یعقوب 5:3 - Gilaki New Testament

³ شومأن اَ زودگوذرٚ دونیأ دورون، طلأ و نوقره جمَ کونید، نأخٚوٚر جٚه اَنکی اَ کأرٚ اَمرأ، شِمِره قیأمتٚ روجٚ دورون موجأزأت جمَ کودأندرید. چون هوطو کی شیمی طلأ و نوقره‌یَ مورأن بٚزِه، آتشٚم شیمی جأنَ خوره.

کتاب مقدس به زبان گیلکی - گویش شرقی

³ شیمه طلا و نقره میرون بزه، و اوشونِ میرون شیمه ضید گواهی دئنه و هوتو آتش مورسؤن شیمه تن گوشت خوئنه. شمه تا آخری روزؤن میئن مال مینال جومَه گودین!

کتاب مقدس به زبان گیلکی - گویش رشت و غرب گیلان

³ شیمی طلا و نقره موران بزِه دَره، و اوشانِ موران ضد شُمان گُوائی خوائید دَئن، و هُطو آتش مانستن شیمی تن گوشت خوره. شُمان آخرتا روجان درون، مال و منال جَما کودید!

یعقوب 5:3 Iomraidhean Croise

اعمالٚ رسولأن 2:17

«"خودا فٚرمأیه: آخری روجأنٚ میأن، می روحَ همٚتأ آدمأنٚ رو فوکونم. شیمی دوخترأن و پٚسرأن نوبوّت کونٚده، شیمی جوأنأن رویأ و شیمی پیرأن خأبأن دینٚده.

رومیأن 2:5

اگه تی دیلَ سختَ کونی و توبه نوکونی تٚرَه وأشتنأکٚ موجأزأت فرأهم کونی، چونکی ایتأ کمٚ زمأتٚ میأن خودا غیظ و غضبٚ روج فأرٚسِه هو روج کی اونی دورون خودا تومأمٚ اَ دونیأ مردومَ عدلٚ اَمرأ محکومَ کونه

دوم تیموتائوس 2:17

اَ بحثأنٚ میأن، گبأنی بوگو بشتأو بِه کی هچین نأخوشی مأنستَن آدمٚ جأن دکفه. هیمینائوس و فلیطوس هوشأنی ایسید کی بچٚکَستٚد اَ جور بحثأنٚ رِه.

دوم پطرس 3:3

پیشتر جٚه هرچی خأیم اَ موضویَ خأطر نیشأن بوکونم کی آخری زمأتأنٚ میأن، آدمأنی پیدأ بٚده کی هر نأجورٚ کأرَ کی اوشأنی فیکرَ برسه دٚس زٚنٚد و حِئقتَ رخشنَ گیرده

موکأشفه 17:16

«او سورخٚ وحش و اونی ده‌تأ شأخَ کی بید‌ِیی فأیشه جَا نیفرت اوسأنٚده. پس اونٚ سٚر فوتورکٚده، اونَ غأرٚت کونٚده و اونَ لؤخت و سؤخت آتشٚ میأن وِلَ کونٚده،

موکأشفه 20:15

هرکی اونی نأم، زٚندیگی دفترٚ میأن ننأبو، آتشٚ دریأچه میأن تأودأ بوبوسته.

موکأشفه 21:8

ولی اوشأنی کی ترسٚده، اوشأنی کی ایمأن نأرٚده و فأسید ایسٚد و قأتیلأن و اوشأنی کی جنبلٚ جأدو و زٚنأ کونٚده و بُتأنَ پرستٚش کونٚده و تومأمٚ اوشأنی کی دورُغ گده، همٚتأنٚ جیگأ او دریأچه میأن ایسه کی آتش و گوگرد اَمرأ سوجه. اَن هو دویُمی مٚردن ایسه.»