یوحنا 8:31 - Gilaki New Testament

³¹ عیسا یوهودیأنی‌یَ کی اونَ ایمأن بأوٚرده بود، بٚفرمأسته: «اگه می آموجه‌یأنَ وفأ بوکونید، می رأس‌رأسِی شأگردأن بیدی.

کیتاب مقدّس به گیلکی (رشتی)

³¹ پس عیسی به یهودیأنی کی اونَ ایمأن بأورده بید، بوگفته: «اگه می کلامٚ میأن بِیسید، حقیقتاً می شاگرد بیدی.

کتاب مقدس به زبان گیلکی - گویش شرقی

³¹ بازین عیسی یهودی أنی که اونه ایمؤن بارده بون، بوته: «اگه می کلامِ میئن بَیسین، راست راستِ می شاگرد بنین.

کتاب مقدس به زبان گیلکی - گویش رشت و غرب گیلان

³¹ بازون عیسی یهودیانی کی اونَ ایمان باورده بیدَ، بگفت: «اَگه می کلام درون بمانید، حئیقتن می شاگرد خوائید بوستن،

یوحنا 8:31 Iomraidhean Croise

متّی 24:13

ولی هرکی تأ آخر، زحمتأنَ تحمول بوکونه، نیجأت یأفه.

یوحنا 1:47

وختی نیزدیکَ بوسته، عیسا بٚفرمأسته: «فأندرید، اَنی کی اَمؤندره اینفر ایسه کی اونی دورون دورُغ و کلک نٚنَه و ایتأ رأس‌رأسِی ایسرأییلی ایسه.»

یوحنا 2:2

عیسا و اونی شأگردأنٚم هو عروسی میأن دعوت بوبوسته بود.

یوحنا 6:55

چونکی می جأن رأس‌رأسِی خورأک و می خون رأس‌رأسِی وأخوردنیه.

یوحنا 8:36

پس، اگه پٚسر شٚمٚره آزأدَ کونه، رأس‌رأسِی آزأد ایسید.

اعمالٚ رسولأن 13:43

وختی مردوم مرخصَ بوستد، خٚیلی جٚه یوهودیأن و اوشأنی کی یوهودی نوبود و خودایَ پرستٚش کودید، پولس و برنابا دونبألسر بوشؤده. اَ دو نفر اَشأنٚ اَمرأ گب بٚزِده و اوشأنَ تِشویق بوکودٚد کی خودا فیض میأن قأیم بئیسٚد.

اعمالٚ رسولأن 14:22

و اویَه ایمأندأرأنَ تِشویق کودیدی و قوّت دٚئید کی خوشأنٚ ایمأنَ قأیم بٚدأرٚد و گفتیدی: «خودا ملکوتٚ بودورون شؤئؤن رِه، وأستی خٚیلی سختیأن جَا دٚوأریم.»

اعمالٚ رسولأن 26:22

ولی خودا یاور دئن و اونی حیمأیتٚ اَمرأ، تأ ایمرو زٚنده بمأنستم کی اَ حِئقتأنَ همٚتأنٚ رِه، چی کوجه‌دأنه چی پیله‌دأنه، وأگویا بوکونم. می پیغأم هونی ایسه کی یوهودٚ پیغمبرأن و موسا مردومَ آمؤختیدی،

رومیأن 11:22

پس بیدینید خودا چندر مهرٚوأن و هطویم سختگیره. اون نأفرمأنأنٚ رِه خٚیلی سختگیره. ولی اگه شومأن او ایمأن و محبتَ کی اونَ دأریدی قأیم بمأنید، شِمِره مهرٚوأن بِه. اگه اَطو نٚبه، شومأنم وأوِه بیدی.

رومیأن 2:7

اون اَبدی زٚندیگی‌یَ اوشأنی‌یَ فأدِه کی صبر و تحمولٚ اَمرأ، اونچی‌یَ کی دوروسته، انجأم دٚهٚده و او جلال و ایحترأم و زٚنده مأنستٚنَ خأیده کی خودا بخشِه.

