غلاطیأن 2:12 - Gilaki New Testament

¹² جٚه اَ خأطر کی وختی فأرٚسِه انطأکیه، اوّل او مسیحیأنٚ اَمرأ کی یوهودی نوبود، ایتأ سٚفره سٚر نیشتی. امّا وختی ای عیده جٚه کیلیسا پیله کسأن کی یعقوبٚ ور جٚه اورشلیم بأمؤده، خؤرَه کنأر فأکشه و دِه اوشأنی اَمرأ کی یوهودی نوبود ایتأ سٚفره سٚر نینیشته چونکی جٚه اَ آدمأنٚ شمأتٚت کودن کی ایصرأر کودیدی همٚتأن وأستی ختنه بٚبٚد ترسِئی.

کتاب مقدس به زبان گیلکی - گویش شرقی

¹² چون قبل ای که اوشؤنی که یعقوب سرأدأبو فأرسن، غیریهودئن همأ همسفره بوبؤبو، ولی هیطؤ تا اوشؤن فأرسئن، یهودئن ترس أجی خو پا پس ویته و خوشه سیوا بوده..

کتاب مقدس به زبان گیلکی - گویش رشت و غرب گیلان

¹² چون پیش جه اَنکی اوشانی کی یعقوب، روانه کوده بو، بائید، غیر یهودیانِ مرا همسفره بُبوسته بو، ولی هَطوکی اوشان باموئید، یهودیانِ ترسِ جا کنار فاکشه و خوره جُدا بُکود.

غلاطیأن 2:12 Iomraidhean Croise

لوقا 15:2

امّا دین عألیمأن و فریسیأن اونی جَا ایرأد بیگیفتٚد کی چٚره اون اَجور آدمأنٚ اَمرأ بینیش ورخأست دأره و ایتأ سٚفره سٚر نیشینه.

لوقا 5:38

تأزه شرأبٚ وأستی تأزه موشکٚ میأن دوکودن.

اعمالٚ رسولأن 10:28

پطرس اَشأنَ بوگفته: «شومأن خودتأن دأنیدی کی یوهود قأنونأن ولأنه کی من بأیٚم ایتأ آدمٚ خأنه کی یوهودی نییٚه. ولی خودا رویأ میأن مٚرَه نیشأن بٚدأ کی هیوخت نوأستی کسی‌یَ نجست بدأنم

اعمالٚ رسولأن 12:17

پطرس ایشأره بوکوده کی آرأم بٚبٚد و نقل بوکوده کی چی بوبوسته و خوداوند چوطو اونَ زندأنٚ جَا بیرون بأوٚرده. پیشتر جٚه شؤئؤنٚم اَشأنٚ جَا بٚخأسته کی یعقوب و البأقی برأرأنَ وأخبدأرَ کونٚد. اونٚ پٚسی بوشؤ ایتأ جیگأ کی اَمنتر بٚبه.

غلاطیأن 2:14

وختی بفأمٚستٚم و بیدِم کی اَشأن چوطو خوشأنٚ ایمأن و حِئقتٚ اینجیلٚ ضد کردکأر کونٚده، همٚتأنٚ ورجأ پطرسَ بوگفتم: «تو جٚه یوهودٚ نتأج ایسی، امّا خٚیلی زمأته دِه یوهود قأنونأنَ انجأم ندی. پس چٚره خأیی اَشأنی کی یوهودی نییٚده وأدأری کی یوهودٚ قأنون و حوکمأنَ انجأم بٚدٚد؟

افسسیان 2:15

جٚه اَ خأطر، اون در خو جیسم شریعتٚ حوکمأنٚ سٚر و سأمأن و موقررأتٚ ایعتبأرَ تومأنَ کوده. اونی نیّت اَن بو کی در خودش جٚه او دونه گورو اینسأنأن جَا ایتأ تأزه قوم چأکونه و یوهودیأن و اوشأنی کی یوهودی نیبیدٚ میأن ایتأ آشتی و ریفأقت بوجود بأوٚره.

افسسیان 3:6

اَ رأز اَنه، اوشأنی کی یوهودی نییٚده، او پیله ارثٚ میأن کی خودا زأکأنٚ شینه، یوهودیأنٚ مأنستَن سأم بٚرٚده و هر دوتأن دعوت بوبوستٚد کی مسیح بدنٚ شین، ینی کیلیسا بٚبٚد. هر دوتأن عیسا مسیح و اینجیلٚ پیغأمَ ایمأن اَوٚردٚنٚ اَمرأ خودا وعده‌یأنَ کی خوروم برکتأن ایسه فأگیرده.

اوّل تسالونیکیان 5:22

خودتأنَ جٚه هرتأ بدی دؤر بٚدأرید.