غلاطیأن 2:17 - Gilaki New Testament

¹⁷ امّا اگه اَمأن کی جٚه یوهودٚ نتأج ایسیم نیجأتٚ وأسی، مسیحَ ایمأن بأوریم ولی بأزون بفأمیم کی اَمی کأر ایشتیوأ بو و نیجأتٚ بودونٚ انجأم دٚئنٚ شریعت یوهود بٚدٚس نأوریم، آیا اَنَ مأنه کی مسیح بأعیث بوبوسته کی اَمأن گونأکأر بیبیم؟ اصلن اَطو نییٚه!

کتاب مقدس به زبان گیلکی - گویش شرقی

¹⁷ ولی أگه این دومبال دبیم کی مسیح مئن صالح به حیساب بأیم، و معلوم ببون کی گوناهکاریم، یعنی مسیح گونای نؤکر ایسه؟ هیچ‌جوره!

کتاب مقدس به زبان گیلکی - گویش رشت و غرب گیلان

¹⁷ ولی اگر اَنه دمبال بیبیم کی مسیحِ درون صالح بیشمارده بیبیم، معلوم بِبه کی گُناه کاریم، یعنی مسیح، گُناهِ نوکر ایسه؟ اصلا!

غلاطیأن 2:17 Iomraidhean Croise

متّی 1:21

اون ایتأ پٚسر زأیِه، و تو وأستی اونَ عیسا نأم بٚنی، چٚره کی اون خو مردومَ اوشأنٚ گونأیأنٚ جَا نیجأت دِهه.»

لوقا 20:16

اون اَیِه و تومأمٚ بأغبأنأنَ کوشِه و بأغَ ایتأ سری دیگه بأغبأنأنَ ایجأره دِهه.»

رومیأن 11:7

پس موضو اَنه: ایسرأییلٚ قوم کی ذوق اَمرأ ایلاهی لوطفٚ فأگیفتنٚ رأفأ ایسأبود، خوشأنی خأسته‌یَ فأنرسٚده. البت ایتأ عیده جٚه اوشأن موفقَ بوستٚد، او عیده کی خودا اینتخأب بوکوده بو، ولی البأقی دیل‌سخت بوبوستٚد.

رومیأن 15:8

بٚسرأفت دیبید کی عیسا مسیح بأمؤ کی یوهودیأنَ خیدمت بوکونه و اَطو ثأبیت بوکونه کی خودا اَمین ایسه و خو وعده‌یأنَ کی اَشأنٚ پیله بأبأیأنَ فأدأ انجأم دِهه.

رومیأن 3:4

البت کی نییٚه! حتّا اگه همه دورُغ بٚگد، خودا رأست گه. هوطو کی موقدس کیتأبأن دورون بینیویشته بوبوسته: «ثأبیت کونی اوچی‌یَ کی گفتأندری رأسته و دادگأ میأن بری.»

رومیأن 3:6

البت کی دؤر جٚه اینصأف نییٚه! اَطو نٚبه، خودا کویتأ قأبلیتٚ اَمرأ تأنستی دونیأیَ دأوری بوکونه؟

غلاطیأن 2:11

امّا وختی پطرس بأمؤ «انطأکیه»، البأقی آدمأنٚ ورجأ اونَ سخت شمأتٚت بوکودم، چونکی رأس‌رأسِی تقصیرکأر بو؛

غلاطیأن 2:15

«من و تو کی جٚه یوهودٚ نتأجیم و نه اونی کی یوهودی نییٚه و موسا شریعتٚ حوکمأنَ انجأم نٚده،

غلاطیأن 3:21

جٚه اَ خأطر، آیا خودا شریعت اونی وعده‌یأنٚ اَمرأ فرق دأره؟ هیوخت! چونکی اگه او شریعتی کی اَمٚرَه فأدأ بوبوسته بتأنٚسته‌بی اَمٚرَه اَبدی زٚندیگی بٚبخشه، ایمکأن دأشتی اونی ایطأعت کودنٚ وأسی، خودا اَمرأ ایتأ دوروستٚ رأبیطه‌یَ شورو بوکونیم.

غلاطیأن 6:14

امّا خودا نوکونه من اَ کردکأرأنٚ وأسی ایفتخأر بوکونم. می تنأ ایفتخأر اَمی خوداوند عیسایٚ مسیحٚ صلیبه. هطویه هه صلیبٚ وأسی تومأمٚ او شوق و ذوقی‌یَ کی دونیأ دورون دأشتیم، مصلوب بوبوسته و جٚه بین بوشؤ و منم هو علأقه وأسی کی دونیأیَ دأشتیم مصلوب بوبوستم و بٚمٚردٚم.

عبرأنیأن 8:2

اونی خیدمتٚ جأجیگأ، آسمأنٚ موقدسٚ عیبأدتٚ جیگأ، ینی او رأس‌رأسِی پرستٚشٚ جأجیگأیه، کی اونی بأعیث و بأنی خوداوند ایسه، نه اینسأن.

اوّل یوحنا 3:5

امّا دأنیدی کی مسیح اینسأن بوبوسته کی اَمی گونأیأنَ پأکَ کونه و اَنٚم دأنیدی کی اون کأمیلن پأک و بی‌گونأ بو.