یعقوب 5:13 - Gilaki New Testament

¹³ شیمی میأن اگه اینفر درد و رنجٚ میأن ایسأ، دوعأ بوکونه. اوشأنی کی خوشألده، خوداوند وأسی شوکرگوزأری آوأزأنَ بٚخأند.

کتاب مقدس به زبان گیلکی - گویش شرقی

¹³ شمه میئن کی ایسه که عذاب کشنه؟ بوگذارین دعا بکونی. شمه میئن کی ایسه که خوشحاله؟ بوگذارین حمد و ثنا سرودَ بوخوئنی.

کتاب مقدس به زبان گیلکی - گویش رشت و غرب گیلان

¹³ شیمی میان کیسه کی عذاب کشئن دَره؟ وئَلید دُعا بُکونه. شیمی میان کیسه کی خوشحاله؟ وئَلید حمد و ثنا سرودَ بخوانه.

یعقوب 5:13 Iomraidhean Croise

متّی 26:30

بأزین ایتأ سورود بخأندٚد و زیتون کوه ور رأ دکفتد.

لوقا 22:44

پس اون قأیم‌تر دوعأ کودنَ ایدأمه بٚدأ و روحٚ جَا دٚکٚش فأکش کودنٚ وأسی خٚیلی رنج و عذأبٚ میأن دوبو کی اونی عرق، خونٚ مأنستَن توکّه توکّه زیمین سٚر فووُستی.

لوقا 23:42

بأزون خو دیمَ عیسا ور وأگردأنِه و بوگفته: «اَی عیسا، وختی تی پأدیشأیی‌یَ سٚر بیگیفتی مٚرَه‌یٚم خأطر بأوٚر!»

اوّل قرنتیان 14:15

پس چی وأبوکونم؟ هم در روح دوعأ کونم و هم می عقلٚ اَمرأ؛ هم روحٚ اَمرأ سورود خأنٚم و هم عقل و فأمٚ اَمرأ، اوطو کی همه بفأمٚد.

اوّل قرنتیان 14:26

پس، جأن و دیلٚ ایمأندأرأن، می نیّتَ خولاصه وأگویا کونم. وختی عیبأدتٚ رِه کیلیسا دورون جمَ بیدی، اینفر جٚه شومأن سورود بٚخأنه، اویتأ، خودا کلامَ البأقیأنَ بأموجه، اینفر دِه او موکأشفه‌یَ کی جٚه خودا فأگیفته وأگویا بوکونه، اینفرم غریبٚ زوأنأنٚ اَمرأ گب بٚزٚنه و اویتأ اونَ ترجومه بوکونه. ولی هرچی انجأم بِه، وأستی همٚتأ ایمأندأرأنٚ رِه فأیده بٚدأره و اَشأنٚ قوّت و روحأنی روشدٚ بأعیث بٚبه.

افسسیان 5:19

کس‌کسٚ اَمرأ، روحأنی شعر و آوأزأن و مزامیرٚ اَمرأ بوگو بشتأو بوکونید و شیمی دیلٚ دورونی خودا رِه آهنگ چأکونید و بخأنید

عبرأنیأن 5:7

اَنٚ اَمرأ اَسه، مسیح او زمأتی کی اَ دونیأ دورون زٚندیگی کودی، آرسو و آه و ایتأ جولفٚ غورصه اَمرأ، خودا درگأ دوعأ و مینّت کودی کی اونَ مٚردنٚ قودرتٚ جَا نیجأت بٚبخشه. خودایٚم اونی دوعأیَ، اونی کأمیلٚ فرمأن بردنٚ وأسی قوبیل بوکوده و انجأم بٚدأ.

یعقوب 5:10

صبر و تحمولَ خوداوندٚ پیغمبرأنٚ جَا بأموجید.

موکأشفه 14:3

اَ گورو، خودا تختٚ ورجأ و او چأرتأ زٚنده جأنور و بیست و چأرتأ پیرٚ آدمٚ روبرو ایتأ تأزه سورود خأندیدی. اَ سورودَ هیکس نتأنستی بٚخأنه، جغرز او صد و چهل و چأر هیزأرتأ آدم کی تومأمٚ دونیأ جَا ایوأردِه بیهه و آزأدَ بوسته بود.

موکأشفه 7:10

اوشأن همٚتأن بولندٚ صدا اَمرأ گفتیدی: «اَمی نیجأت جٚه اَمی خودا ور ایسه کی تخت رو نیشته، و جٚه بٚرّه ور ایسه.»