عبرأنیأن 10:11 - Gilaki New Testament

¹¹ شریعت و سأبٚقٚ عهدٚ موطأبٚق، کأهینأن هر روج مذبح جولو بٚپأ ایسٚده و قوربأنیأنی‌یَ تقدیم کونٚده کی هیوخت نتأنِه گونأیأنَ جٚه بین ببره.

کتاب مقدس به زبان گیلکی - گویش شرقی

¹¹ هرته کاهین هر روز خدمت ئبه ویریسنه و هو قربؤنی ئنه که هرگیز گونائانه پکأگوده منّئن، دایم پیشکش کونه.

کتاب مقدس به زبان گیلکی - گویش رشت و غرب گیلان

¹¹ هرتا کاهن، هر روج خیدمت ره ویریزه و هو قربانیانَ کی هرگس نتانید گُنائانَ پاکَ کونید، دائم تقدیم کونه.

عبرأنیأن 10:11 Iomraidhean Croise

عبرأنیأن 10:1

موسا شریعت و اونی مذهبی رسم و روسومأن، فقد ایتأ شیکل و شمأیل و محوٚ سأیه ایسٚه جٚه او خورومٚ کأرأنی کی وأستی مسیح اَمِرِه سوغأت بأوٚره، ولی اوشأنٚ رأس‌رأسِی شیکل و شمأیل نییٚه. هنٚ وأسی، اَطوچی شریعت نتأنِه هو سأل بٚسأل تترج قوربأنیأنٚ اَمرأ، اوشأنی‌یَ کی عیبأدتٚ وأسی خودا ورجأ اَیٚده، کأمیلَ کونٚه.

عبرأنیأن 10:4

چونکی ایمکأن نأرِه گأبأن و بوزأنٚ خون، رأس‌رأسِی گونأ مأله‌یَ پأکَ کونٚه.

عبرأنیأن 5:1

یوهودٚ دینٚ میأن، هرتأ پیله کأهین جٚه آدمأنٚ میأن اینتخأب بِه و بٚکأرَ گیفته بِه کی ایلاهی کأرأنٚ میأن مردومٚ رِه نمأینده بٚبه و گونأ وأسی، خودایَ پیشکشأن و قوربأنیأنی فأده.

عبرأنیأن 7:27

اون هیوخت ایحتیأج نأرِه البأقی کأهینأنٚ مأنستَن، هر روج، اوّل خو گونأیأنٚ رِه و اونٚ پٚسی قومٚ گونأیأنٚ رِه، قوربأنی بوکونه؛ چونکی وختی صلیبٚ سٚر، خؤرَه اَمی وأسی قوربأنی بوکود، دِه همیشٚکٚ رِه تومأمٚ قوربأنیأنَ تومأنَ کوده.

عبرأنیأن 8:2

اونی خیدمتٚ جأجیگأ، آسمأنٚ موقدسٚ عیبأدتٚ جیگأ، ینی او رأس‌رأسِی پرستٚشٚ جأجیگأیه، کی اونی بأعیث و بأنی خوداوند ایسه، نه اینسأن.

عبرأنیأن 8:4

اگه هنو عیسا اَ دونیأ دورون بئیسأبی، نتأنستی کأهین بٚبه، چون اَیَه هنو کأهینأنی ایسأده کی قدیمی رأ‌ روشٚ اَمرأ، قوربأنی فأدأده.