یعقوب 5:15 - Gilaki New Testament

¹⁵ و او دوعأ کی ایمأن اَمرأ بٚبه، نأخوش احوألٚ آدمَ شفأ بخشه و خوداوند اونَ ویریزأنه. اگه‌یٚم گونأیی بوکوده بی، اونٚ رِه بٚبخشه به.

کتاب مقدس به زبان گیلکی - گویش شرقی

¹⁵ ایمون امره دعا گودن، ناخوش نجات دئنه و خداوند اونه ویرسؤنبِئنه و اگه او ادم گناه بوده بی ببخشه بنه.

کتاب مقدس به زبان گیلکی - گویش رشت و غرب گیلان

¹⁵ ایمان امرا دُعا کودن، ناخوشَ نجات دِئه و خُداوند اونَ ویریزانه، و اَگه اُ آدم گُنائی بُکوده بِبه، ببخشه به.

یعقوب 5:15 Iomraidhean Croise

متّی 17:20

عیسا بوگفته: «جٚه اَ خأطر کی شیمی ایمأن کمه. رأس‌رأسِی شٚمٚره گم اگه ایتأ کوجه خردٚلٚ دأنه اَندرم ایمأن بٚدأرید، تأنیدی اَ کوهَ بیگید "جٚه اَیِه بوشؤ اویَه!" و اونم شِه. اونی رِه کی ایمأن بٚدأره، هی کأری نوبوستٚنی نییٚه.

یوحنا 5:14

امّا بأزین معبدٚ میأن عیسا اونَ بیأفته و بٚفرمأسته: «تو دِه شفأ بیأفتی، هسأ خأیی کی تی احوأل، جٚه اوّل بدترَ نٚبه، دِه گونأ نوأکودٚن.»

یوحنا 6:39

و خودا می جَا خأیه کی حتّا اینفرم جٚه اوشأنی کی مٚرَه بٚبخشه جٚه دٚس نٚدٚم، بلکی اَشأنَ قیأمتٚ روجٚ میأن ویریزأنٚم.

اوّل قرنتیان 1:21

چونکی خودایی کی دأنأ ایسه صلاح ندأنسته کی آدمأن خوشأنٚ عقل و فأمٚ اَمرأ اونَ بٚشنأسٚد. بلکی اون اَمی میأن بأمؤ و تومأمٚ اوشأنی کی اونی پیغأمَ ایمأن بأوٚردٚد نیجأت بٚدأ، ینی هو پیغأم کی دونیأ مردوم، چی یوهودی بٚبٚد چی یوهودی نٚبٚد، اونَ پوچ و بی مأنی دأنٚده.

دوم قرنتیان 4:14

دأنیمی هو خودا کی اَمی خوداوند عیسایَ جٚه مٚردنٚ پٚسی زٚنده کوده، اَمٚرَه‌یٚم عیسا مسیح مأنستَن، زٚنده کونه کی شیمی اَمرأ اونی حوضور ببره.

یعقوب 1:6

ولی وختی اونی جَا درخأست کونید، اونٚ رِه شک اونسأنید، بلکی یقین بٚدأرید کی خودا شیمی دوعأ جوأبٚ دِهه، چون اونی کی شک کونه دریأ موجٚ مأنه کی بأدٚ اَمرأ اَسر اوسر شِه.

یعقوب 5:13

شیمی میأن اگه اینفر درد و رنجٚ میأن ایسأ، دوعأ بوکونه. اوشأنی کی خوشألده، خوداوند وأسی شوکرگوزأری آوأزأنَ بٚخأند.

یعقوب 5:16

کس‌کسٚ ورجأ شیمی گونأیأنَ وأگویا بوکونید و کس‌کسٚ شفأ گیفتن رِه دوعأ بوکونید. عأدیلٚ مردأکٚ رأس‌رأسِی دوعأ، قودرت دأره و بأوٚر نوکودنی اَثر دأره.

یعقوب 5:20

اَ شخص کی اونٚ خودا ور وأگردٚستنَ بأعیث بوبوسته، بٚدأنه کی ایتأ اَویرَ بوسته جأنٚ همیشٚکی جٚه بین شؤئؤنٚ دٚسٚ جَا نیجأت بٚدأ و اونَ خٚیلی گونأیأنٚ بٚخشئنٚ بأعیث بوبوسته.