یوحنا 7:13 - Gilaki New Testament

¹³ اَطویی بو کی هیکس نٚیأرستی رأحت و آزأد اونی جَا نظر بٚدأ، چونکی یوهودٚ پیله‌ کسأنٚ جَا ترسئیدی.

کیتاب مقدّس به گیلکی (رشتی)

¹³ چون از حاکمأنٚ یهود ترس دأشتیدی، هیکس درباره‌یٚ اون آشکارا حرف نزه‌یی.

کتاب مقدس به زبان گیلکی - گویش شرقی

¹³ ولی چونکه یهودی أنَ جی واهیمه داشتن، هیشکس اونای آشکارا گب نزی.

کتاب مقدس به زبان گیلکی - گویش رشت و غرب گیلان

¹³ ولی یهودیانِ ترسِ واسی، هیکّس اونِ باره آشکارا گب نزئی.

یوحنا 7:13 Iomraidhean Croise

یوحنا 19:38

بأزین، یوهودٚ ایتأ جٚه پیله کسأن کی اَنٚ ایسم یوسف و "رأمه" شین بو و قومٚ پیله کسأن ترسٚ جَا، خلوتی عیسا شأگرد بوبوسته بو، شوجأعتٚ اَمرأ بوشؤ پیلاتُسٚ ورجأ و بٚخأسته کی عیسا جنأزه‌یَ جٚه صلیبٚ جؤر بأوٚره بیجیر و ببره بیگیلَ کونه. پیلاتُس وئأشته و اونم جسدَ بأوٚرده بیجیر و خو اَمرأ ببرده.

یوحنا 20:19

هو روج غروب دٚمٚ رِه شأگردأن جمَ بوستٚد و جٚه یوهودٚ قومٚ پیله کسأنٚ ترسٚ وأسی، درأنَ جٚه پوشت دٚوٚستٚده. امّا ایوأرکی بیدِدٚد کی عیسا اوشأنی میأن ایسأ. عیسا بٚفرمأسته: «آرأمٚش و سلأمتی شیمی رو بٚبه!»

یوحنا 3:2

ای شب عیسا ورجأ بأمؤ و بوگفته: «اوستأد، اَمأن اَ شهرٚ دینی رهبرأن، همٚتأن دأنیمی کی شومأن جٚه خودا ور اَمی آمؤختٚنٚ وأسی بأمؤیی. تی نیشأنه‌یأن کی موجیزه مأنستَنه گووأ دِهه کی خودا تی اَمرأیه.»

یوحنا 7:1

پس عیسا بوشؤ جلیل سأمأن شرأ و اویَه دیهأتأنٚ دورون گردستی کی یوهودیه جَا دؤر بٚبه چونکی یوهودٚ پیله کسأن خأستیدی اونَ بوکوشٚد.

یوحنا 7:11

اویَه یوهودٚ پیله‌ کسأن، اونٚ دونبأل گردستیدی و کس‌کسٚ جَا وأوٚرسئیدی: «پس عیسا کویه ایسأ؟»

یوحنا 7:15

قومٚ یوهود پیله کسأن اونی گبأنٚ جَا قأقَ بوستٚد و کس‌کسٚ بوگفتٚده: «آدم قأقَ به! چوطو به اینفر کی هیوخت اَمی دینی مدرسه دورون درس نخأنده اَطوچی‌یَ بٚدأنه؟»

یوحنا 9:22

اونی پئر و مأر، یوهودٚ پیله کسأنٚ ترسٚ جَا اَطو بوگفتٚده چونکی اوشأن بوگفته بود هرکی بٚگه عیسا هو مسیح ایسه، اونَ جٚه مملکتٚ تومأمٚ ایمتیأزأن محرومٚ کونٚد.

یوحنا 9:34

اَشأن ایجگره بٚزِ‌ده: «تو سٚر تأ پأ گونأ جَا بودونیأ بأمؤیی، هسأ خأیی اَمٚرَه بأموجی؟» پس اونَ بیرونَ کودٚد.

موکأشفه 2:13

دأنٚم او شهرٚ میأن زٚندیگی کونی کی شیطان اویَه حوکومت کونه و آدمأن شیطانَ پرستٚش کونٚده. هرجوری کی بو، مٚرَه وفأ بوکودی و مٚرَه اینکأر نوکودی؛ حتّا او زمأت کی آنتیپاس، می شأهید کی مٚرَه وفأ بوکوده، شیطانٚ بألأخأیأنٚ دٚس شهید بوبوسته، تو می وأسی اَمین بئیسأیی.