غلاطیأن 4:25 - Gilaki New Testament

²⁵ هأجر هو سینا کوه ایسه عربأنٚ ورجأ و اورشلیمٚ شهرَ نیشأن دِهه، چونکی تومأمٚ خو زأکأنٚ اَمرأ غولأم و بٚرٚده ایسه.

کتاب مقدس به زبان گیلکی - گویش شرقی

²⁵ ألؤن هاجر سینا کوه ایسه، عرب دیار مئن، اورشلیم شهر همأ که ألؤن هنّأ برابری کؤنه، چونکی خوشه زأکؤن همأ نؤکری مئن ایسأ.

کتاب مقدس به زبان گیلکی - گویش رشت و غرب گیلان

²⁵ هسّا، هاجَر سینا کوه ایسه، عربِ دیار درون، اورشلیم شارِ امرا کی الان نَئه برابری کونه، چونکی خو زاکانِ اَمرا نوکری درون ایسا.

غلاطیأن 4:25 Iomraidhean Croise

متّی 23:37

«اَی اورشلیم، اَی اورشلیم، اَی شهری کی پیغمبرأنٚ قاتٚلی و خودا اوسه کوده‌یأنَ سنگسأر کونی! چن وأر خأستیم تی زأکأنَ جمَ کونم هوطو کی کولوشکٚن خو کیشکأيأنَ خو بألٚ جیر گیره، ولی تو نخأستی.

لوقا 13:34

اَی اورشلیم، اَی اورشلیم، اَی پیغمبرأنٚ قأتیل و اوشأنی کی خودا اوسه کوده‌یأنَ سنگسأر بوکودٚد! چن وأر خأستیم تی زأکأنَ جمَ کونم هطو کی کولوشکٚن خو کیشکأيأنَ خو بألٚ پٚرٚ جیر گیره، امّا تو نخأستی.

لوقا 19:44

بأزون تٚرَه خأکٚ اَمرأ ایتأ کونٚده و تی مردومَ خأکٚ خون فأکٚشده. حتّا ولأنٚد کی ایتأ سنگ سنگ سٚر بمأنه، بلکی همه چی‌یَ اورشینَ کونٚد، چونکی او فورصتَ کی خودا تٚرَه فأدأ بو، قوبیل نوکودی!»

اعمالٚ رسولأن 1:11

و بوگفتٚده: «اَی جلیلی مردأکأن، چٚره اَیَه ایسأییدی و آسمأنَ فأندرستأندریدی؟ هه عیسا کی شیمی جَا فأگیفته و آسمأنٚ ور ببرده بوبوسته، هطویی کی بیدِییدی بوشؤ آسمأنٚ ور، ایوأردِه وأگرده.»

غلاطیأن 1:17

حتّا اورشلیمٚم نوشؤم کی اوشأنی اَمرأ کی پیشتر جٚه من او پیغأم فأرٚسِئنٚ وأسی اینتخأب بوبوستده، مشوٚرت بوکونم. بلکی بوشؤم عربستأنٚ صأرأیأن، بأزون وأگردستٚم دمشق.

غلاطیأن 4:24

اَ مأجیرأیَ ایجور بشیکل نقل و مثلٚ مأنستَن ایستفأده کونیم. ینی اَ دونه زنأی، دونه عهدَ نیشأن دٚهٚده. ایتأ عهد جٚه سینا کوه ایسه و زأکأنی کی زأیِه غولأم و کنیزٚده. اَن هو هأجر ایسه.

غلاطیأن 4:26

امّا اَمی مأر و اَمی سرزیمین، آسمأنی اورشلیمه کی شریعتٚ کنیز و غولأم نییٚه.

عبرأنیأن 12:18

هطویه، شیمی حواس بمأنه چونکی شومأن چیزأنی اَمرأ سٚر و کله زنیدی کی خٚیلی بوجؤرتر جٚه چیزأنی ایسه کی ایسرأییلٚ مردوم اوشأنٚ اَمرأ روبرو بود. او زمأت کی خوداوند سینا کوه میأن، خو حوکمأنَ ایسرأییلٚ مردومَ فأدأ، اوشأن، آتش شوأله‌یأن و تأریکی و ایتأ کأمیلٚ ظولومأت، وأشتنأکٚ توفأن،