غلاطیأن 4:15 - Gilaki New Testament

¹⁵ پس کویه بوشؤ او خولق و خویی کی او زمأتأن خوشألی و قدردأنی اَمرأ دأشتیدی؟ بأوٚر دأرم کی اگه ایمکأن بدأشته‌بی حتّا شیمی چومأنَ جٚه کأسه بیرون اَوٚردید و مٚرَه فأدأییدی.

کتاب مقدس به زبان گیلکی - گویش شرقی

¹⁵ پس کؤ بوشؤ شیمئه ذؤق و شؤق؟ چونکی تینم شهادت بدئم که أگر تینسین، حتی شیمئه چوشمؤنه درأردین و مأ هدأین.

کتاب مقدس به زبان گیلکی - گویش رشت و غرب گیلان

¹⁵ پس شیمی ذوق و شوق چی بُبوست؟ چونکی تانَم شهادت بدَم کی اگر تانستید، حتی شیمی چومانَ بیرون آوَردید و مَرا فَدَئید.

غلاطیأن 4:15 Iomraidhean Croise

لوقا 8:13

او خأک کی اونی جیر سنگ بو، اوشأنی‌یَ نیشأن دِهه کی خودا پیغأمَ ایشتأوٚد و اونَ شأدی اَمرأ قوبیل کونٚد امّا چونکی ریشه نأرٚده چن وختی ایمأن آوٚرٚد، بأزون وختی وسوسه‌يأنٚ میأن دکفتد خوشأنی ایمأنَ جٚه دٚس دٚهٚد.

رومیأن 10:2

من دأنٚم کی اوشأن خوشأنی دیلٚ دورون چی ایحترأم و غیرتی خودا رِه دأرٚده، ولی اَ غیرت جٚه فأم و دوروستٚ شنأخت نییٚه.

رومیأن 15:13

دوعأ کونم کی او خودا کی همٚتأ اومیدأن، اونی جَا سٚرگیره، شٚمٚره او ایمأنی کی اونَ دأریدٚ وأسی، خوشألی و آرأمٚش عطأ بوکونه کی روح‌القدس کومکٚ اَمرأ، شیمی اومید روج بٚروج ایضأفه بٚه.

رومیأن 5:2

هه ایمأنٚ وأسی ایسه کی اون اَمٚرَه ایتأ بوجؤر و پیله جأجیگأ میأن بٚنأ کی اونی لیأقتَ نأشتیم، او جأجیگأ کی هسأیٚم اونی دورون ایسأییم. اَمأن پیله خوشألی و ایطمینأنٚ اَمرأ، رأفأ ایسأییم کی خودا جلال میأن سأم بٚدأریم.

رومیأن 9:3

چونکی نأجه دأشتیم کی لعنت ببم و می طأیفه وأسی، جٚه مسیح محرومٚ بٚم، اوشأنی رِه کی جٚه می نتأجٚده،

دوم قرنتیان 8:3

چونکی من شأهید ایسٚم کی اَشأن نه فقد خوشأنٚ دٚس رسٚ اَندر، بلکی ویشتر جٚه اونم کومک بوکودٚد. اوشأن میل و تومأمٚ رضأیتٚ اَمرأ،

غلاطیأن 3:14

اَسه خودا تأنه هو برکتی کی ایبرأهیمَ وعده بٚدأ بو، عیسایٚ مسیح وأسی اوشأنی‌یَ کی یوهودی نوبودَ عطأ بوکونه. اَسه امّا مسیحیأن همٚتأن تأنیم او روح‌القدسی کی وعده دأریم جٚه رأیٚ هه ایمأن بٚدٚس بأوریم.

غلاطیأن 4:14

بأ اَنکی می نأخوش احوألی حیسأبی شٚمٚره خستَه کوده بو بأ اَ حأل مٚرَه کوچیکَ نوکودید و مٚرَه شیمی جَا دورَ نوکودید، بلکی جوری می جَا ایستقبأل بوکودید عَینٚ خیالٚه ایتأ فٚرٚشته جٚه خودا ورجأ بأمؤ یا حتّا خودٚ عیسایٚ مسیح شیمی ورجأ بأمؤ!

غلاطیأن 4:16

اگه وأقعیتأنَ وأگویا کودأندرم، چٚره مٚرَه شیمی دوشمن دأنیدی؟

غلاطیأن 4:19

اَی می جأنٚ دیلٚ زأکأن، ایوأردِه شٚمٚره می جأن میأن ایتأ مأرٚ مأنستَن کی فأرقَ بوستن وأسی، ایحسأسٚ درد کونم، تأ مسیحٚ شیکل شمأیل بیبید!

غلاطیأن 5:22

امّا هر وخت خودا روح اَمی زٚندیگی‌یَ هیدأیت بوکونه، اَ ثمرأنَ اَمی زٚندیگی میأن اَوٚره: محبت، شأدی، آرأمٚش، صبر، مهرٚوأنی، خوروم کردکأرأن کودن، وفأ دأشتٚن، فروتنی، نأجور کردکأرأن جَا خو جولویَ گیفتن.

غلاطیأن 6:4

هر کی خو کأرَ دوروست حیسأبی انجأم بٚده؛ بأزون خو کأرٚ جَا رأضی بِه و دِه لأزیم نییٚه کی خؤرَه دیگرأنٚ اَمرأ موقأیسه بوکونه؛

کولسیان 4:13

من خودم دِئندرم کی اون چی حقٚ سعی زِئن اَمرأ شیمی وأسی و هوطویم لائودیکیه و هیراپولیس مسیحیأنٚ وأسی دوعأ کونه.

اوّل تسالونیکیان 2:8

اَمی علأقه و محبت شیمی وأسی اَنقد زیأد بو کی نه تنأ خودا پیغأمَ، بلکی خودمأنٚ جأنٚم شِمِره بنأئیم.

اوّل تسالونیکیان 5:13

اوشأنَ، او زحمتأنٚ وأسی کی شِمِره کشٚده، شیمی تومأمٚ وجودٚ اَمرأ ایحترأم بنید و محبت بوکونید. هطویم کس‌کسٚ اَمرأ صولح و صفأ میأن سٚر بوکونید.