لوقا 10:7 - Gilaki New Testament

⁷ پس هو خأنه میأن بئیسید و او خأنه جَا هیتأ دِه خأنه میأن نیشید. هر چی شٚمٚره فأدأد، بوخورید و وأخورید چونکی کأرگر آدم خو دسمزدٚ رِه حق دأره!

کیتاب مقدّس به گیلکی (رشتی)

⁷ بأزین او خانه دورون بئسید. هرچی‌یَ کی شمرَ فدَه‌ییدی، بوخورید و بنوشید، چونکی کارگر حق دأره خو مواجبَ فیگیره. اَ خانه او خانه نیشید.

کتاب مقدس به زبان گیلکی - گویش شرقی

⁷ او خونه میئن بَیسین و هرچی شمره هدئن، بُخورین و وودوشین، چونکه کارگر مُزد اونه حقِ. از ایی خونه به او خونه جابجا نبین.

کتاب مقدس به زبان گیلکی - گویش رشت و غرب گیلان

⁷ اُ خانه درون بأسید و هرچی شمرأ فدَه ئید، بُخورید و بُنوشید، چون کارگرِ مُزد اونِ حقه. اَ خانه به اُ خانه جابجا نیبید.

لوقا 10:7 Iomraidhean Croise

مَرقُس 6:10

هرتأ خأنه‌یَ کی بودورون بوشؤیید، او جیگأ ترکَ کودنٚ زمأت رِه، هو خأنه دورون بئیسید.

لوقا 10:6

اگه اینفر اویَه لیأقت هو برکتَ بٚدأره، برکت اونَ فأرٚسِه و اگه لیأقت ندأره هو برکت شٚمٚره وأگرده.

لوقا 9:4

هرتأ خأنه میأنی کی بوشؤئید، تأ او زمأت کی اویَه ایسأیید، هو خأنه میأن بئیسید.

اعمالٚ رسولأن 16:15

اون تومأمٚ خو خأنوأرٚ آدمأنٚ اَمرأ تعمید بیگیفته و خأهیش بوکود کی اونی میهمأن بیبیم و بوگفته: «اگه ایطمینأن دأرید کی رأس‌رأسِی خوداوندَ ایمأن دأرم، پس بأیید می میهمأن بیبید.» اَندر حقٚ سعی بٚزِه کی آخرپٚسی قوبیل بوکودیم.

اعمالٚ رسولأن 16:34

او وخت پولس و سیلاسَ ببرده خو خأنه و اَشأنَ خوردنی فأدأ. زندأنٚ رییس و اونی خأنه آدمأن جٚه اَنکی خودایَ ایمأن بأوٚرده بود، خٚیلی خوشأل بود.

اعمالٚ رسولأن 16:40

پولس و سیلاس وختی کی زندأن جَا بیرون بأمؤده، وأگردٚستٚده لیدیه خأنه کی ایمأندأرأنَ بیدینٚد و ایوأردِه اَشأنَ تِشویق بوکوند. بأزون جٚه اویَه بوشؤده.

غلاطیأن 6:6

هرکی خودا کلامٚ آموجه‌یأنٚ جَا ایستفأده کونه، وأستی خو معلّمَ هر خورومٚ چی اَمرأ شیریک بوکونه.

اوّل تیموتائوس 5:13

جٚه اَن بوگذریم، جوأنٚ ویوه ایمکأن دأره بیکاری و تنبلی‌یَ عأدت بوکونه و اَ خأنه او خأنه بٚگرده و اَیتأ اویتأ رِه بدگویی بوکونه و البأقیأنٚ کأرٚ دورون فوضولی بوکونه، هچینٚ گب بٚزٚنه.

دوم تیموتائوس 2:6

ایتأ کیشأورز کی سخت کأر کونه، وأستی اوّلی نفری بٚبه کی مأصولأنٚ جَا ایستفأده کونه.