افسسیان 4:14 - Gilaki New Testament

¹⁴ او وخت دِه کوجه زأکأنٚ مأنستَن نیبیم کی هرتأ آدمٚ گبأن و دورُغأنٚ وأسی کی اَمی گول زِئن رِه گده، هر دٚقّه اَمی ایمأنٚ جَا وأگردیم،

کتاب مقدس به زبان گیلکی - گویش شرقی

¹⁴ پس د زاکون مورسون نبنیم تا دریاکولؤن اجی ایرأ اورأ تؤدأ ببیم و جورواجور تعالیم و آدمون چاچولبازی باد، او نقشه ئان مئن کی گومراهی به کشنن، امره ای طرف او طرف هأرؤنه.

کتاب مقدس به زبان گیلکی - گویش رشت و غرب گیلان

¹⁴ پس دِه زاکانِ مانستن نخوائیم بوستن کی کُول ئان امرا هر طرف پرتاب بیبیم و جور واجور تعالیم و آدمانِ مکر و حیله باد، اُ نقشه ئانِ درون کی گُمرائی واسی کیشیدی، اَمرا اَ طرف اُ طرف ببَره.

افسسیان 4:14 Iomraidhean Croise

متّی 11:7

وختی یوحنا شأگردأن شؤئؤندوبود، عیسا مردومٚ رِه اونی جَا گب زِئنَ، سٚربیگیفته و بٚفرمأسته: «بوشؤبید بیأبأنٚ دورون کی چوجور مردأکی‌یَ بیدینید؟ ایتأ لٚسٚ مردأی، نی مأنستَن، کی هرتأ بأدٚ اَمرأ بٚپٚرکٚش اَیِه؟

متّی 24:11

خٚیلیأن ویریزٚد، خوشأنَ نبی دؤخأنده و خٚیلیأنَ گومرأ کونٚده.

متّی 24:24

چون جٚه اَجور مسیحیأن و دورُغی پیغمبرأن خٚیلی اَیٚده و حتّا عجیب و غریبٚ موجیزه‌یأنٚم انجأم دٚهٚده، جوری کی اگه بوبوستی‌ بی حتّا خودا اینتخأب بوکوده‌یأنم جٚه رأ بٚدٚرَ کودیدی.

اعمالٚ رسولأن 23:21

ولی شیمی جَا خأهیش کونم اَ کأرَ نوکونید! چونکی اوشأن ویشتر جٚه چهل نفر جوخوفته دأرٚده کی اونی سٚر فوتورکد و اونَ بوکوشٚد. قسمٚم بوخوردٚد تأ اونَ نوکوشٚد، نه ایچی بوخورد و نه ایچی وأخورد. هَسأ همٚتأن حأضیر و آمأده ایسٚد، فقد رأفأ ایسأده کی شومأن اوشأنٚ خأهیشَ قوبیل بوکونید.»

اوّل قرنتیان 12:2

دأنیدی کی پیشتر جٚه اَنکی خوداوندَ ایمأن بأوٚرید، او بُتأنٚ میأن کی نتأنستید گب بٚزٚنٚد، سبیلٚ سرگردأن بید و جٚه اَیتأ بُت اویتأ بُتَ پنأه بٚردیدی.

اوّل قرنتیان 14:20

جأن و دیلٚ برأرأن، اَ موضو فأمٚ رِه زأکأنٚ مأنستَن نیبید. روحأنی موضویأنٚ درک و فأمٚ میأن، عأقیل و دأنأ مردأکأنٚ مأنستَن بیبید، ولی بدی کودنٚ میأن زأکأنٚ مأنستَن!

اوّل قرنتیان 3:19

چونکی اَ دونیأ حیکمت، خودا چومٚ دورون تومأم نأدأنی مأنستَن ایسه. هوطو کی موقدسٚ کیتأبأنٚ دورون بینیویشته بوبوسته کی «عأقیلأنَ خوشأنی موزی گیری فند و فیج دورون بٚدأم تأوٚدِه.»

