غلاطیأن 5:10 - Gilaki New Testament

¹⁰ ایطمینأن دأرم کی خوداوند شٚمٚره هه موضو وأسی می اَمرأ هم فیکر چأکونه. امّا خودا او خرأبکأرٚ آدمَ اونی کردکأرٚ وأسی تِنبیه کونه، هر کی خأیه بٚبه.

کتاب مقدس به زبان گیلکی - گویش شرقی

¹⁰ مو خداوند مئن شمره ایطمینؤن دأنم کی شمه یکته د نظره قبول نوکؤنین. و او کی شمره پریشؤنأکؤنه، هرکی ببون، خوشه سزا اینه.

کتاب مقدس به زبان گیلکی - گویش رشت و غرب گیلان

¹⁰ من خُداوندِ درون شمرأ اطمینان دَرَم کی شُمان ایتا دیگر نظرَ قُبیل نخوائید کودَن؛ و اونکی شمرأ پریشانَ کونه، هر کی بِبه، خو سزایَ دینه.

غلاطیأن 5:10 Iomraidhean Croise

اعمالٚ رسولأن 15:24

اَطو کی معلومه، ایتأ عیده جٚه اَمی میأن شیمی ورجأ بأمؤده، شٚمٚره پریشأن و غورصه‌دأرَ کودٚد و بودونٚ اَمی فرمأن شٚمٚره بوگفتٚده نیجأت یأفتنٚ رِه، وأستی یوهودٚ شریعتَ قأیم بٚدأرید.

اوّل قرنتیان 5:5

بأزون، اَ مردأکَ کیلیسا جَا بیرون تأوٚدید و اونی جیسمٚ جٚه بین شؤئؤنٚ وأسی اونَ شیطان دٚس بیسپأرید، بلکی‌یٚم وختی اَمی خوداوند عیسا وأگرده، اونی روح نیجأت بیأفه.

دوم قرنتیان 1:15

شیمی روحأنی فأمَ اَجور ایطمینأن دأشتیم کی تصمیم بیگیفتٚم اَنٚ پٚسی کی دو وأر شٚمٚره بیدِم، دو وأر شٚمٚره برکت بدم؛

دوم قرنتیان 10:2

می خأسته اَن ایسه کی ایتأ کأر نوکونید کی وختی فأرسٚم شیمی ورجأ، می کردکأر شیمی اَمرأ ایهأنت اَمرأ بٚبه. نخأیٚم کأر به اویَه فأکشه کی وأدأر ببم ایتأ عیده جٚه شٚمٚره تِنبیه بوکونم، ینی اوشأنَ کی گومأن کونٚده می کأرأن و گبأن، روحأنی نییٚه و اینسأنی ایسٚه.

دوم قرنتیان 10:6

اَمأن آمأده بأشٚ دورون ایسأییم کی هر وخت شیمی ایطأعت کأمیلَ بوسته، هرتأ سٚرکشی‌یَ البأقیأنٚ میأن موجأزأت بوکونیم!

دوم قرنتیان 13:10

اَ مطلبأنٚ اَ اومیدٚ اَمرأ نیویسٚم کی وختی بأمؤم شیمی ورجأ، ایحتیأج نٚبه کی شٚمٚره شمأتٚت و تِنبیه بوکونم. چونکی خأیم جٚه او ایقتدأر کی خوداوند مٚرَه فأدأ، شیمی قوّت و بٚنأ کودنٚ رِه ایستفأده بوکونم، نه اَنکی شٚمٚره خرأبَ کونم.

دوم قرنتیان 2:3

هنٚ وأسی، او موضویأنَ می آخری دسخطٚ میأن بینیویشتم کی وختی بأمؤم، اوشأنی کی وأستی مٚرَه خوشألَ کونٚد، می غم و غورصه بأعیث نٚبٚد. چونکی ایطمینأن دأرم کی می خوشألی شیمی همٚتأنٚ خوشألی ایسه.

دوم قرنتیان 2:6

چونکی او آدم شیمی کردکأرأنٚ وأسی کی اونی اَمرأ بوکودید، تِنبیه بوبوسته، اَندر کی اونی رِه وٚست ایسه.

دوم قرنتیان 5:16

هنٚ وأسی جٚه اَنٚ پٚسی اَمی مسیحی برأرأنَ، دونیأ مردومٚ فیکرٚ موطأبٚق و ظأهیرٚ وأسی قیضأوت نوکونیم. ای وخت منم دروأره‌یٚ مسیح اَطویی قیضأوت کودیم و بأوٚر دأشتیم کی اون ایتأ معمولی آدم ایسه. ولی اَسه دِه اَجور فیکر نأرٚم.

دوم قرنتیان 7:16

اَسه اَنٚ وأسی کی تأنٚم شٚمٚره همه جوره ایعتمأد بوکونم خوشألم.

دوم قرنتیان 8:22

ایتأ دِه برأرم شیمی ورجأ اوسه کونم کی همیشٚک اونی حقٚ سعی و دوروست بؤئؤنَ خیدمتأن و جوروأجورٚ کأرأنٚ دورون بیدِییم. هسأ کی اونَ بوگفتم شومأن چندر مردومٚ کومکٚ رِه علأقه و میل دأریدی، اونی شوق و ذوق شیمی ورجأ اَمؤنٚ رِه ویشتر بوبوسته.

