یعقوب 1:9 - Gilaki New Testament

⁹ او ایماندأرأنی کی اَ دونیأ مأل و مینألٚ جَا هیچی نأرٚده، نوأستی خوشأنَ خأر بدأنٚد، بلکی وأستی او بوجؤرٚ جأجیگأ وأسی کی خودا اَشأنَ فأدأ، گولأز بوکوند.

کتاب مقدس به زبان گیلکی - گویش شرقی

⁹ فقیر برار بایستی خوشه سربلندی که دانه فخر بکونی،

کتاب مقدس به زبان گیلکی - گویش رشت و غرب گیلان

⁹ نادار برار بایستی خو سربُلندی ره کی دَره فخر بُکونه،

یعقوب 1:9 Iomraidhean Croise

لوقا 1:52

پأدیشأیأنٚ جٚه تخت بیجیر فأکشه و سٚربیجیرأنَ، سٚربولندَ کوده.

لوقا 10:20

اَنٚ اَمرأ، فقد جٚه اَنی وأسی خوشألی نوکونید کی پٚلیدٚ روحأن شیمی جَا ایطأعت کونٚد، بلکی اَنٚ وأسی خوشأل بیبید کی شیمی ایسم آسمأنٚ میأن بینیویشته بوبوسته!»

لوقا 14:11

چونکی اونی کی خؤرَه پیله‌دأنه نیشأن بٚده، کوچیکَ بِه، امّا او کسی کی خؤرَه فروتن بٚدأره، سربولٚندٚ بِه.»

لوقا 9:48

و اوشأنَ بٚفرمأسته: «هرکی می وأسی اَ زأکَ قوبیل بوکونه، مٚرَه قوبیل بوکوده و هر کی مٚرَه قوبیل بوکونه، اونی کی مٚرَه اوسه کوده‌یَ، قوبیل بوکوده. چونکی شیمی میأن اونی پیله‌تر ایسه کی کوجه‌دأنه بٚبه.»

رومیأن 8:17

و اگه خودا زأکأن ایسیم، اونی وأرثأنٚم بیم. ایجور دِه تأنٚم بٚگم کی، خودا تومأمٚ او جلال و شوکوهَ کی خو پٚسر عیسا مسیحَ فأدِه، اَمٚرَه‌یٚم فأدِه. ولی اگه خأییم دونبألتر اونی جلال میأن سأم بٚدأریم، وأستی هسأ اونی دردأن و رنجأنٚ دورونم سأم بٚدأریم.

دوم قرنتیان 6:10

دیل بٚشکفته‌ ایسیم، ولی هطویم جٚه خوداوندٚ خوشألی پور ایسیم. فِقِریم، ولی خٚیلیأنَ روحأنی گنجأنٚ اَمرأ ثروتمند چأکونیمی. هیچی صأب نیئیم، ولی همٚچی دأریم.

فیلیپیان 3:14

و حقٚ سعی بٚزٚنم کی او موسأبقه آخرٚ خطَ فأرسٚم و جأیزه‌یَ بٚدٚس بأوٚرٚم کی اونی وأسی خودا اَمٚرَه آسمأنٚ ور دؤخأنِه؛ و اَشأن همه او مسیح عیسا فدأکأری ایسه کی اَمِرِه انجأم بٚدأ.

فیلیپیان 3:3

چونکی اَمأن ختنه بوبوسته‌یأن ایسیم، اَمأن کی خودایَ اونی قودوسٚ روحٚ اَمرأ عیبأدت و خیدمت کونیمی، و اَمی گولأز مسیح عیسا ایسه، و او کأری کی اون اَمِرِه بوکوده. هیذره‌یٚم اینسأنی موفقیتأنَ ایتکأ نوکونیم.

۱پطرس 2:9

امّا شومأن، اوشأنٚ مأنستَن نیئید. شومأن خودا اینتخأب بوبوستيأن و اَمی پأدیشأ، عیسا کأهینأن و ایتأ موقدسٚ قوم ایسید تأ خودا محبتَ مردومٚ نیشأن بدید، چونکی اون شٚمٚره جٚه ظولومأت به خو عجیبٚ نورأن دعوت بوکوده.

موکأشفه 2:9

تی سختیأن، زحمتأن و تی ندأری جَا وأخٚوٚرم، ولی تو مأل و مینأل دأری! او کوفرأنٚ جَایٚم وأخٚوٚرم کی اوشأنی کی تی ضد ایسٚد گده. اوشأن خوشأنَ یوهودی دأنده، ولی نییٚده، چونکی شیطانٚ کنیسه‌ شینٚده.