٚسَ دٚوٚستٚد و پیلاتُسَ تحویل بٚدأده، کی رومٚ فرمأندأر بو.

اعمالٚ رسولأن 1:11

و بوگفتٚده: «اَی جلیلی مردأکأن، چٚره اَیَه ایسأییدی و آسمأنَ فأندرستأندریدی؟ هه عیسا کی شیمی جَا فأگیفته و آسمأنٚ ور ببرده بوبوسته، هطویی کی بیدِییدی بوشؤ آسمأنٚ ور، ایوأردِه وأگرده.»

اعمالٚ رسولأن 2:7

اوشأن قأقَ بوسته، کس‌کسَ گفتیدی: «اَن چوطو ایمکأن دأره؟ اَشأن جلیل شین ایسٚد،

اعمالٚ رسولأن 5:37

«اونی پٚسی، سٚرایشماردنٚ زمأتٚ میأن، اینفر دِه بأمؤ کی اونی نأم یوهودأیٚ جلیلی بو و چنتأ شأگرد بیأفته. ولی اونم بوکوشته بوبوسته و اونی شأگردأن پٚخشَ و پلأ بوبوستٚد.