عبرأنیأن 13:2 - Gilaki New Testament

² جٚه‌ خأطرَ ندید کی غریبه‌یأنٚ اَمرأ مهرٚوأن بیبید و اوشأنی جَا میهمأن دأری بوکونید، چونکی بعضیأن اَ کأرٚ اَمرأ، بودونٚ اَنکی خودشأن بفأمٚد، فٚرٚشته‌یأنٚ جَا میهمأن دأری بوکودٚد.

کتاب مقدس به زبان گیلکی - گویش شرقی

² این جی که نسبت به غریبه ئان مهموندوست ببین غافیلأنبین، چون ای کار همأ بعضئن بی ای که بودونن، فریشته ئان جی پذیرایی بودن.

کتاب مقدس به زبان گیلکی - گویش رشت و غرب گیلان

² جه اَنکی نسبت به غریبه ئان میمان دوست بیبید، غافیل نیبید، چونکی اَ کارِ امرا، بعضیان بی اونکی بدانید، فیریشته ئانِ جا پذیرایی بکودید.

عبرأنیأن 13:2 Iomraidhean Croise

متّی 25:35

چون وختی کی مٚرَه ویشتأ بو، شومأن مٚرَه غذأ بٚدأییدی؛ تشنه بوم، مٚرَه آب فأدأییدی؛ بی‌کس بوم، مٚرَه جأ فأدأییدی؛

متّی 25:40

«بأزون اوشأنَ گم: "وختی اَ خیدمتأنَ می کوجه‌ترین برأرأنٚ رِه کودن دیبید، هچین مٚرَه انجأم دئن دیبید."

متّی 25:43

بی‌کس بوم مٚرَه جأ فأندأیید؛ برأنده بوم مٚرَه لیوأس دونکودید؛ نأخوش احوأل و زندأنی بوم و شومأن می مولأقأت نأمؤیید."

اعمالٚ رسولأن 16:15

اون تومأمٚ خو خأنوأرٚ آدمأنٚ اَمرأ تعمید بیگیفته و خأهیش بوکود کی اونی میهمأن بیبیم و بوگفته: «اگه ایطمینأن دأرید کی رأس‌رأسِی خوداوندَ ایمأن دأرم، پس بأیید می میهمأن بیبید.» اَندر حقٚ سعی بٚزِه کی آخرپٚسی قوبیل بوکودیم.

رومیأن 12:13

شیمی مسیحی برأرأنٚ ایحتیأجأنٚ جٚه بین بردنٚ رِه، حقٚ سعی بٚزنید. شیمی خأنه دروأزه، همیشٚک میهمأنٚ رِه وأز بٚبه.

رومیأن 16:23

گایوسٚم سلأم رٚسأنه. من اونی میهمأنٚم و مسیحیأن اَیَه اونی خأنه دورون جمَ بٚده. اِراستوس، شهرٚ خزأنه‌دأر سلأم رٚسأنه و هطویم اَمی برأر کوارتوس.

اوّل تیموتائوس 3:2

ولی کیلیسا نأظیر وأستی بی‌عأیب و ایرأدٚ آدم، ایتأ وفأدأرٚ مرد خو زنٚ رِه، نرم و خوش سولوک، خو کردکأرأنَ بٚپأیه، موحترم، میهمأن دوس بٚبه و اَ ذوقَ بٚدأره کی خودا کلامَ بأموجه.

اوّل تیموتائوس 5:10

هطوچی ویوه زنأکأن وأستی خورومٚ کردکأرأن بوکوده بید، زأکأنٚ آمؤختٚن، غریبه‌یأنٚ جَا پذیرأیی کودن، موقدسٚ آدمأنٚ پأیَ شؤستن، رنج بیدِکأنٚ یاور دٚئنٚ مأنستَن و هطو اَنکی خودٚشأنَ هرتأ خورومٚ کأرٚ رِه وقف بوکوده بٚبٚد.

تیتوس 1:8

و هطویم وأستی میهمأن بدأشته آدم بٚبه و خورومٚ کأرأنَ خوش بٚدأره. اون وأستی دوروست، مونصیف، پأک و خوددار بٚبه.

۱پطرس 4:9

شیمی خأنه دٚرَ بودونٚ اَنکی غُرغُر بوکونید، خوشرویی اَمرأ کس‌کسٚ رو وأزَ کونید.

سوم یوحنا 1:5

می جأنٚ دیل برأر، تو خودا خیدمت کودنٚ وأسی وفأدأری چونکی اونی خأدیمأنٚ جَا کی جٚه اویَه دٚوأرٚده پذیرأیی کونی، هرچن کی تی آشینأیأنٚ جَا نییٚد.