افسسیان 5:24 - Gilaki New Testament

²⁴ پس شومأن اَی زنأکأن وأستی هرتأ کأر رِه تومأمٚ علأقه اَمرأ شیمی شوهرٚ جَا ایطأعت بوکونید، دوروست هوطو کی کیلیسا مسیح جَا ایطأعت کونِه.

کتاب مقدس به زبان گیلکی - گویش شرقی

²⁴ پس هوطو کی کلیسا مسیحه ایطاعت کونه، زناکونم خأ هرته کار مئن خوشون مرداکونه ایطاعت بوکونن.

کتاب مقدس به زبان گیلکی - گویش رشت و غرب گیلان

²⁴ پس هُطوکی کلیسا مسیحِ جا اطاعت کونه، زناکانم بایستی هر چی درون خوشانِ مرداکانِ جا اطاعت بُکونید.

افسسیان 5:24 Iomraidhean Croise

لوقا 10:17

ایپچه بوستنٚ پٚسی، او هفتأدتأ شأگرد وأگردٚستٚده و خوشألی اَمرأ عیسایَ وأخبدأرٚ کودٚد و بوگفتد: «خوداوندا، حتّا پٚلیدٚ روحأنٚم تی ایسم اَمرأ، اَمی جَا ایطأعت کونٚده!»

افسسیان 5:23

چونکی مردأی، زنأکٚ سرپرسته، هوطو کی مسیح کیلیسا سرپرسته. هنٚ وأسی بو کی اون خو جأنَ فٚدأ بوکوده و کیلیسا رِه نیجأت بٚدأ کس بوبوسته.

افسسیان 5:25

و امّا شومأن ای مردأکأن، شیمی زنأکأنَ محبت بوکونید، هوطو کی مسیح کیلیسایَ محبت بوکوده و خو جأنَ اونی رِه فٚدأ بوکود

افسسیان 5:33

بأزین ایوأردِه گم: «مردأی وأستی خو زنَ خو جأنٚ مأنستَن دوس بٚدأره و زنٚم وأستی خو مردٚ ایطأعت کودنٚ اَمرأ اونَ ایحترأم بٚنه.»

کولسیان 3:20

ای زأکأن، شیمی پئر و مأرٚ جَا گب بشتأوید چون اَن خودایَ خوشألٚ کونه.

کولسیان 3:22

ای غولأمأن، اَ دونیأ دورون هر تأ کأرٚ میأن شیمی اربأبأنٚ جَا گب بشتأوید. نه فقد اوشأنٚ ورجأ خُب کأر بوکونید بلکی او محبت و حورمتی کی مسیحٚ نیهیدٚ وأسی همیشٚک شیمی قلبٚ اَمرأ خیدمت بوکونید.

تیتوس 2:7

خودٚتٚم وأستی هرتأ خورومٚ کأر انجأم دٚئنٚ اَمرأ، اَشأنٚ رِه نومونه بیبی؛ تی آمؤختٚنٚ دورون صأف و صأدیق و جدی بوبو.

تیتوس 2:9

غولأمأنَ اَندرز بوکون کی خوشأنٚ اربأبٚ دستورأنٚ جَا فرمأن ببرد و حقٚ سعی بٚزٚنٚد کی هرتأ کأرٚ دورون اَشأنٚ رضأیتَ بٚدٚس بأوٚرٚد؛ خوشأنٚ اربأبٚ اَمرأیم توک بٚتوک نأیٚد؛