غلاطیأن 1:7

چونکی جغرز او رأیی کی شِمِره وأگویا بوکودیم ایتأ دِه رأ وجود نأرِه. اوشأنی کی ایتأ دِه رأ شٚمٚره نیشأن دٚهٚده، خأیده شٚمٚره گول بٚزنٚد و مسیح اینجیل حِئقتَ جیرٚ جؤرَ کونٚد.

غلاطیأن 2:4

البت ختنه مأجیرأیَ اوشأنی پیش بٚکشِئده کی خوشأنَ مسیحی دأنستیدی، امّا رأستشه بٚخأیید مسیحی نوبود. اوشأن فوضولی وأسی بأمؤد تأ بفأمٚد اَمی آزأدی عیسایَ مسیحٚ میأن چوطو ایسه و بیدینٚد چنقذر یوهود قأنونأنٚ جَا ایطأعت کونیم. اَشأن حقٚ سعی زئیدی کی اَمٚرَه خوشأنٚ قأنونأن و حوکمأنٚ غولأم چأکونٚد.

غلاطیأن 2:6

کیلیسا پیله کسأنم می پیغأمأنَ هیچی ایضأفه نوکودٚده. هطویم، اَنٚم بٚگم کی اوشأنی پُست و موقأم مٚرَه موهیم نییٚه، چونکی همٚتأن خودا ورجأ برأبرید.

غلاطیأن 3:1

اَی غلاطیأن کی شیمی عقلَ جٚه دٚس بٚدأییدی، کویتأ جأدوگر شٚمٚره اَطو سحر و جأدو بوکوده؟ مگه اَن شومأن نیبید وختی عیسا مسیح مٚردنَ صلیبٚ جؤر شٚمٚره وأگویا بوکودم، ایجور ذوقٚ اَمرأ اونی ور بأمؤییدی کی عَینٚ خیأله هو وخت اونَ شیمی چومٚ اَمرأ صلیبٚ جؤر بیدِییدی؟

غلاطیأن 4:11

اَ سٚری کی شومأن پیش بیگیفتیدی اَمرأ ترسٚم تومأمٚ او زحمتأنی کی شیمی وأسی بٚکشِم جٚه بین بوشؤبی!

غلاطیأن 4:17

اَ جور آدمأن خٚیلی شوق و ذوق دأرٚده کی شٚمٚره خوشأنی ور فأکٚشٚد، امّا اَشأنٚ نیّت خُب نییٚه. اَشأنٚ منظور اَنه کی شٚمٚره اَمی جَا سیوأ وأکونٚد کی شیمی غیرت فقد اوشأنٚ رِه بٚبه.

غلاطیأن 4:20

چنقذر آروزو دأشتیم هسأ شیمی ورجأ بئیسأبیم و ایجور دِه شیمی اَمرأ گب بٚزِبیم، چونکی رأس‌رأسِی نأنٚم چی کأری جٚه اَ دؤر رأ جٚه می دٚس بیرون اَیِه!

غلاطیأن 5:12

امّا اوشأنی کی شیمی فیکرَ پریشأنَ کونٚده و خأیٚد شیمی بدنَ، ایتأ قیسمتٚ ختنه کودنٚ اَمرأ نأقیصَ کونٚد، هو رأیَ تأ آخر بٚشٚد و خوشأنَ کأمیلن اَخته بوکونٚد!

غلاطیأن 5:7

اَ موسأبقه دورونی خُب دوویدی! کیسه کی شیمی رأ سٚر ایتأ مأنع نِهِه تأ دوروستی، ایطأعت جَا دٚس بٚکشید؟

غلاطیأن 6:17

اَنی پٚسی دِه ویشتر می فیکرَ آزأر ندید. چونکی من می جأنٚ سٚر چنتأ دأغ دأرم کی نیشأن دِهه عیسا شین ایسم.

فیلیپیان 3:15

اومید دأرم کی شومأن همٚتأن کی بألغٚ مسیحی ایسید، اَ کأرٚ دورون می اَمرأ همنظر بیبید. اگه‌چی البأقی کأرأنٚ میأن اَمی فیکر ایتأ نییٚه، ایطمینأن دأرم کی خودا همه چی‌یَ شِمِره وأشکأفِه.

دوم تسالونیکیان 3:4

خوداوند اَمٚرَه اَ ایطمینأنَ بٚبخشه کی هرچی شٚمٚره بأمؤختیم، انجأم دٚئندریدی و بأزون انجأم دیهیدی.

اوّل تیموتائوس 1:20

هیمینائوس و ایسکندر، دونه جٚه اَ آدمأن ایسٚد. اَشأنَ شیطان چنگٚ دورون سرأ دأم کی اَدب بٚبٚد و بأموجد کی دِه خودایَ کوفر نٚگد.

فیلیمون 1:21

اَ نأمه‌یَ تٚرَه نیویسٚم، چون یقین دأنٚم کی هر چی تی جَا بخأیٚم حتّا ویشتر جٚه اونَ مِرِه انجأم دیهی.