غلاطیأن 5:4 - Gilaki New Testament

⁴ اگه بٚخأیید دینی حوکمأنٚ انجأم دٚئنٚ اَمرأ خودا ورجأ قأبیل قوبیل بیبید، مسیح شٚمٚره هیذره فأیده نأرِه و جٚه او ایلاهی لوطف و فیض بی‌نصیب مأنیدی.

کتاب مقدس به زبان گیلکی - گویش شرقی

⁴ شمه کی خأنین بواسیطه شریعت صالح به حیساب بأین، مسیح أجی سیوا بوبؤین و فیض أجی دور دکتین.

کتاب مقدس به زبان گیلکی - گویش رشت و غرب گیلان

⁴ شُمان مسیح جا سیوا بُبوستید، شُمان کی بواسطه شریعت خوائیدی صالح بحساب بائید، شُمان فیض جا دورَ بوستید.

غلاطیأن 5:4 Iomraidhean Croise

رومیأن 11:6

هنٚ وأسی، اگه اَ نیجأت، هوطو کی بوگفتیم، خودا فیضٚ وأسی بٚبه، معلومه کی دِه اوشأنی خورومٚ کأرأنٚ وأسی نیبه. چونکی اگه اوشأنٚ خورومٚ کأرأنٚ وأسی بٚبه، اَطویی فیض دِه فیض نییٚه.

رومیأن 3:20

چونکی هیکس نتأنه دینی حوکمأنٚ انجأم دئن اَمرأ، خودا چومٚ جَا عأدیل بٚحیسأب بأیٚه. دینی حوکمأن فقد نیشأن دٚهٚده کی چندر گونأکأر ایسیم.

غلاطیأن 2:21

من او آدمأنٚ مأنستَن نییٚم کی مسیح مٚردنَ ایتأ بی‌ارزشٚ ایتفأق دأنٚده. چونکی اگه نیجأت جٚه شریعت رأیأن و دینی دستورأن انجأم بوبوسته‌بی دِه لأزیم نوبو کی مسیح خو جأنَ اَمی وأسی فٚدأ بوکونه.

غلاطیأن 5:2

اونچی‌یَ کی منٚ پولس گم دیقت اَمرأ گوش بدید: اگه گومأن کونید کی ختنه بوستن و دینی حوکمأنٚ انجأم دٚئنٚ وأسی تأنیدی خودا رِه قأبیل قوبیل بیبید، اَطویی مسیح دِه نتأنه شٚمٚره سٚربولندَ کونه.

عبرأنیأن 12:15

شٚمٚره بٚپأیید نوکونه کی اینفر جٚه شومأن خودا جَا دورَ بٚه. شیمی حواس بمأنه شیمی میأن زرخی ریشه نودووأنه، چونکی ایضطرأب اَوٚره، خٚیلیأنٚ روحأنی زٚندیگی‌یَ آسیب زٚنِه.

عبرأنیأن 4:1

اَسه، اَنٚ اَمرأ کی خودا وعده اونی آسأیشٚ بودورون شؤئؤنٚ وأسی هنو خو قوّتٚ رو نٚهأ، وأستی ترسٚ جَا زهله بوکونیم، نوکونه ایوخت معلوم بٚبه کی اینفر جٚه شیمی میأن اونی فأگیفتنٚ جَا کوتأ بأمؤ بی.

موکأشفه 2:5

پس خأطر بأوٚر جٚه کویه لغزش بوخوردی. وأگرد می ورجأ و او کأرأنی‌یَ بوکون کی او اوّل انجأم دٚئی. اگه توبه نوکونی، اَیٚم و تی شمدأنَ، جٚه کیلیسایأن میأن اوسأنم.