دوم قرنتیان 2:17

اَمأن خٚیلیأنٚ مأنستَن نیئیم کی خودا کلامٚ اَمرأ تیجأرت کونٚده و اوشأنٚ هدف فقد اَن ایسه کی جٚه اَ رأ خورومٚ موأجب بٚدأرٚد، بلکی جٚه خودا ور اوسه بوبوستیم کی مسیح قودرتٚ اَمرأ و ایتأ تیمیزٚ قلب و خودا ایرأده اَمرأ گب بٚزنیم.

دوم قرنتیان 4:2

اَمأن حقٚ سعی نٚزنیم کی جوفت و کلکٚ اَمرأ مردومَ بأوریم مسیح ور. اَمأن نخأییم کی هیکسٚ گول بٚزنیم. هیوخت حقٚ سعی نٚزنیم کی اینفرَ وأدأریم کی او درسأنَ کی ضدٚ موقدسٚ کیتأب ایسه، ایمأن بأوٚره. اَمأن هیوخت اَجور شرم‌دأرٚ رأ روشأنَ دونچیکیم، بلکی خودا شأهید ایسه کی جغرز حِئقت و دوروستی ایچی‌یَ دِه‌ وأگویا نوکونیمی، و حقٚ سعی زنیمی کی جٚه اَ رأ، خورومٚ اَثر مردومٚ رو بٚنیم.

غلاطیأن 3:1

اَی غلاطیأن کی شیمی عقلَ جٚه دٚس بٚدأییدی، کویتأ جأدوگر شٚمٚره اَطو سحر و جأدو بوکوده؟ مگه اَن شومأن نیبید وختی عیسا مسیح مٚردنَ صلیبٚ جؤر شٚمٚره وأگویا بوکودم، ایجور ذوقٚ اَمرأ اونی ور بأمؤییدی کی عَینٚ خیأله هو وخت اونَ شیمی چومٚ اَمرأ صلیبٚ جؤر بیدِییدی؟

افسسیان 6:11

خودا تومأمٚ سلاحأنٚ اَمرأ شٚمٚره تجهیز بوکونید کی بتأنید جٚه وسوسه‌یأن و شیطانٚ حقّه‌یأن قأیم بئیسید.

اوّل تیموتائوس 3:6

نأظیر نوأستی نو ایمأن بٚبه، چونکی ایمکأن دأره مغرورَ به و حوکمی میأن دکفه کی شیطان دکفته.

دوم تیموتائوس 1:15

هوطو کی دأنی، تومأمٚ مسیحیأن کی آسیا ایالتأنٚ جَا اَیَه بأمؤبید، مٚرَه وِلَ کودٚد و بوشؤده، حتّا فیجلوس و هرموجنسم مٚرَه ترکَ کودٚد.

دوم تیموتائوس 3:13

امّا گونأکأرٚ آدمأن و دورُغگو دینٚ عُلمأ، روج بٚروج بدترَ بٚده، خٚیلیأنَ گول زنٚده و خودشأنم شیطانٚ گولَ خورٚده.

دوم تیموتائوس 4:3

چونکی زمأتی فأرٚسِه کی دِه مردوم حِئقتَ گوش نٚدٚده، بلکی معلمأنی دونبأل شٚده کی اوشأنی بأبٚ میل گب زنٚده.

عبرأنیأن 13:9

پس تأزه و عجأیب غرأیبٚ عقیده‌یأنٚ گولَ نوخورید. اَمی دیل خودا فیضٚ جَا قوّت گیره نه مذهبی رسمأنٚ پأستٚنٚ جَا کی بعضی خوراکأنٚ خوردن یا نوخوردنٚ شینه. اوشأنم کی اَ رأ روشَ پیش بیگیفتٚده، هیچ سودی نبردٚد.

