یعقوب 1:19 - Gilaki New Testament

¹⁹ پس اَی می جأنٚ دیلأن، هرتأ جٚه شومأن ایشتأوٚستٚنٚ میأن توند، گب زِئن میأن کونٚد و برزخٚ بوستنٚ میأن سوست بٚبه.

کتاب مقدس به زبان گیلکی - گویش شرقی

¹⁹ می عزیز برارؤن، اینه بدونین: هرکس باء ایشتوسنِ میئن تند، گب زئن میئن یواش و عصبونیت میئن آرام ببی!

کتاب مقدس به زبان گیلکی - گویش رشت و غرب گیلان

¹⁹ می عزیز براران اَنه بدانید: هر‌کَس بایستی اِشتاوَستن درون تُند، گب زئن درون یواش و غیظ درون آرام بِبه!

یعقوب 1:19 Iomraidhean Croise

متّی 5:22

ولی من گم کی حتّا اگه تی برأرٚ جَا برزخَ بی، موحأکمه بی؛ و اگه کسی‌یَ شانتِه دؤخأنی، دادگأ دورون وأ جوأب پس فأدی. اگه تی ریفِقَ بی‌حورمتی گب بزنی، جهندمٚ آتش تی حقه.

مَرقُس 12:37

اگه خودٚ داوود، مسیحَ "می خوداوند" دؤخأنه، چوطو بِه کی مسیح اونی پٚسر بٚبه؟» مردومَ جٚه اَجور سوألأن خٚیلی خوش اَمؤیی و خٚیلی خوشألی اَمرأ اونی گبأنَ ایشتأوستیدی.

مَرقُس 2:2

خٚیلی زمأت نوبو کی خأنه مردومٚ جَا پورَ بوسته جوری کی خأنه بیرونم بٚپأ ایسأنٚ رِه جأ ننأبو. هوطویی اون خودا پیغأمٚ مردومٚ رِه وأگویا کودی.

لوقا 15:1

خٚیلی جٚه بأج فأگیرأن و اوشأنی کی مردومٚ جَا پس بٚزِه بوبوسته بود، ویشترٚ وختأن عیسا دؤر جمَ بوستید کی اونی گبأنَ بشتأوٚد.

لوقا 19:48

امّا نتأنستٚد ایتأ رأ بیأفٚد، چونکی مردوم دأیم جٚه هر ور اونَ دؤرٚ کودأندوبود کی اونی گبأنَ بشتأوٚد.

اعمالٚ رسولأن 1:15

ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:

اعمالٚ رسولأن 10:33

«پس دفأتن شیمی دونبألسر اوسه کودم و شومأنم لوطف بوکودید، دفأتن بأمؤیید. هسأ، همٚتأن اَیَه خودا حوضور رأفأ ایسأییم کی پیغأمی‌یَ کی خوداوند بٚفرمأسته کی اَمٚرَه بیگید، بشتأویم.»

اعمالٚ رسولأن 13:48

وختی اوشأنی کی یوهودی نوبود اَنَ بشتأوستٚده، خٚیلی خوشألَ بوستد و خوداوندَ اونی پیغأمٚ وأسی شوکر بوکودٚد، و اوشأنی کی اَبدی زٚندیگی وأسی سیوأ بوبوسته بود، ایمأن بأوٚردٚد.

اعمالٚ رسولأن 17:11

ولی بیریه مردوم جٚه تسالونیکی مردوم نجیبت‌تر بود و شوق و ذوق اَمرأ اوشأنٚ پیغأمَ ایشتأوستیدی و هر روج موقدس کیتأبأنَ دیقت اَمرأ خأندیدی کی بیدینٚد پولس و سیلاسٚ گبأن خودا گبأنٚ مأنستَن ایسه یا نه.

اعمالٚ رسولأن 2:42

اَشأن خوشأنَ او آموجه‌یأنی رِه بٚنأده کی روسولأن دأییدی، و البأقی ایماندأرأنٚ اَمرأ دوستی و موشأرکت کودیدی، و کس‌کسٚ اَمرأ خوردنی خوردید، خوداوندٚ شأمٚ رسمَ انجأم دٚئید، و دال‌بدال کس‌کسٚ اَمرأ دوعأ کودید. مردوم دسته دسته عیسایَ ایمأن اَوٚردیدی.

افسسیان 4:26

ولأنید غیظ شٚمٚره حریف بٚبه و شٚمٚره بٚگونأ فأکشه. پیشتر جٚه اَنکی آفتأب غروب بوکونه، خشمَ شیمی جَا دورَ کونید.

