یوحنا 21:7 - Gilaki New Testament

⁷ او وخت او شأگرد کی عیسا اونَ دوس دأشتی، پطرسَ بوگفته: «اَن خوداوندٚ!» پطرسٚم کی تأ کمر برأنده بو، دفأتن خو رختأنَ خو دؤر وأپخته و وأز بوکوده آبٚ دورون و شنا اَمرأ خؤرَه فأرٚسأنه دریأ کنأره.

کیتاب مقدّس به گیلکی (رشتی)

⁷ شاگردی کی عیسی اونَ دوست دأشتی، پطرسَ بوگفته: «اون خوداونده!» وختی شمعونٚ پطرس بیشنَوسته اون خوداونده، خو لیباسَ خو دور دوٚسته - چونکی اونَ از خو تن بیرون بأورده‌بو و خودشَ دریا میأن تأودَه.

کتاب مقدس به زبان گیلکی - گویش شرقی

⁷ شاگردی که عیسی اونه دوست داشت، پطرس بوته: «خداوند ایسّه!» شمعون پطرس هیطو که بشتوؤسه او خداوند ایسّه، خوشِ رختِ خوشِ دور فیبیته – چونکه ماهی گیتنِ وسه خو رختِ بکنده بو- و خوش دریا میئن تؤوده.

کتاب مقدس به زبان گیلکی - گویش رشت و غرب گیلان

⁷ اُ شاگردی کی عیسی اونَ دوست دَشتی، پطرُسَ بگفت: «خُداونده!» شَمعون پِطرُس هَطو بیشتاوست کی خُداونده، هو دَم خو رختَ خو دور بپیچست - چونکی صید واسی خو رختَ بکنده بو - و خوره دریا درون تَوَدَه.

یوحنا 21:7 Iomraidhean Croise

مَرقُس 11:3

و اگه اینفر شیمی جَا وأوٚرسِه: "چی کودأندریدی؟" بیگید: "خوداوند اونَ ایحتیأج دأره و دفأتن اونَ پٚسَ دِه."»

لوقا 12:35

«همیشٚک لیوأس دوکوده، خیدمتٚ رِه آمأدَه بیبید و شیمی چرأغَ روشن بٚدأرید!

لوقا 2:11

و اون اَن ایسه کی هه ایمرو داوودٚ شهرٚ دورون، ایتأ نیجأت بٚدأ کس شِمِره بودونیأ بأمؤ، هونی کی مسیح و خوداونده.

لوقا 7:47

هنٚ وأسی ایسه کی اون ویشتر محبت نیشأن دِهه، چونکی ویشترٚ اونی گونأیأن بٚبخشه بوبوسته. امّا هر کی کمتر بٚبخشه بوبوسته بی، کمتر محبت نیشأن دِهه.»

یوحنا 13:23

ایتأ جٚه او شأگردأن، کی عیسا اونَ دوس دأشتی، اونی ورجأ لَم بدأبو.

یوحنا 19:26

وختی عیسا خو مأرَ او شأگردٚ ورجأ کی اونَ دوس دأشتی بیدِه، خو مأرَ بوگفته: «اَن تی پٚسر بٚبه.»

یوحنا 20:2

پس بودووٚسته بأمؤ پطرس و او شأگرد ورجأ کی عیسا اونَ دوس دأشتی و بوگفته: «خوداوندٚ جسدَ اوسأدٚد و معلوم نییٚه کویه بٚنأده.»

یوحنا 20:20

و خو دٚسأن و خو تٚکٚ زخمأنَ اَشأنَ نیشأن بٚدأ کی اونَ بٚشنأسٚد. وختی خوشأنی خوداوندَ بیدِ‌ده، خٚیلی خوشألَ بوستٚد.

یوحنا 20:28

توما بوگفته: «اَی می خوداوند، اَی خودا جأن.»

یوحنا 21:20

پطرس وأگردسته و بیدِه کی او شأگرد کی عیسا اونَ دوس دأشتی اوشأنی دونبألسر اَمؤندره، ینی هونی کی شأمٚ سٚر عیسا ورجأ لَم بدأبو، اونی جَا وأوٚرسِه بو: «اوستأد، کویتأ جٚه اَمأن تٚرَه نأرو زنیمی؟»

یوحنا 21:24

او شأگرد همه چی‌یَ بیدِه و اَیَه بینیویشته، اَمأن همٚتأن دأنیمی کی اَ بینیویشته‌یأن حِئقتٚ مأنه.

یوحنا 21:8

البأقی لوتکأ میأن بئیسأده و تورٚ کی مائی جَا پورَ بوسته بویَ فأکٚشِده دریأ کنأر. قأیق صد متر سأحیلٚ جَا دؤر بو.

اعمالٚ رسولأن 10:36

شومأن رأس‌رأسِی خودا اَ خورومٚ خٚوٚر و بشأرتَ کی ایسرأییلٚ قومَ فأدأ جَا وأخٚوٚر ایسید، ینی اَ خورومٚ خٚوٚر کی آدم تأنه عیسا مسیحٚ اَمرأ کی همٚتأنٚ خودا ایسه، خودا ور وأگرده.

اعمالٚ رسولأن 2:36

«اَنٚ وأسی، من ایمرو وأضیح و آشیکأر شومأ همٚتأ می ایسرأییلی قومَ گفتن دٚرٚم کی هه عیسا کی شومأن اونَ صلیبٚ سٚر بوکوشتید، خودا اونَ، خوداوند و مسیح اینتخأب بوکوده!»

اوّل قرنتیان 15:47

اوّلی آدم جٚه زیمینٚ خأک چأکوده بوبوسته، ولی دویُمی آدم ینی مسیح، جٚه آسمأن بأمؤ.

دوم قرنتیان 5:14

هرچی کونیمی، اَمی صرفٚ رِه نییٚه، بلکی اَنٚ وأسی ایسه کی مسیحٚ دوس دأشتٚن تومأمٚ کمأل اَمی وجود و جأنَ بیگیفته. و چونکی ایمأن دأریمی کی مسیح خو جأنَ امّا همٚتأنٚ رِه فٚدأ بوکوده، اَنٚم ایمأن دأریم کی اَمأن اَمی پیشتر زٚندیگی دورون کی گونأ اَمرأ ایتأ بوبوسته بو میأن بٚمٚردیم.

یعقوب 2:1

می جأنٚ دیلأن، چوطو تأنیدی ایدعأ بوکونید کی عیسا مسیح، او پورجلالٚ خوداوندٚ شین ایسید، اَسه اَنکی افرأدٚ میأن فرق نیهید؟