عبرأنیأن 3:19 - Gilaki New Testament

¹⁹ پس دینیم کی بی‌ایمأنی وأسی نتأنٚستٚده بودورون بٚشٚد.

کتاب مقدس به زبان گیلکی - گویش شرقی

¹⁹ پس اینیم که اوشؤن بی ایمؤنی وسه بو که نوتونسَن راه پیدا کونن.

کتاب مقدس به زبان گیلکی - گویش رشت و غرب گیلان

¹⁹ پس دینیمی کی اوشانِ بی ایمانی واسی بو کی نتاستیدی راه بیابید.

عبرأنیأن 3:19 Iomraidhean Croise

مَرقُس 16:16

اوشأنی کی ایمأن بأوٚرٚد تعمید بیگیرٚد، نیجأت یأفده امّا اوشأنی کی ایمأن نأوٚرٚد، دأوری بٚدأ.

یوحنا 3:18

اوشأنی کی اونَ ایمأن بأوٚرٚد، هیتأ محکومیت و جٚه بین شؤئؤن اوشأنی رأفأ نئیسأ؛ امّا اوشأنی کی اونَ ایمأن نأوٚرٚد، جٚه هسأ محکوم ایسٚد، چونکی خودا ایدأنه پٚسرَ ایمأن نأوٚردٚد.

یوحنا 3:36

هر کی خودا پٚسرَ ایمأن بأوٚره، همیشٚکی زٚندیگی دأره. ولی هرکی جٚه خودا پٚسر ایطأعت نوکونه، هیوخت همیشٚکی زٚندیگی‌یَ فأنگیره، بلکی خودا غضب اونی رو بأقی مأنه.»

رومیأن 11:23

هطویم، اگه یوهودیأن بی‌ایمأنی جَا دٚس بٚکشد و وأگردٚد خودا ور، خودا اَشأنَ ایوأردِه خو دأرَ پیوند زٚنِه. دوروسته، اون تأنه اَ کأرَ بوکونه.

دوم تسالونیکیان 2:12

آخرپٚسی، تومأمٚ اوشأنی کی دورُغَ قوبیل کونٚده و دوروستی‌یَ قوبیل نأرٚده و شرورٚ کأرأنٚ وأسی خوشألَ بٚده، رأس‌رأسِی محکوم بٚده.

عبرأنیأن 3:12

پس اَی جأنٚ برأرأن و خأخورأن، بٚپأیید کی ایتأ جٚه شومأن گونأکأرٚ دیل و بی‌ایمأنٚ دیل نأشتی بی، کی اونَ زٚنده خودا جَا دورَ کونه.

اوّل یوحنا 5:10

همه اوشأنی کی اَ حِئقتَ ایمأن اَوٚرٚده، خوشأنٚ دیلٚ دورون فأمٚده کی اون دوروسته. امّا اگه اینفر اَ حِئقتَ ایمأن نأوٚره، ینی خودایَ دورُغگو بٚحیسأب بأوٚرده چونکی خودا شهأدتَ خو پٚسرٚ دروأره دورُغ بدأنسته.

یهودا 1:5

اگه چی اَ حقأیقَ خُب دأنیدی، ولی خأیم ایوأردِه بعضی نوکتٚه‌یأنَ شٚمٚره خأطر بأوٚرٚم. هوطویی کی دأنیدی، بأزون کی خوداوند ایسرأییلٚ قومَ مصر سرزیمینٚ جَا آزأدَ کوده، تومأمٚ اوشأنی کی خوشأنی ایمأنَ جٚه دٚس بٚدأده و خودا جَا نأفرمأنی بوکودٚده جٚه بین ببرده