افسسیان 4:31

هرتأ زرخی، غیظ، عصبأنیت، دأد و فریأد، بددٚهٚنی و نیفرتَ شیمی جَا دورَ کونید

کولسیان 3:15

وئألید او آرأمٚش کی مسیح بخشه دائیم شیمی دیلأنٚ بٚدٚس بیگیره، چون همه‌یَ اَمأن وأستی ایتأ جأنٚ اعضأ مأنستَن هماهنگی و صفأ دورون زٚندیگی بوکونیم. هطویم، همیشٚک شوکر بوکونید.

کولسیان 3:8

ولی اَسه اونٚ وخته کی توندَ بؤئؤن و کینه و فأش دٚئن و زرخٚ گبأنَ، هوطو بوبوخوسته لیوأسٚ مأنستَن جٚه شیمی جأن بیرون بأوٚرید و فیشأنید.

اوّل تسالونیکیان 2:13

هنٚ وأسی خودایَ شوکر کونیم، او زمأتٚ وأسی کی خودا پیغأمَ قوبیل بوکودید همیشٚک، هو پیغأمَ کی اَمی جَا بشتأوستید، ایتأ اینسأنی گبٚ تصور نوکودید، بلکی اَمی گبأنَ خودا کلام مأنستَن قوبیل بوکودید کی هطویم ایسه. و اَ پیغأم هطویم شیمی میأن کی ایمأن دأریدی عمل کونِه

یعقوب 1:16

پس ای جأنٚ دیلٚ ایمأندأرأن، اَویرَ نیبید.

یعقوب 1:2

جأنٚ دیلٚ برأرأن و خأخورأن، وختی دوشوأریأن و سخت ایمتٚحأنأن جٚه هر ور شٚمٚره فوتورکٚده، خٚیلی شأد بیبید،

یعقوب 1:26

هرکی خؤرَه مسیحی بٚدأنه، ولی نتأنِه خو توندٚ زٚوأنٚ بٚدأره، خؤرَه گول زِئندره و اونی مذهب هیذره نی اَرزِه.

یعقوب 2:1

می جأنٚ دیلأن، چوطو تأنیدی ایدعأ بوکونید کی عیسا مسیح، او پورجلالٚ خوداوندٚ شین ایسید، اَسه اَنکی افرأدٚ میأن فرق نیهید؟

یعقوب 2:5

جأن و دیلٚ برأرأن و خأخورأن، مٚرَه گوش بدید: «خودا فِقِرٚ مردومَ اینتخأب بوکوده تأ ایمأنٚ دورون مألدأر بٚبٚد و خودا ملکوت جَا ایستفأده بوکونٚد، هو ملکوتی کی خودا اوشأنٚ وعده بٚده کی اونَ دوس دأرٚده.»

یعقوب 3:10

هو دٚهٚنٚ جَا، هم برکت بیرون اَیِه و هم لعنت. می جأنٚ دیلٚ برأرأن و خأخورأن، نوأستی اَطو بٚبه.

یعقوب 4:11

جأنٚ دیلٚ برأرأن، کس‌کسٚ جَا بد نیگید و ایرأد نیگیرید و کس‌کسَ محکوم نوکونید. چون اگه اَطو بوکونید، رأس‌رأسِی جٚه خودا حوکمأنٚ جَا ایرأد بیگیفتید و اونَ محکوم بوکودید ولی شیمی وظیفه نییٚه کی خودا حوکمأنَ قیضأوت بوکونید، بلکی اونٚ جَا فرمأن بٚبٚرید.

یعقوب 5:12

جٚه همه چی موهیمتر، هی زمأت قسم نوخورید، نه آسمأن و زیمینٚ و نه ده هیچی‌یَ. اگه گیدی "آها" شیمی گب رأس‌رأسِی آها بٚبه و اگه گیدی "نه"، شیمی منظور رأس‌رأسِی نه بٚبه تأ اَطویی شیمی جَا گونأ بیرون نأیٚه و موجأزأت نیبید.

یعقوب 5:19

جأنٚ دیلٚ برأرأن، اگه اینفر رأستٚ رأ جَا کجٚ بو و خو ایمأنَ جٚه دٚس بٚدأ، امّا اینفر اونَ یاور بٚده تأ حِئقتٚ ور وأگرده،

اوّل یوحنا 2:21

اگه اَ چیزأنَ نیویسٚم، می هدف اَن نییٚه کی حِئقتَ نأنیدی، بلکی فقد خأیم شٚمٚره هوشدأر بٚدأ بیم چونکی شومأن فرقٚ بینٚ رأست و دورُغَ تشخیص دیهیدی.