غلاطیأن 3:5 - Gilaki New Testament

⁵ ایوأردِه خأیم بدأنم کی خودا چٚره روح‌القدسَ شٚمٚره بٚخشه و شیمی میأن موجیزه‌یأن کونه؟ آیا شریعت کأرأنٚ انجأم دٚئنٚ وأسی یا جٚه او پیغأم کی بشتأوستیدی و ایمأن بأوٚردید؟

کتاب مقدس به زبان گیلکی - گویش شرقی

⁵ او کی خدای روحه شمره هدئنه و شیمئه مئن معجزات کؤنه، ای کاره شریعت أعمال همأ کؤنه یا با ایمؤن به او چی کی بشتؤسین؟

کتاب مقدس به زبان گیلکی - گویش رشت و غرب گیلان

⁵ اونکی خُدا روحَ شمرأ فَدِه، و شیمی میان مُعجزات کونه، اَ کارَ شریعتِ اعمال امرا کونه، یا ایمان به اونچی کی بیشاوستیدِ امرا؟

غلاطیأن 3:5 Iomraidhean Croise

اعمالٚ رسولأن 14:3

تومأمٚ اَشأنٚ اَمرأ، پولس و برنابا خٚیلی زمأت اویَه بئیسأده و یأرستنٚ اَمرأ خودا پیغأمَ مردومٚ رِه وأگویا بوکودٚد. خوداوندٚم اَشأنَ قودرت بٚدأ کی پیله موجیزه‌یأن انجأم بٚدٚد کی آدمَ قأقَ کونه تأ ثأبیت بٚبه کی اَشأنٚ پیغأم جٚه اونی ور ایسه.

رومیأن 10:17

پس ایمأن جٚه ایشتأوٚستٚن بٚدٚس اَیِه، جٚه ایشتأوٚستٚنٚ خوروم خٚوٚر دروأره‌یٚ مسیح.

رومیأن 15:19

و اَشأن او نیشأنه‌یأن و موجیزه‌یأنٚ قودرتٚ تأثیرٚ اَمرأ کی جٚه خودا روح بو، قأنع بوستیدی. اَطو بو کی مسیحٚ اینجیلٚ خورومٚ خٚوٚرَ جٚه اورشلیم تأ ایلیریکوم تومأم و کمأل وأگویا بوکودم.

اوّل قرنتیان 12:10

اینفرَ موجیزه‌یأنٚ انجأم دئنٚ قودرتَ فأدِه، اویتأیَ نوبوّت کودنٚ عطأیَ. اینفرَ روحأنٚ میأن تشخیص دئنٚ عطأیَ بخشه. وأزم اینفرَ اَ عطأیَ بخشه کی بتأنه دوعأ وخت او زوأنأن اَمرأ کی نأمؤخته گب بٚزٚنه، و اویتأیَ اَ زوأنأنٚ ترجومه عطأیَ فأدِه.

دوم قرنتیان 10:4

او اَسلحه کی اَمأن جنگستنٚ رِه بٚکأر بریم، دونیأیی اَسلحه نییٚه، بلکی قلعه‌یأنٚ جٚه بین بردنٚ وأسی ایتأ ایلاهی قودرت دأره!

دوم قرنتیان 12:12

او وخت کی شیمی اَمرأ ایسأ بوم و صبر و حوصله اَمرأ، خودایَ خیدمت کودأندوبوم، اون می دٚسٚ اَمرأ خٚیلی موجیزه‌یأن و کأرأنی کی آدمَ قأقَ کونه انجأم بٚدأ. هه موجیزه‌یأن، اَنٚ رِه دلیل و گووأ ایسٚد کی من خودا روسول و اوسه کوده ایسٚم.

دوم قرنتیان 13:3

و اَندر دلیلم اَوٚرم کی ثأبیت بوکونم کی بوسیله من مسیح گب زٚنِه. مسیح خو ایرتبأط و برخوردٚ دورون شیمی اَمرأ سوست نییٚه بلکی ایتأ پیله قودرت ایسه شیمی وجود دورون.

دوم قرنتیان 3:8

پس اَسه کی خودا روح اینسأنَ رأس‌رأسِی زٚندیگی بٚخشه، مگه نوأستی ویشتر جلالَ رأفأ بئیسیم؟

دوم قرنتیان 9:10

ولی خودا کی کیشأورزٚ رِه دأنه آمأده کونه کی بکأره و اوچینه و بوخوره، شٚمٚره‌یٚم دأنه فرأوأن عطأ کونه کی بٚکأرید، و شیمی مأصولَ برکت فأدِه کی بتأنید، جٚه اون البأقیأنٚ کومکٚ رِه اَندر کی بِه ویشتر، ایستفأده بوکونید.

غلاطیأن 3:2

فقد اَنَ خأیم بدأنم: آیا شومأن روح‌القدسَ جٚه شریعتٚ حوکمأنٚ ایجرأ کودن بٚدٚس بأوٚردیدی یا اینجیلَ ایمأن اَوٚردٚن و اونی رأیَ ایشتأوٚستٚنٚ اَمرأ؟

فیلیپیان 1:19

چونکی رأس‌رأسِی دأنٚم کی شیمی دوعأیأن و عیسا مسیح قودوسٚ روحٚ تأییدأنٚ اَمرأ، تومأمٚ اَ کأرأن می آزأدی‌یَ بأعیث بِه.