یعقوب 1:6

ولی وختی اونی جَا درخأست کونید، اونٚ رِه شک اونسأنید، بلکی یقین بٚدأرید کی خودا شیمی دوعأ جوأبٚ دِهه، چون اونی کی شک کونه دریأ موجٚ مأنه کی بأدٚ اَمرأ اَسر اوسر شِه.

یعقوب 3:4

ایتأ کوجه سوکان، پیله کشتی‌یَ هر ور کی نأخودا بٚخأیٚه، هیدأیت کونه حتّا اگه توندٚ بأد بأیِه.

دوم پطرس 2:18

اَشأن بٚخوشأنٚ گونأیأن و نأجورٚ کأرأن نأزٚده و ایوأردِه گول زِئن وأسی، نفسٚ خأسته‌یأنٚ جَا ایستفأده کونٚده و اوشأنَ کی تأزه جٚه اَجور زٚندیگی‌یٚ پورجٚه گونأ نیجأت بیأفتده، بٚدأم تأودٚده

اوّل یوحنا 2:19

اَ آدمأن اَمی میأن ایسأ بود، امّا جٚه اَمأن نوبود، چونکی اگه اَطو نوبو اَمی ورجأ ایسأییدی. وختی اَمی جَا سیوأ بوبوستٚد معلوم بوبوسته کی اصلن جٚه اَمأن نوبود.

اوّل یوحنا 2:26

اَ نیویشته‌یأنَ دروأره او آدمأنٚ وأسی نیویسٚم کی بدأنید کی اَشأن خأیده شٚمٚره گومرأ بوکونٚد.

اوّل یوحنا 4:1

اَی می جأنٚ دیلأن، هرکی‌یَ زود قوبیل نوکونید کی ایدعأ کونه خودا روحٚ جَا پیغأم دأره. اوّل اونَ ایمتحأن بوکونید کی بفأمید کی آیا اونی پیغأم خودا جَا ایسه یا نه، چونکی خٚیلی زیأد دورُغگو معلمأن و وأعیظأن اَ دونیأ دورون ایسأده.

یهودا 1:12

اَ آدمأن کی کیلیسایأن میهمأنیأنٚ دورون، اَیٚده شیمی جمَ میأن، کثیفٚ مأله‌یٚ مأنٚد کی شٚمٚره آلودَه کونٚده. بی‌حیأگیری اَمرأ خنده خنده کونٚده و خوشأنی شکمَ سِئرٚ کونٚده، البأقیأنٚ حألَ نٚپّأیٚده. هطو اَبرأنی‌ مأنٚده کی خوشکٚ زیمینأنٚ جَا دٚوأرٚده، بی‌اَنکی ایتأ توکّه وأرٚش برأرأنٚد. اوشأنی قولأن ایعتبأر نأرِه. هطو دأرأنٚ مأنٚد کی مِیوه فأدأنٚ زمأت، هیچی اَشأنَ وأنجه. اَشأن دو وأر مٚردنٚ مزه‌یَ چٚشٚده؛ ایوأر او زمأت کی گونأ دورون ایسأ بود و ایوأر دِه وختی جٚه مسیح خوشأنی دیمَ وأگردأنِده. هنٚ وأسی، وأستی خودا دأوری رأفأ بئیسٚد.

موکأشفه 19:20

ولی وحش خو دورُغی پیغمبرٚ اَمرأ گیر دکفتد و هر دوتأن زٚنده زٚنده آتشٚ دریأچه میأن کی گوگرد اَمرأ سوختی تأوٚدأ بوستد؛ هطویه، هو پیغمبری کی جٚه وحشٚ ور چوم دکفه موجیزه‌یأن انجأم دٚئی کی تومأمٚ اوشأنَ کی وحشٚ نیشأنه‌یَ دأشتیدی و اونی موجسمه‌یَ پرستٚش کودیدی، گول بٚزٚنه.