یعقوب 2:10 - Gilaki New Testament

¹⁰ اونی کی خودا حوکمأنٚ همٚتأیَ موبٚمو انجأم دِهه، ولی ایتأ کوجه‌دأنه کأرٚ دورون ایشتیوأ بوکونه، اونٚ تقصیر او کسَ اَندر ایسه کی خودا حوکمأنٚ همه لقد دٚمٚج بوکوده.

کتاب مقدس به زبان گیلکی - گویش شرقی

¹⁰ چونکه اگه یه نفر همه شریعت بجا باری ولی یکته از اوشون میئن کم کاری بکونی، تمام او شریعت میئن گناهکار ایسّه.

کتاب مقدس به زبان گیلکی - گویش رشت و غرب گیلان

¹⁰ چونکی اَگه اینفر تمان شریعتَ بجا باوره ولی ایتا جه اوشان درون کم کاری بُکونه، تمانِ اُ شریعت درون گُناهکار ایسه.

یعقوب 2:10 Iomraidhean Croise

غلاطیأن 3:10

هطویم، اوشأنی کی خأیٚد شریعت دستورأنٚ جَا نیجأت بیأفٚد، خودا نیفرین جیر ایسأده؛ چونکی موقدس کیتأبأن دورونی اَطو بأمؤ: «لعنت بٚبه اونی کی حتّا ایتأ دستور جٚه شریعتٚ کیتأبَ لقد دٚمٚج بوکونه.»

غلاطیأن 5:3

ایوأردِه گم هر کی بٚخأیٚه ختنه بوستن اَمرأ خودایَ خوشألَ کونه، وأستی البأقی شریعتٚ حوکمأنٚم مو به مو قأیم بٚدأره غیرٚ اَن ایتأ اَبدی مرگٚ رِه محکومه.

یعقوب 3:2

معلومٚه کی اَمأن همٚتأن، خٚیلی لغزش خوردنٚ گریفتأرَ بیمی. ولی اونی کی گب زِئنٚ دورون نٚلغزه، اون ایتأ کأمیلٚ آدمٚ و تأنه تومأمٚ خو وجودٚ موسلط بٚبه. اگه اینفر بتأنه خو زٚوأنٚ بٚدأره، قودرت دأره همه چی دورونم خؤرَه موسلط بٚبه.

دوم پطرس 1:10

اَنٚ وأسی، اَی جأنٚ دیلٚ برأرأن، حقٚ سعی بٚزنید تأ ثأبیت بوکونید کی رأس‌رأسِی خودا اینتخأب و دعوت بوبوسته‌یأن ایسید؛ چونکی اگه اَطو بوکونید هیوخت جیلیسکأ نوخورید و خودا جَا دورٚ نیبید

یهودا 1:24

و اَسه، تومأمٚ جلال و بوزورگی، او خودایی رِه بٚبه کی تأنه شٚمٚره لغزش خوردن جَا حیفظ بوکونه. اون شٚمٚره بی‌عأیب و پیله شأدی اَمرأ خو پورجلالٚ حوضورٚ ور حأضیرَ کونه.