غلاطیأن 3:15 - Gilaki New Testament

¹⁵ جأنٚ دیلٚ برأرأن، حتّا اَمی روجأنه زٚندیگی دورونی، اگه اینفر ایتأ عرضٚ حألی یا قولنأمه‌‌ای ایمضأ بوکونه و یا ایتأ وصیتنأمه بینیویسه دِه هیکس نتأنه اونَ بأطیلَ کونه و یا اونٚ ایچی‌یَ عوضٚ کونه.

کتاب مقدس به زبان گیلکی - گویش شرقی

¹⁵ أی برأرؤن، بدأرین روزؤنه زیندگی جی یکته نقل شیمئبه بأرم. هیکس مننئه یکته عهده که آدمی رسمی بوده‌بی، باطیلأکونه یا یک چی اونه بچربؤنه.

کتاب مقدس به زبان گیلکی - گویش رشت و غرب گیلان

¹⁵ ای براران، وَئلید روزانه زیندگی جا شمرأ ایتا نقل باورَم. هیکّس نتانه ایتا عهدَ کی آدمی رسمی بُکوده بِبه، باطل بُکونه یا ایچی اونَ اضافه بُکونه.

غلاطیأن 3:15 Iomraidhean Croise

اعمالٚ رسولأن 1:15

ایتأ جٚه او روجأنٚ میأن جِمئیت کی صد و بیست نفر بوستید ایسأبود، پطرس ویریشته و اَشأنَ بوگفته:

رومیأن 1:13

ولی جأنٚ دیلٚ برأرأن، خأیم بدأنید کی چن‌وأر بخأستٚم بأیٚم شیمی ورجأ، ولی هروأر ایتأ موشکیل پیش بأمؤ. می نیّت اَمؤنٚ جَا اَن بو کی شیمی میأن خیدمت بوکونم و ایتأ عیدّه‌یَ هیدأیت بوکونم مسیح ور، هوطویی کی البأقی جیگأیأن میأنم بوکودم.

رومیأن 3:5

ولی ایمکأن دأره بعضیأن بٚگد کی اَمی گونأ کأری خورومٚ آخرپٚسی دأره، چونکی آدمأنَ نیشأن دِهه کی خودا چندر عأدیله. پس مگه اینصأفٚ جَا دؤر نییٚه کی اَمٚرَه موجأزأت بوکونه؟ (البت هطوچی دلیلأن تومأمٚ و کمأل اینسأنیه.)

رومیأن 6:19

اَ مسئله‌یأنَ اَجور صأف و سأده، اربأب و رعیتٚ مثألأن اَمرأ گم کی اونَ بِیتر بفأمید، می منظور اَنه کی هوطو کی پیشتر همه‌ جور گونأ غولأم بیدی، اَسأیٚم او کأرأنی خیدمت رِه حأضیر بیبید کی موقدس و دوروستٚده.

اوّل قرنتیان 15:32

و اگه مورده‌یأن رِه قیأمت نٚمأنه، می جنگستن درنده جأنوٚرأنٚ اَمرأ ینی هو افسس شهرٚ مردومأن، چی بهره دأشتی؟ اگه قیأمت ننأ، «بأیید بوخوریم و وأخوریم، چونکی فردأ میریمی.»

غلاطیأن 6:18

اَی می مسیحی هم خیدمتأن، اَمی خوداوند عیسایٚ مسیحٚ فیض شیمی روح اَمرأ بٚبه. آمین.

عبرأنیأن 6:13

میثألٚ رِه، خودا وعده‌یَ ایبرأهیمٚ رِه فأندٚرید. هو وخت کی خودا اَ وعده‌یَ ایبرأهیمَ فأدأندوبو، خو نأمٚ سٚر قسم بوخورده، چون هیکس اونی جَا پیله‌تر نوبو کی اونی نأمَ قسم بوخوره. خودا وعده ایبرأهیمٚ رِه اَن بو کی

عبرأنیأن 6:16

وختی اینفر اویتأ رِه قسم خوره، ویشترٚ وختأن اونی نأمَ قسم خوره کی خو جَا پیله‌تر بٚبه. اَ قسم، اونی گبٚ دوروستی‌یَ نیشأن دِهه و هرتأ بوگو موگو و فأکش دٚکٚشَ اوشأنی میأنی تومأنَ کونه.

عبرأنیأن 9:17

ایجور دِه شأ گفتن، وصیت نأمچه فقد وصیت بوکوده کسٚ مٚردنٚ پٚسی ارزش دأره، و تأ او زمأت کی اون زٚنده‌یه، هیتأ جٚه اونی وأرثأن نٚتأنٚده خوشأنی سأمَ فأگیرد.