یوحنا 3:12 - Gilaki New Testament

¹² من اَ دونیأ کأرأنٚ جَا شیمی اَمرأ گب زنٚم و شومأن بأوٚر نوکونیدی. پس اگه جٚه آسمأنٚ کأرأن شیمی اَمرأ گب بٚزٚنم چوطو خأییدی بأوٚر بوکونید؟

کیتاب مقدّس به گیلکی (رشتی)

¹² وختی شیمی اَمرأ درباره‌یٚ امورٚ زیمینی حرف بزم، باور نوکودیدی، چوطو باور کونیدی اگه شیمی اَمرأ از امورٚ آسمانی بگم؟

کتاب مقدس به زبان گیلکی - گویش شرقی

¹² اگه شیمه اَمره زمینی چیزونَ جی گب بزِئم، باور نودین، چوطو آسمونی چیزونَ جی شیمه به گب بزنم باور کؤنین؟

کتاب مقدس به زبان گیلکی - گویش رشت و غرب گیلان

¹² وقتی کی زمینی چیانِ باره شیمی اَمرا گب بزم، واوَر نُکودید، اَگه آسمانی چیانِ جا شمرأ بگم چُطو واوَر خوائید کودن؟

یوحنا 3:12 Iomraidhean Croise

یوحنا 3:11

رأس‌رأسِی تٚرَه گم کی اَمأن اونچی کی دأنیم و بیدِییمَ گیمی، ولی شومأن نتأنید بأوٚر بوکونید.

یوحنا 3:3

عیسا جوأب بٚدأ: «رأس‌رأسِی تٚرَه گم، اگه تأزه تولد نیأفی، هیوخت نتأنی خودا ملکوتَ بیدینی.»

یوحنا 3:5

عیسا جوأب بٚدأ: «اونچی کی گم رأسته. تأ اینفر جٚه آب و روح بودونیأ نأیِه، نتأنه خودا ملکوت دورون بشه.

یوحنا 3:8

دوروست هوطو کی بأدٚ صدایَ ایشتأوی ولی نتأنی بیگی جٚه کویه اَیِه و کویه شِه، در موردٚ اینسأنٚ تأزه تولدٚم، اینسأن نتأنه بفأمه کی خودا روح، چوطو اونَ عطأ کونه.»

اوّل تیموتائوس 3:16

شک نشأ کودن کی دیندأری رأز کی نمأیأنَ بوسته، پیله‌دأنه ایسه، اَ رأز کی اون جیسمٚ دورون ظأهیرَ بوسته و روح‌القدس جَا تأیید بوبوسته، فٚرٚشته‌یأن اونَ بیدِییدی، مردومٚ دورون اونٚ وأسی موعیظه بوبوسته، دونیأ دورون اونَ ایمأن بأوٚردٚد و هوطو جلال دورون بوجؤر ببرده بوبوسته.

عبرأنیأن 5:11

دروأره‌یٚ اَ پیله کأهین، خٚیلی گب نٚهأ، ولی او گبأنٚ گفتن رأحت نییٚه، بوخصوص اَنکی شیمی روحأنی فأم کونْدٚ بوسته و شیمی گوشأن سینگینٚ بو!

اوّل یوحنا 4:10

اَن او رأس‌رأسِی محبته! اَمأن، اونَ محبت نوکودیم بلکی اون اَمٚرَه محبت بوکوده و خو ایتأ دأنه پٚسرَ اوسه کوده کی اَمی گونأیأنٚ وأسی قوربأنی بٚبه.