یوحنا 11:16 - Gilaki New Testament

¹⁶ ایتأ جٚه اونی شأگردأن کی «توما» ینی «دوقولو» نأم دأشتی. اوشأنَ بوگفته: «بأیید اَمأنٚم بیشیم و اونی اَمرأ بیمیریم.»

کیتاب مقدّس به گیلکی (رشتی)

¹⁶ پس توما کی به دوقولو معروف بو، شاگردأنَ بوگفته: «بأیید اَمأنم بیشیم و اونٚ اَمرأ بیمیریم.»

کتاب مقدس به زبان گیلکی - گویش شرقی

¹⁶ پس توما که اونه دوقلو گوتن، اوته شاگردؤن بوته: «باین أمَرَم بشیم و اونه أمره بمیریم.»

کتاب مقدس به زبان گیلکی - گویش رشت و غرب گیلان

¹⁶ پس توما، کی دوقلو دوخواده بوستی، اویتا شاگردان بگفت: «بائید اَمانم بشیم تا اونِ مرا بیمیریم.»

یوحنا 11:16 Iomraidhean Croise

متّی 10:3

فیلیپ، بَرتولُما، توما، متا (او معروفٚ بأج فأگیر)، یعقوب (حلفی پٚسر)، تَدّای،

متّی 26:35

ولی پطرس بوگفته: «حتّا اگه لأزیم بٚبه، تی اَمرأ میرٚم، ولی هیوخت تٚرَه اینکأر نوکونم!» البأقی شأگردأنم هطو بوگفتد.

مَرقُس 3:18

آندریاس، فیلیپ، بَرتولُما، متا، توما، یعقوب (حلفی پٚسر)، تَدّای، شمعون (فدأییأنٚ حیزبٚ شین)

لوقا 22:33

شمعون بوگفته: «خوداوندا، من حأضیرٚم تی اَمرأ زندأن دٚکٚفٚم، حتّا تی اَمرأ بیمیرٚم!»

لوقا 6:15

متا، توما، یعقوب (حلفی پٚسر)، شمعون (فدأیی معروف بو)،

یوحنا 11:15

من خوشألم کی اونی ورجأ نئیسأبوم، چونکی اونی مٚردنٚ ایوأردِه شٚمٚره فورصت دِهه کی مٚرَه ایمأن بأوٚرید. هسأ بأیید بیشیم اونی ورجأ.»

یوحنا 11:8

شأگردأن شأکی بوبوستٚد و بوگفتٚده: «هه چن روج قبل بو کی یوهودٚ پیله کسأن خأستیدی تٚرَه بوکوشٚد. هسأ خأیی ایوأردِه بیشی اویَه؟»

یوحنا 13:37

پطرس وأوٚرسِه: «اوستأد، چٚره نتأنٚم هسأ بأیٚم؟ من حتّا می جأنَ تی وأسی فأدٚم.»

یوحنا 14:5

توما بوگفته: «نه نأنیم، کی حتّا تو کویه شوئؤندری چوطو تأنیم رأیَ بیأفیم؟»

یوحنا 21:2

چنتأ عیسا شأگردأن دریأ کنأر ایسأبود: شمعونٚ پطرس، توما کی اونی لقب دوقولو بو، نتنائیل کی قانای جلیلٚ شین بو، زبدی پٚسرأن و دو نفر دِه جٚه شأگردأن.

اعمالٚ رسولأن 1:13

او وخت کی فأرٚسِده، بوشؤده او خأنه تلأرٚ جؤر کی اویَه ایسأ بود. اَن اوشأنی نأم ایسه کی اویَه ایسأبود: پطرس، یوحنا، یعقوب، آندریاس، فیلیپُس، توما، برتولما، متا، یعقوب(حلفی پٚسر)، شمعون (کی فدأییأنٚ حیزبٚ شین بو)، یوهودأ(یعقوبٚ پٚسر).