لوقا 12:11 - Gilaki New Testament

¹¹ «هو زمأت کی شٚمٚره موحأکمه کودنٚ وأسی، یوهودٚ کنیسه‌یأنٚ میأن و پیله کسأن و حأکیمأنٚ ورجأ ببرد، نیگرأن نیبید کی شیمی دفأع وأسی چی بیگید.

کیتاب مقدّس به گیلکی (رشتی)

¹¹ «وختی کی شمرَ محاکمه کودنٚ وأسی، کنیسه‌یأنٚ دادگایأنٚ دورون پیله کسأنٚ ورجأ بریدی، نیگران نیبید کی خودتأنٚ دفاع کودنٚ رِه چی بیگید،

کتاب مقدس به زبان گیلکی - گویش شرقی

¹¹ هیطو که شمره عبادتگاأن و حاکمون و پیله ترون ورجه ببُورَن، دیل ناگرون نبین که چُطو خودتونای دفاع بکونین یا چی بوگوین،

کتاب مقدس به زبان گیلکی - گویش رشت و غرب گیلان

¹¹ هَطو کی شمرأ عبادتگائان و حاکمان و پیله تران ورجه ببردید، دیل نیگران نیبید کی چُطو جه خودتان دیفاع بُکونید یا چی بیگید،

لوقا 12:11 Iomraidhean Croise

متّی 23:34

«من، پیغمبرأن و حکیمٚ مردأکأن و عألیمأنی‌یٚ شیمی ور اوسه کونم، و شومأن بعضیتأنَ دأر زٚنید و بعضیتأنَ شیمی کنیسه‌یأنٚ دورون شلأقٚ جیر گیریدی، اَ شهر او شهر آوأرَ کونید.

متّی 6:25

«پس می اَندرز، اَنه کی شیمی دونیأ دو روجٚ رِه نیگرأن نیبید، کی بوخور وأخور و لیوأس شٚمٚره وٚسته یا نه. زٚندیگی جٚه خوردن و جأن جٚه لیوأس دوکودن آیا ویشتر نی‌اَرزِه؟

متّی 6:27

ینی تومأمٚ شیمی نیگرأنیأن تأنه ایتأ لحظه شیمی عمرَ زیأدَ کونه؟

متّی 6:28

«چٚره شیمی رخت و لیوأسٚ رِه نیگرأنیدی؟ صأرأ گولأنَ فأندٚرید کی چوطو روشد کونٚده. اوشأن نه کأر کونٚده و نه خوشأنٚ رِه لیوأس دوجٚده.

متّی 6:31

«پس اَجور چیزأنٚ رِه نیگرأن نیبید و نیگید چی وأ خوردن یا چی وأ وأخوردن یا چی وأ دوکودن.

متّی 6:34

«پس، فردأ رِه نیگرأن نیبید، چونکی فردأ خو نیگرأنیأنَ خو اَمرأ دأره. ایمرو گریفتأریأن ایمرو رِه وٚسته.

لوقا 12:22

بأزون خو شأگردأنَ بٚفرمأسته: «پس شٚمٚره اَندرز کونم کی نیگرأن نیبید کی زٚندیگی روجأنَ چی وأ بوکونید، کی آیا بأقأیده خوردنی و لیوأس دأریدی یا نه.