غلاطیأن 3:12 - Gilaki New Testament

¹² امّا شریعت رأ روش خٚیلی ایمأنٚ رأ روشٚ اَمرأ فرق دأره، چونکی موقدسٚ کیتأبأنٚ دورونی دروأره‌یٚ شریعتٚ رأ روش بأمؤ: «جٚه شریعتٚ حوکمأنٚ ایطأعت کودن ایسه کی او آدم زٚندیگی یأفه.».

کتاب مقدس به زبان گیلکی - گویش شرقی

¹² اما شریعت ایمؤن أجی نئه، بلکه «یک کس کی ایشؤنه أنجؤم دئنه، اوشؤن مئن زیندگی کؤنه.»

کتاب مقدس به زبان گیلکی - گویش رشت و غرب گیلان

¹² ولی شریعت ایمانِ جا نیئه، بلکی «ایکس کی اَشانَ انجام دئه، اوشانِ درون زیندگی خوائه کودَن.»

غلاطیأن 3:12 Iomraidhean Croise

متّی 19:17

عیسا بوگفته: «چٚره می جَا کأرٚ نیکو وأسی وأوٚرسی؟ فقد اینفر نیکو ایسه. ولی تی جوأبٚ رِه وأستی بٚگم کی اگه خودا حوکمأنَ حیفظ بوکونی، همیشٚکی زٚندیگی‌یَ تأنی بٚدأری.»

رومیأن 11:6

هنٚ وأسی، اگه اَ نیجأت، هوطو کی بوگفتیم، خودا فیضٚ وأسی بٚبه، معلومه کی دِه اوشأنی خورومٚ کأرأنٚ وأسی نیبه. چونکی اگه اوشأنٚ خورومٚ کأرأنٚ وأسی بٚبه، اَطویی فیض دِه فیض نییٚه.

رومیأن 4:14

پس اگه تأ هسأ ایدعأ دأریدی کی خودا برکتأن اوشأنی سأم بِه کی یوهودٚ حوکمأن و تشریفأتَ حیفظ کونٚده، ینی شیمی منظور اَنه کی خودا وعده‌یأن اوشأنی کی ایمأنٚ صأب ایسٚده رِه ایعتبأر نأرِه و خودایَ ایمأن دأشتنم ایتأ بیخودی کأر ایسه.

رومیأن 4:16

پس اَطو تأنیم بیگیم کی خودا خو برکتأنَ جٚه ایمأنٚ رأ اَمٚرَه عطأ کونه، ایتأ پیشکشی مأنستَن. هسأ چی مذهبی مرأسیمَ بجأ بأوریم و چی بجأ نأوریم، اگه ایتأ ایمأن ایبرأهیمٚ ایمأنٚ مأنستَن بٚدأریم، بودونٚ شک او برکتأن اَمی سأمٚم بِه، چونکی ایمأنٚ وأسی ایبرأهیم اَمی همٚتأنٚ پئره.

رومیأن 7:10

هو خورومٚ حوکمأن کی اینتظأر دأشتیم زٚندیگی رأ روشَ مٚرَه نیشأن بٚدٚد، می مٚردن و محکوم بوستنَ بأعیث بوبوستده.