یوحنا 13:5 - Gilaki New Testament

⁵ ایتأ لگنٚ میأن آب دوکوده و بینأ کودن شأگردأنٚ پأیَ شؤستن و حوله اَمرأ خوشکَ کودن.

کیتاب مقدّس به گیلکی (رشتی)

⁵ بعد ایتأ لگنٚ میأن آب دوکوده و شروع بوکوده خو شاگردأنٚ پایَ شوستن و اوشأنٚ پایَ او حوله اَمرأ کی خو کمرٚ دور، دوسته‌بو خوشکَ کوده.

کتاب مقدس به زبان گیلکی - گویش شرقی

⁵ بازین یکته لگنِ میئن آؤ دؤوده و شروع بُوده شاگردؤنِ پَا شستن و او حوله أمره که خو کمره دور دوسّبو، اوشونِ پائنه خوشکَ گوده.

کتاب مقدس به زبان گیلکی - گویش رشت و غرب گیلان

⁵ بازون لَگَن درون آب دُکود و بنا به شاگردان لنگان شوستن بُکود و اُ حوله مرا کی خو کمرِ دور دَوَسته بو اوشان لنگانَ خُشکا کود.

یوحنا 13:5 Iomraidhean Croise

لوقا 7:38

و بوشؤ او خأنه دورون عیسا پوشتٚ ور، اونی پأیأنٚ جیر بینیشت و شورو بوکوده گریه کودن. اونی آرسو توکّه‌یأن عیسا پأیأنٚ رو فووُستی و اون، خو گیسأنٚ اَمرأ اوشأنَ پأکٚ کودی. بأزون عیسا پأیأنَ مأچی بٚدأ و اوشأنی رو عطر فوکود.

لوقا 7:44

بأزین او زنأکَ نیشأن بٚدأ و شمعونَ بوگفته: «اَ زنأی کی اَیَه ایسأ و زانو بٚزِیَ، خُب فأندٚر! وختی بأمؤم تی خأنه تٚرَه زحمت ندأیی کی می پأیأنٚ شؤستنٚ رِه آب بأوری. امّا اون می پأیأنَ خو چومأنٚ آرسو اَمرأ بوشؤسته و خو گیسأنٚ اَمرأ خوشکه کوده.

یوحنا 13:10

عیسا جوأب بٚدأ: «اونی کی خؤرَه بوشؤسته، فقد وأستی خو پأیَ بوشؤره، تأ تومأمٚ اونی جأن پأکَ به. شومأنم پأک ایسیدی امّا نه، همٚتأن.»

یوحنا 13:6

وختی فأرٚسِه شمعونٚ پطرسٚ ورجأ، پطرس اونَ بوگفته: «اوستأد، تو نوأستی اَمی پأیَ بوشؤری.»

یوحنا 13:8

پطرس ایوأردِه حقٚ و سعی اَمرأ بوگفته: «نه، هیوخت ولأنم می پأیأنَ بوشؤری.» عیسا بٚفرمأسته: «اگه تی پأیَ نوشؤرٚم تو می شین نیبی.»

یوحنا 19:34

تومأمٚ اَشأنٚ اَمرأ، ایتأ جٚه او سروأزأن خو نیزه‌یَ فوخأسته عیسا تکَ کی آب و خون بیرون بأمؤ.

اعمالٚ رسولأن 22:16

هسأ چٚره بیکأر ایسأیی؟ ویریز و تعمید بیگیر، و اونٚ نأمَ دؤخأن کی تی گونأیأنٚ جَا پأکَ‌ بی."

اوّل قرنتیان 6:11

پیشتر ای عیده جٚه شومأن، اَطوچی زٚندیگی دأشتیدی کی گونأ اَمرأ ایتأ بوبوسته‌ بو، ولی هسأ شیمی گونأیأن بوشؤسته بوبوسته و شومأن خودا رِه وقف بوبوستید و اون شٚمٚره دوس دأره، و اَن اَمی خوداوند عیسا مسیح کأر وأسی و روح‌القدسٚ قودرتٚ اَمرأ ایمکأن دأره.

افسسیان 5:26

کی اونَ هچین آبٚ اَمرأ شؤستنٚ مأنستَن خودا کلامٚ اَمرأ بوشؤره و پأک و موقدس چأکونه

اوّل تیموتائوس 5:10

هطوچی ویوه زنأکأن وأستی خورومٚ کردکأرأن بوکوده بید، زأکأنٚ آمؤختٚن، غریبه‌یأنٚ جَا پذیرأیی کودن، موقدسٚ آدمأنٚ پأیَ شؤستن، رنج بیدِکأنٚ یاور دٚئنٚ مأنستَن و هطو اَنکی خودٚشأنَ هرتأ خورومٚ کأرٚ رِه وقف بوکوده بٚبٚد.

عبرأنیأن 10:22

بأیید ایتأ پأکٚ دیلٚ اَمرأ، رأست بیشیم خودا ورجأ، و کأمیلٚ ایطمینأن بٚدأریم کی اون اَمٚرَه قوبیل کونِه، چونکی مسیحٚ خون اَمی سٚر فووُسته و اَمٚرَه پأکَ کوده؛ اَمی سٚر و جأنم تیمیزٚ آبٚ اَمرأ بوشؤسته بوبوسته.

اوّل یوحنا 1:7

امّا اگه اَمأنٚم مسیح مأنستَن خودا حوضورٚ نورٚ دورون زٚندیگی کونیم بأزون ایتأ نیزدیکٚ رأبطه کس‌کسٚ اَمرأ دأریم و خودا پٚسر ینی عیسا خون اَمٚرَه جٚه هر گونأیی پأکَ کونِه.

اوّل یوحنا 5:6

عیسا مسیح خو تعمیدٚ اَمرأ آبٚ دورون و خو خونٚ فوکودٚنٚ اَمرأ صلیب جؤر نیشأن بٚدأ کی خودا زأکه ، ینی عیسایٚ مسیح نه فقد آبٚ اَمرأ، بلکی خون و آبٚ اَمرأ و روح کی رأستی‌یَ نیشأن دِهه هنٚ گووأیی دِهه.

موکأشفه 1:5

و جٚه عیسا مسیحٚ ور کی تومأمٚ حِئقتَ اَمِرِه کأمیل آشیکأرَ کونِه. مسیح اوّلی کسی ایسه کی مٚردنٚ پٚسی زٚنده بوسته، و تومأمٚ اَ دونیأ پأدیشأیأن جَا بوجؤرتره. ستأیٚش و شوکرگوزأری اونَ روأ ایسه کی اَمٚرَه محبت کونِه و خو خونٚ اَمرأ، اَمٚرَه بوشؤسته و اَمی گونأیأنٚ جَا آزأدَ کوده؛

موکأشفه 7:14

جوأب بٚدأم: «اَنَ، تو دأنی آقأ جأن.» مٚرَه بوگفته: «اَشأن هو آدمأنی ایسٚده کی سختٚ عذأبٚ جَا بیرون بأمؤده. اَشأن خوشأنٚ رختأنَ "بٚرّه" خونٚ اَمرأ بوشؤستٚده و سیفیدَ کودٚد.