لوقا 11:54 - Gilaki New Testament

⁵⁴ اوشأن، اونی پٚسی قصد بوکودٚد کی اونی گبأنٚ اَمرأ اونَ گریفتأرَ کونٚد و دأم میأن تأوٚدٚد.

کیتاب مقدّس به گیلکی (رشتی)

⁵⁴ و اوشأنٚ نقشه اَن بو کی خودٚ عیسی گبأنٚ اَمرأ اونَ محکومَ کونید.

کتاب مقدس به زبان گیلکی - گویش شرقی

⁵⁴ و اونه چرِ سر نیشتبون تا یکته گب اونه زبونای بیرون بای تا اونه گیرفتارَ کونن.

کتاب مقدس به زبان گیلکی - گویش رشت و غرب گیلان

⁵⁴ و رافا بید تا ایتا گَب جه اون زبان بیرون بایه تا اونَ گرفتارَ کونید.

لوقا 11:54 Iomraidhean Croise

متّی 22:15

فریسیأن خوشأنی اَمرأ جوفت و کلک بوکودٚد کی ایتأ رأ بیأفٚد کی عیسا‌یَ، بوگو بشتأوٚ میأن بٚدأم تأوٚدٚد و اونَ دسگیرٚ کودنٚ رِه خودشٚ گبأنٚ جَا ایتأ مدرک اونی ضد بٚدٚس بأوٚرٚد.

متّی 22:18

عیسا کی دأنستی اوشأن چی جوفت و کلک دیچِی دأرٚده، جوأب بٚدأ: «ای ریأکأرأن، اَ گبأنٚ اَمرأ خأیید مٚرَه غأفیلگیرَ کونید؟

متّی 22:35

بأزون، ایتأ جٚه فریسیأن کی پیله عألیم بو، وأوٚرسِه:

مَرقُس 12:13

امّا بأزون، چنتأ جٚه فریسیأن و هیرودیأنَ جأسوسأنٚ مأنستَن اوسه کودٚد کی عیسا گبأنٚ جَا ایچی بیأفٚد و اونَ بیگیرٚد.

مَرقُس 3:2

او روج شبّأت، هنٚ وأسی اونی موخألفأن اونَ پأستأندوبود کی اگه او مردأکَ هو روجٚ میأن شفأ بٚبخشه، ایچی بٚدأرٚد کی اونَ محکومَ کونٚد کی شَبّأتٚ میأن کأر کونه.

لوقا 11:53

وختی عیسا او میهمأنی جَا بیرون بأمؤ، فریسیأن و کأهینأن کی اونی گبأنٚ جَا اوشأنَ غیظٚ گیفته بو، سخت اونی اَمرأ موخألفت بوکودٚد و حقٚ سعی بٚزِدٚد خوشأنی سوألانٚ اَمرأ اونی سٚر فیشأر بأوٚرٚد.

لوقا 20:20

جٚه اَ خأطر حقٚ سعی زِئندوبود اونَ مجبور بوکونٚد ایتأ گب بٚزٚنه کی جٚه اون خودشٚ ضد ایستفأده بوکونٚد و رومٚ موقأمأنٚ دٚس بیسپأرٚد. جٚه اَ خأطر چن نفر کی ظأهیرٚ میأن خُب کردکأر بود و خوروم آدمأنٚ مأنستَن بود، زیر زیریکی اونی ورجأ اوسه کودٚد.

لوقا 20:26

اَطویی بو کی اوشأنی حقٚ سعی زِئن اونی دأم تأوٚدأنٚ رِه فأیده نأشتی و جٚه اونی جوأب دٚئنٚ مأت و قأقَ بوستٚد و دِه گبی نٚزِده.

اعمالٚ رسولأن 23:21

ولی شیمی جَا خأهیش کونم اَ کأرَ نوکونید! چونکی اوشأن ویشتر جٚه چهل نفر جوخوفته دأرٚده کی اونی سٚر فوتورکد و اونَ بوکوشٚد. قسمٚم بوخوردٚد تأ اونَ نوکوشٚد، نه ایچی بوخورد و نه ایچی وأخورد. هَسأ همٚتأن حأضیر و آمأده ایسٚد، فقد رأفأ ایسأده کی شومأن اوشأنٚ خأهیشَ قوبیل بوکونید.»