عبرأنیأن 11:16 - Gilaki New Testament

¹⁶ ولی اوشأن دوس نأشتیدی پسأ پٚسی وأگردٚد، و اَ دونیأ کأرأنَ دیل دٚنوٚسته بود، بلکی اوشأنی دیل خأستٚن و فأندرستن آسمأنی وطنٚ رِه بو. پس خودا خجألت بٚزِه نییٚه کی اوشأنی خودا نأم دأره، چونکی ایتأ شهر آسمأنٚ میأن اَشأنٚ وأسی حأضیرَ کوده.

کتاب مقدس به زبان گیلکی - گویش شرقی

¹⁶ اما ایطو که اینیم ایشون یکته بهتر مملکت دومبال دبون، یعنی یکته آسمونی مملکت. این واسی، خدا عار ندأنه که اوشون خدا دوخونده ببی، چونکه اوشون ئبه یکته شهر حاضیرأگوده.

کتاب مقدس به زبان گیلکی - گویش رشت و غرب گیلان

¹⁶ ولی اَطو کی دینیمی، اَشان، ایتا بختر مملکتِ دُمبال بید، یعنی ایتا آسمانی مملکت. جه اَ رو خُدا عار ناره کی اوشانِ خُدا دوخواده بِبه، چونکی اوشانِ ره ایتا شار آماده بُکوده.

عبرأنیأن 11:16 Iomraidhean Croise

متّی 25:34

«بأزون من کی پأدیشأ ایسٚم، اوشأنی کی می رأستٚ ور ایسأده گم: "اَی می پئرٚ جأنٚ دیلأن بأیید! بأیید کی شٚمٚره خودا ملکوتٚ برکتأنٚ دورون شیریک بوکونم، او برکتأن کی دونیأ آفرینشٚ سرگیفتنٚ جَا شِمِره آمأدَه بوسته بو.

مَرقُس 12:26

امّا دروأره‌یٚ بٚمٚرده‌یأنٚ زٚنده بوستن، مگه تورأتٚ کیتأبٚ دورون موسا سرگوذشت و وٚل بیگیفته بوته‌یَ نٚخأندیدی؟ اویَه خودا موسایَ بٚفرمأسته: "منم ایبرأهیمٚ خودا، ایسحأقٚ خودا و یعقوبٚ خودا."

مَرقُس 8:38

و اگه کسی اَ فأسیدٚ زمأتٚ میأن کی پور جٚه گونأ ایسه، می جَا و می گبأنٚ جَا عأرنأموس بٚدأره، اینسأنٚ پٚسرم وختی کی خو پئر جلالٚ میأن، موقدسٚ فٚرٚشته‌یأنٚ اَمرأ وأگرده، اونی جَا عأرنأموس دأره.»

لوقا 12:32

«پس اَی می کوجه‌دأنه گلّه، نوأترسِئنید! چونکی شیمی خودا خأسته اَنٚ کی پأدیشأیی‌یَ شٚمٚره بٚبخشه.

لوقا 20:37

«امّا دروأره‌یٚ مورده‌یأنٚ زٚنده بوستن، موسا نیشأن دِهه کی قیأمتٚ روجأن وجود دأره. چونکی وختی وأگویا کونه کی چوطو خودا او شوأله بیگیفته گومأرٚ دورون ظأهیرَ بوسته جٚه خودا، ایبرأهیمٚ خودا، ایسحأق خودا و یعقوبٚ خودا نأم بٚره.

یوحنا 14:2

می پئرٚ خأنه آسمأنٚ میأن، جأجیگأ زیأد نٚهأ. اگه اَطو نوبو، شٚمٚره نوگفتیم کی شٚمٚ و ایتأ خوروم جأجیگأ شٚمٚره آمأدَه کونم.

اعمالٚ رسولأن 7:32

من تی پیله بأبأیأنٚ خودا ایسٚم، ایبرأهیمٚ خودا، ایسحأقٚ خودا، و یعقوبٚ خودا. «موسا ترسٚ جَا خؤرَه بپرکسته و دِه نیأرسته بوته‌یَ فأندٚره.

فیلیپیان 3:20

ولی اَمی اصلٚ وطن آسمأنه، کی اَمی نیجأت بٚدأ کس، خوداوند عیسا مسیحٚم اویَه ایسأ؛ و اَمأن اونَ چوم به رأییم کی جٚه اویَه وأگردٚه.

دوم تیموتائوس 4:18

هطویه، خوداوند مٚرَه هر نأجورٚ ایتفأقٚ جَا حیفظ کونه و سلأمتی اَمرأ، خو آسمأنی جأجیگأیأنَ فأرٚسأنه. جلال تأ اَبد خوداوند شین بٚبه. آمین

عبرأنیأن 10:34

زندأنیأنٚ اَمرأ همدردی کودیدی؛ و او زمأت کی شیمی مأل و مینألَ بردأندوبود، خوش بید، چون دأنستید کی آسمأنٚ میأن بِیترٚ چیزأن شیمی رأفأ ایسأ کی هیوخت جٚه بین نیشه.

عبرأنیأن 11:10

ایبرأهیم کأمیلٚ ایطمینأنٚ اَمرأ، او روجٚ رأفأ ایسأبو کی خودا اونَ ببره او قأیم و همیشٚکی شهر، او شهر کی اونٚ چأکودن کس و میعمأر خودا ایسه.

عبرأنیأن 11:14

رأس‌رأسِی، اوشأنی کی اَجور گب زنٚده، نیشأن دٚهٚده کی ایتأ وطنٚ رأفأ ایسأده کی بتأنٚد اونَ خوشأنٚ شین بدأنٚد.

عبرأنیأن 11:40

چونکی خودا خأستی اَشأن رأفأ بئیسٚد کی اَمی اَمرأ، او بِیتر برکتأنَ کی اون اَمِرِه خو فیکر میأن دأشتی فأرٚسٚد.

عبرأنیأن 12:22

ولی شومأن اَ چیزأنٚ اَمرأ کأر نأریدی؛ شومأن اَطوچی کوهَ نیزدیکَ نوبوستیدی، بلکی صأف بأمؤییدی صهیونٚ کوه و زٚنده خودا شهر ینی آسمأنی اورشلیم. شومأن بوشؤییدی ایتأ پیله دسته جٚه فٚرٚشته‌یأنٚ خورومٚ میهمأنی دورون.

عبرأنیأن 13:14

چونکی اَ دونیأ میأن، همیشٚکی لأنه و خأنه نأریم، بلکی او خأنه رأفأ ایسأییم کی وأستی بأیٚه.

عبرأنیأن 2:11

اَسه کی اَمأن عیسا اَمرأ، موقدس بوبوستیم، اونی پئر، اَمی پئرم حیسأب به. هنٚ وأسی، عیسا عار نأشتی کی اَمٚرَه خو برأرأن دؤخأنِه؛

موکأشفه 21:2

و من، یوحنا، اورشلیمٚ موقدسٚ شهرَ بیدِم کی جٚه آسمأن، جٚه خودا ورجأ بیجیر اَمؤیی. چی پورجلالٚ نمأیی بو! اورشلیمٚ شهر ایتأ عروسٚ مأنستَن خوشگل بو کی خؤرَه زأمأ دِئنٚ وأسی حأضیرَ کوده‌بی!