یعقوب 5:16 - Gilaki New Testament

¹⁶ کس‌کسٚ ورجأ شیمی گونأیأنَ وأگویا بوکونید و کس‌کسٚ شفأ گیفتن رِه دوعأ بوکونید. عأدیلٚ مردأکٚ رأس‌رأسِی دوعأ، قودرت دأره و بأوٚر نوکودنی اَثر دأره.

کتاب مقدس به زبان گیلکی - گویش شرقی

¹⁶ پس همدیگر ورجه شیمه گناهونِ اعتراف بکونین و همدیگرِ به دعا بکنین تا شفا هگیرین. صالح آدم دعا ، پیله قوت أمره عمل کوئنه.

کتاب مقدس به زبان گیلکی - گویش رشت و غرب گیلان

¹⁶ پس، همدیگر ورجه شیمی گنُائان اعتراف بُکونید و همدیگر ره دُعا بُکونید تا شفا بیگیرید. صالح آدم دُعا، پیله قوّت امرا عمل کونه.

یعقوب 5:16 Iomraidhean Croise

متّی 21:22

اگه ایمأن بٚدأرید، دوعأ دورون هر چی بٚخأیید، یأفیدی.»

متّی 3:6

اوشأن خوشأنی گونأیأن ایعترأف کودید، اُردنٚ روخأنٚ دورون اونی جَا تعمید گیفتید.

مَرقُس 1:5

مردوم جٚه اورشلیم و تومأمٚ یوهودیه سرزیمینٚ جَا اَمؤییدی هو صأرأ کی اونی گبأنَ بشتأوٚد و خوشأنٚ نأجورٚ کردکأرأنٚ جَا ایعترأف کودید و اُردنٚ روخأنٚ میأن یوحنا جَا تعمید گیفتیدی.

لوقا 9:6

بأزین شأگردأن اَ شهر او شهر و اَ دیهأت او دیهأت گردٚستأندوبود و اینجیلٚ خٚوٚرَ، مردومَ فأرسأنِندوبود و نأخوشأنَ شفأ دِئندوبود.

یوحنا 9:31

همه دأنده کی خودا شیأدأنٚ دوعأیَ نشتأوه بلکی او کسی دوعأیَ ایشتأوه کی خودایَ پرستٚش بوکونه و اونی ایرأده‌یَ انجأم بٚدأ.

اعمالٚ رسولأن 10:38

و رأس‌رأسِی دأنیدی کی خودا عیسای ناصری‌یَ خو روح‌القدس و قودرتٚ اَمرأ مَسح بوکوده. اون همٚتأ جیگأ شؤیی و خورومٚ کأرأن کودی و تومأمٚ اوشأنی‌یَ کی شیطان اوشأنَ ظولم و ستم کودی شفأ دٚئی، چونکی خودا اونی اَمرأ بو.

اعمالٚ رسولأن 19:18

خٚیلی جٚه اوشأنی کی مسیحَ ایمأن بأوٚردٚد، بأمؤده و مردومٚ چومأنٚ ورجأ خوشأنٚ کردکأرأنَ کی پور جٚه گونأ بو ایعترأف بوکودٚد.

اعمالٚ رسولأن 8:24

شمعون ایلتمأس اَمرأ بوگفته: «مِرِه دوعأ بوکونید کی بلأیی می سٚر نأیِه!»

رومیأن 3:10

هوطو کی موقدس کیتأبأن دورون بینیویشته بوبوسته: «هیکس عأدیل نییٚه، حتّا اینفر.

رومیأن 5:19

چونکی هوطو کی ایتأ اینسأنٚ نأفرمأنی، ینی آدم، بأعیث بوبوسته کی خٚیلیأن گونأکأر بٚبٚد، اویتأ اینسأن ینی مسیح ایطأعت کودن، بأعیث بِه کی خودا خٚیلیأنَ عأدیل بٚحیسأب بأوٚره.

کولسیان 1:9

بأزون، جٚه او رو کی اَ خٚوٚرَ بشتأوستیم، دائیم دوعأ کودأندریم و خودا جَا خأییم کی شٚمٚره یاور بٚده کی اونَ خأست و ایرأده‌یَ بفأمید و شٚمٚره حیکمت فأدٚه کی روحأنی کأرأنَ درک بوکونید

اوّل تسالونیکیان 5:17

دائیم دوعأ بوکونید!

اوّل تسالونیکیان 5:23

دوعأ کونم کی خودای آرأمٚش خودش، شٚمٚره پأکْ موقدس چأکونه. بٚبه کی شیمی روح و جأن و بٚدٚن تأ اَمی خوداوند عیسایٚ مسیح وأگردٚستنٚ روجٚ بی‌عأیب و قأیم بمأنه.

اوّل تسالونیکیان 5:25

جأنٚ دیلٚ برأرأن، اَمِرِه دوعأ بوکونید.

عبرأنیأن 11:4

ایمأنٚ جَا بو کی هأبیل ایتأ پیشکشی بِیتر جٚه قأئنٚ پیشکشی خودایَ تقدیم بوکوده. ایمأنٚ وأسی بو کی اون عأدیل بٚحیسأب بأمؤ، چونکی خودا اونی پیشکشی رِه خوروم گووأ بٚدأ. و ایمأنٚ اَمرأیه کی هأبیل هرچن بٚمٚرده، هنو گب زِئندره.

عبرأنیأن 11:7

هه ایمأنٚ اَمرأ بو کی وختی نوح دروأره‌یٚ او کأرأن کی هنو بیدِه نوبوسته بو، وأخٚوٚرَ بوسته، ایتأ موقدسٚ ترسٚ اَمرأ ایتأ کشتی چأکوده کی خو خأنوأرَ نیجأت بٚده. اون خو ایمأنٚ اَمرأ بو کی دونیأیَ محکومَ کوده و عیدألتَ ارث ببرده، خودا ورجأ بی‌گونأ بٚحیسأب بأمؤ، کأری کی ایمأنٚ نتیجه ایسه.

عبرأنیأن 12:13

شیمی پأ رِه، رأست و هموأرٚ رأ چأکونید، کی اوشأنی احوأل کی کم قوّت ایسٚد و فٚلٚنگٚده، بدترَ نٚبه، بلکی شفأ بیأفٚد.

عبرأنیأن 13:18

اَمِرِه دوعأ بوکونید، چونکی اَمی ویجدأن پأکه و هیوخت نخأییم ایتأ ایشتیوأ اَمی جَا بیرون بأیٚه.

۱پطرس 2:24

اون صلیب رو، اَمی گونأیأنٚ بأرَ به چأنٚ گیفته تأ اَمأن بتأنیم گونأیأنٚ پٚنجه جَا جیویزیم و زٚندیگی‌یَ پأکی بٚدأریم. هونی کی اونی زخمأنٚ جَا شفأ بیأفتید.

اوّل یوحنا 3:22

بأزون هر چی اونی جَا بخأییم، بٚدٚس اَوریم چونکی اونی حوکمأنٚ جَا ایطأعت کونیم و کأرأنی‌یَ انجأم دیهیم کی قوبیل دأره.