یوحنا 3:23 - Gilaki New Testament

²³ هه وخت یوحنا، سألیمٚ نیزدیکی ایتأ محلّه میأن کی عینون نأم دأشتی مردومَ تعمید دٚئی، چونکی اویَه آب زیأد بو و مردوم تعمیدٚ وأسی اونی ورجأ اَمؤییدی.

کیتاب مقدّس به گیلکی (رشتی)

²³ یحیایم عِیْنونٚ میأن، نزدیکٚ سالیم، تعمید دَیی، چونکی در اویه آب زیاد بو و مردوم اَموییدی و تعمید گیفتیدی.

کتاب مقدس به زبان گیلکی - گویش شرقی

²³ یحیی هم عِیْنون دهات میئن که سالیمِ شهرِ نزدیکی بو، غسلِ تعمید دا، چونکه اوره آؤ زیاد بو. مردومم أمَئن و غسل تعمید هَیتَن.

کتاب مقدس به زبان گیلکی - گویش رشت و غرب گیلان

²³ یحیی ئَم عِیْنون دهات میان، سالیم شار نزدیکی، تعمید دئی، چونکی اویا آبْ زیاد بو و مردوم اَموئید و تعمید گیفتیدی.

یوحنا 3:23 Iomraidhean Croise

لوقا 3:7

خٚیلی جٚه مردومأن، تعمید گیفتنٚ وأسی یوحنا ورجأ اَمؤییدی. ایوأر اون ایتأ عیده جٚه اوشأنَ بوگفته: «اَی لأنتی زأکأن، کی شٚمٚره خودا عذأب آینده جَا وأخبدأرٚ کوده کی بوگروزید؟

یوحنا 3:22

بأزون، عیسا خو شأگردأنٚ اَمرأ جٚه اورشلیم بیرون بوشؤ. ولی چند روج یوهودیه اوستأنٚ میأن اویَه آدمأنٚ اَمرأ بئیسأ و اوشأنَ تعمید دٚئی.

یوحنا 3:24

اَن پیشتر جٚه اون بو کی یوحنا هنو زندأن دکفه.

موکأشفه 1:15

اونی پأیأن ایتأ مِسٚ مأنستَن کی آتشٚ تونور میأن بٚسأبٚسته بید شبق زِئی. اونی صدا ایتأ آبشأرٚ مأنستَن اوخأن دأشتی.

موکأشفه 14:2

بأزون، ایتأ صدا آسمأنٚ جَا بشتأوستم کی آبشأرٚ فووُستن و گؤرخأنه نٚأره مأنستَن بو، ولی هطو اوشأنی کی چنگ زنٚده آوأزٚ مأنستأنم بو.

موکأشفه 19:6

بأزون، ایتأ صدا دِه بشتأوستم کی خوروم اوخأن دأشتی، ایتأ صدا ایتأ پیله گورو سورودٚ مأنستَن کی اونی اوخأن دریأیأنٚ خروشأنٚ موجأن و گؤرخأنه، تترجٚ نٚأره مأنستَن بو، و گفتی: «هللویاه، شوکر خودا رِه! چونکی اَمی پور قوّتٚ خوداوند حوکومت کونه.