یوحنا 9:21 - Gilaki New Testament

²¹ امّا نه دأنیمی چوطو اونی چومأن وأبوستٚده و نه دأنیمی کی اَ کأرَ اونی رِه بوکوده. اونی جَا وأوٚرسید. چونکی اون ایتأ پیله مردأکه و تأنه همه‌‌چیَ بٚگه.»

کیتاب مقدّس به گیلکی (رشتی)

²¹ امّا از اَنکی چوطو اَنٚ چشمأن وازَ بوسته و یا کی اونٚ چشمأنَ وأکوده، اَمأن نأنیم. از خودش وَورسه‌یید. اون خودش بالغه و خودش درباره‌یٚ خودش تأنه گب بزنه.»

کتاب مقدس به زبان گیلکی - گویش شرقی

²¹ اَما نودؤنیم که الؤن چوطؤ اینه و نودؤنیم کی اونه چیشمونِ وأگوده. خوشَ جی بپورسین. او دِه پیلّه بوبؤ و خودش تینه خوشِ باره گب بزنی.»

کتاب مقدس به زبان گیلکی - گویش رشت و غرب گیلان

²¹ نانیم الان چُطو دینه، و نَانیم کی، اونِ چومانَ وازا کوده. خودِشِ جا واوَرسید. اون ده پیله بوسته و خودِش تانه خو باره گب بزنه.»

یوحنا 9:21 Iomraidhean Croise

لوقا 8:43

او جِمئیت دورون ایتأ زنأی ایسأ بو کی دوأزده سأل تومأم خونریزی دأشتی و اَنٚ اَمرأ کی تومأمٚ خو مألٚ مینألَ خو درمأنٚ وأسی خٚرجٚ کوده امّا شفأ نیأفته.

یوحنا 5:5

او نأخوشأنٚ میأن ایتأ مردأی ایسأبو، کی سی و هشت سأل زیمین گیر بو.

یوحنا 9:10

اونی جَا وأورسئده: «پس چی بوبوسته تی چومأن وأزَ بوستید؟»

یوحنا 9:20

اونی پئر و مأر جوأب بٚدأده: «هطویه، اَن اَمی پٚسرٚ کی کور بودونیأ بأمؤ.

یوحنا 9:22

اونی پئر و مأر، یوهودٚ پیله کسأنٚ ترسٚ جَا اَطو بوگفتٚده چونکی اوشأن بوگفته بود هرکی بٚگه عیسا هو مسیح ایسه، اونَ جٚه مملکتٚ تومأمٚ ایمتیأزأن محرومٚ کونٚد.

یوحنا 9:23

هنٚ وأسی بو کی اونی پئر و مأر بوگفتٚده: «اون ایتأ پیله مردأکه؛ اونی جَا وأوٚرسید.»

اعمالٚ رسولأن 9:33

اویَه اینفر اینیاس نأمَ بیدِه کی هشت سأل بوستی کی فٚلج و علیل بو.