کولسیان 1:23

ولی اَن بٚشرطی به کی دائیم اَ حِئقتٚ میأن قأیمٚ ایمأن بٚدأرید و اونٚ میأن پأ برجأ بئیسید و ولأنید او اومید کی اینجیلٚ پیغأمٚ دورون جوخوفته، سوستٚ بٚه. اَن هو اینجیل ایسه کی شیمی گوش فأرٚسِه و اَسأیٚم آسمأنٚ جیر همٚتأنٚ رِه وأگویا به و من پولس، اونٚ غولأم بوبوستم.

اوّل تیموتائوس 2:15

ولی زنأکأن زأی بودونیأ اَوٚردٚن، ایمأن، محبت، موقدس و نجیب بوستنٚ اَمرأ، زٚندیگی بوکونٚد رستگأر بٚده.

اوّل تیموتائوس 4:16

دیقتٚ اَمرأ تی طرزٚ زٚندیگی و آموجه‌یأنم بٚپّأ. اَ کأرأنٚ دورون قأیم بئیس، چونکی اگه اَطو بوکونی، خودا تی رأ و روشأنٚ جَا، هم تٚرَه نیجأت دِهه و هم اوشأنی کی تی گبَ ایشتأوده.

دوم تیموتائوس 3:14

ولی تو وأستی اونچی‌یَ کی بأمؤختی، کأمیل ایمأن بٚدأری. اونی دوروستی جَا ایطمینأن دأری چونکی دأنی اوشأنَ قأبیل ایطمینأنٚ آدمأنٚ جَا بأمؤختی؛

عبرأنیأن 3:14

چون اگه تأ آخرپٚسی وفأ بوکونیم و اَمی ایمأنٚ اوّلی روجأنٚ مأنستَن، اَمی ایعتمأدَ خودایَ قأیم بٚدأریم، بأزون مسیحٚ جلالٚ دورون سأم بریم.

عبرأنیأن 8:9

اَیتأ قول و قرأر او قبلی قول و قرأرٚ مأنستَن نییٚه کی اوشأنی پیله بأبأیأنٚ اَمرأ دٚوٚستم، او روجٚ میأنی کی اَشأنی دٚسَ بیگیفتم، مصرٚ سرزیمینٚ جَا بیرون بأوٚردٚم؛ چونکی، خوداوند گه، اوشأن می قول و قرأرَ وفأ نوکودٚد. پس می دیمَ اَشأنی جَا وأگردأنم.

یعقوب 1:25

ولی اونی کی خودا کلامَ، کی بشرٚ آزأدی رِه کأمیلٚ قأنون ایسه، توجه بٚدأره، نه فقد اونَ همیشٚک بٚخأطر دأره، بلکی اونَ فرمأنم بٚره و خودا اونَ فرمأن بردنٚ برکت دِهه.

اوّل یوحنا 2:19

اَ آدمأن اَمی میأن ایسأ بود، امّا جٚه اَمأن نوبود، چونکی اگه اَطو نوبو اَمی ورجأ ایسأییدی. وختی اَمی جَا سیوأ بوبوستٚد معلوم بوبوسته کی اصلن جٚه اَمأن نوبود.

اوّل یوحنا 2:24

شیمی ایمأنَ جٚه اونچی کی جٚه اوّل بشتأوستید حیفظ بوکونید چونکی اگه اَطو بوکونید، همیشٚک خودایٚ پئر و اونی پٚسرٚ اَمرأ ایتأ نیزدیکٚ رأبطه دأریدی

دوم یوحنا 1:9

چونکی اگه مسیحٚ آموجه‌یأنٚ جَا دورَ بید، خودا جأیٚم دورَ بیدی. امّا اگه مسیح آموجه‌یأنَ وفادأر بئیسید، خودایٚم دأریدی. به اَ شیکل هم "پئرَ" دأرید و هم "پٚسرَ".