یوحنا 6:53 - Gilaki New Testament

⁵³ پس عیسا ایوأردِه بٚفرمأسته: «رأس‌رأسِی شٚمٚره گم کی اگه اینسأنٚ پٚسرٚ جأن و اونی خونَ نوخورید، هیوخت نتأنیدی همیشٚکی زٚندیگی‌یَ بٚدأرید.»

کیتاب مقدّس به گیلکی (رشتی)

⁵³ عیسی اوشأنَ بوگفته: «آمین، آمین، شمرَ گم کی تا اینسانٚ پسرٚ بدنَ نوخورید و اونٚ خونَ ننوشید، در خودتأن زندگی‌یٚ اَبدی نأریدی.

کتاب مقدس به زبان گیلکی - گویش شرقی

⁵³ عیسی اوشونه بوته: «راست راستِ، شمره گونم تا انسونِ ریکه تنِ نوخورین و اونه خونِ ووندوشین، شیمه میئن زندگی ندَئنین.

کتاب مقدس به زبان گیلکی - گویش رشت و غرب گیلان

⁵³ عیسی اَشانَ بگفت: «حئیقتن، شمرأ گَم، کی تا انسان پسر تَنَ نُخورید و اونِ خونَ ننُوشید، شیمی درون زیندگی نارید.

یوحنا 6:53 Iomraidhean Croise

متّی 18:3

و بوگفته: «تأ شٚمٚره عوضٚ نوکونید و زأکأنٚ مأنستَن نیبید، هیوخت نتأنید آسمأنٚ ملکوتٚ بودورون بیشید.

متّی 5:18

رأس‌رأسِی شٚمٚره گم کی آسمأن و زیمین جٚه بین نٚشٚده، مگه هو زمأت کی تورأتٚ همّه، حتّا اونی کوجه‌دأنه قیسمت، دأنه بٚه دأنه انجأم بوبوسته بی.

متّی 8:20

ولی عیسا اونَ بوگفته: «شألأن خوشأنٚ رِه لأنه دأرٚده و پرنده‌یأنم، فک؛ ولی اینسأنٚ پٚسر. جأیی نأرِه کی حتّا خو سٚرَ اونٚ رو بٚنه.»

لوقا 13:3

ایمکأن نأرِه! شومأنم اگه شیمی بد کردکأرأنٚ جَا وأنگردید و خودا ور نیشید، اوشأنی مأنستَن هلأکٚ بید!

لوقا 13:5

هیوخت! شومأنم اگه توبه نوکونید، همٚتأن هلأکٚ بید!

یوحنا 13:8

پطرس ایوأردِه حقٚ و سعی اَمرأ بوگفته: «نه، هیوخت ولأنم می پأیأنَ بوشؤری.» عیسا بٚفرمأسته: «اگه تی پأیَ نوشؤرٚم تو می شین نیبی.»

یوحنا 15:4

می میأن بئیسید و وئألید منم شیمی میأن بئیسم، چونکی وختی خأل درختٚ جَا بٚکفه، دِه نتأنه مِیوه فأده. شومأنم نتأنیدی بودونٚ من خوروم مِیوه بأوٚرید و موفید بیبید.

یوحنا 3:3

عیسا جوأب بٚدأ: «رأس‌رأسِی تٚرَه گم، اگه تأزه تولد نیأفی، هیوخت نتأنی خودا ملکوتَ بیدینی.»

یوحنا 3:36

هر کی خودا پٚسرَ ایمأن بأوٚره، همیشٚکی زٚندیگی دأره. ولی هرکی جٚه خودا پٚسر ایطأعت نوکونه، هیوخت همیشٚکی زٚندیگی‌یَ فأنگیره، بلکی خودا غضب اونی رو بأقی مأنه.»

یوحنا 3:5

عیسا جوأب بٚدأ: «اونچی کی گم رأسته. تأ اینفر جٚه آب و روح بودونیأ نأیِه، نتأنه خودا ملکوت دورون بشه.

یوحنا 6:47

«رأس‌رأسِی شٚمٚره گفتأندرم، هر کی مٚرَه ایمأن بأوٚره جٚه هو وخت، همیشٚکی زٚندیگی‌یَ دأره.»

یوحنا 6:51

اَن زٚندیگأنی نأن کی جٚه آسمأن نأزل بوبوسته، من ایسٚم. هرکی جٚه اَ نأنٚ بوخوره، همیشٚکٚ رِه زٚنده مأنه. اَ نأن می هو جأن ایسه کی مردومٚ رِه فٚدأ کونم کی نیجأتَ فأگیرٚد.»

یوحنا 6:55

چونکی می جأن رأس‌رأسِی خورأک و می خون رأس‌رأسِی وأخوردنیه.

یوحنا 6:62

پس اگه بیدینید کی اینسأنٚ پٚسر ایوأردِه آسمأنَ، او جأیی کی پیشتر بأمؤ بوجؤر شِه، چی حألی بیدی؟

اوّل یوحنا 5:12

پس معلومه کی هر کی مسیحَ دأره، اَ زٚندیگی‌یٚم دسترس دأره ولی هر کی مسیحَ نأرِه جٚه اَ زٚندیگی‌ هیذره سأم نٚبٚره.

موکأشفه 2:17

هرکی اَنَ ایشتأوه، خُب دیقت بوکونه کی خودا روح کیلیسایأنَ چی گه: هرکی پیروزَ بٚه، آسمأنٚ میأن او جیگأ بٚدأ بوبوسته "مَنّا" جَا اونَ فأدَم؛ و من اونَ ایتأ سیفیدٚ سنگ بٚخشم کی اونی رو ایتأ تأزه ایسم بینیویشته بوبوسته، هو ایسم کی هیکس اونی جَا وأخٚوٚر نییٚه، جغرز اونی کی اونَ فأگیره.

موکأشفه 2:7

هرکی اَنَ ایشتأوه، خُب دیقت بوکونه کی خودا روح کیلیسایأنَ چی گه: هرکی پیروزَ بٚه اونَ وئألم کی حیأتٚ دأرٚ مِیوه جَا کی خودا بأغٚ میأن نٚهأ بوخوره.