افسسیان 2:3 - Gilaki New Testament

³ اَمأنٚم همٚتأن اوشأنٚ مأنستَن بیم. اَمی زٚندیگی رأ روش، اَمی نأجورٚ خُلق و خویَ نیشأن دٚئی. اَمأن، اَمی نفسٚ خأسته‌یأن و کثیفٚ فیکرأنٚ جَا اسیر بیم و هرتأ نأجورٚ کأری کودیم. اَمأن هه شورشی خُلق و خو اَمرأ بودونیأ بأمؤییم و هطویم البأقی آدمأنٚ مأنستَن خودا خشم و غیظٚ جیر ایسأبیم.

کتاب مقدس به زبان گیلکی - گویش شرقی

³ امرام همه ته یک زمون ایشون مئن امئه جسم هوا و هوس مئن زیندگی گودیم، و امئه جسم خواسته ئان و فیکرونه بجا أردیم، و بقیه آدمون مورسون، بنا بر امئه ذات، خدا غضبه محکومابویم.

کتاب مقدس به زبان گیلکی - گویش رشت و غرب گیلان

³ امان همتانَم زماتی اَشانِ میان اَمی جسمِ هوا و هوسِ درون زیندگی کودیم، و اَمی جسمِ فیکران و خواسته ئانَ بجا آوردیم؛ و بقیه آدمانِ مانستن، بنا به اَمی ذات به خُدا غضب محکوم بُبوستیم.

افسسیان 2:3 Iomraidhean Croise

مَرقُس 4:19

ولی زٚندیگی دیلوأپسییأن، مأل و مینألٚ زرقٚ و برق و البأقی چیزأنی کی اونَ به تئب تأوٚدِه، خودا کلامَ اونی دورونی خٚفَه کونه و هیذره اونی جَا مأصول نأوٚره

یوحنا 1:13

اَ آدمأن ایتأ تأزه تولد بیأفتٚد، نه اَ هچین تولدأنٚ مأنستَن کی جٚه اینسأنی خأسته و مِیلأنٚ شینه، بلکی اَ تولدَ خودا اَشأنَ فأدَه.

یوحنا 8:44

شیطان شیمی رأس‌رأسِی پئر ایسه و دوس دأریدی اونی نأجور کردکأرأنَ انجأم بدید. شیطان جٚه هو اوّلم قأتیل بو و رأستی جَا نیفرت دأشتی، اونی وجود میأن ایتأ پیچه حِئقت پیدأ نیبه چونکی اونی ذأت دورُغگویه و اون دورُغگویأنٚ پئر ایسه.

اعمالٚ رسولأن 14:16

قدیمی زمأتأنٚ میأن، خودا مردومَ خوشأنی حألٚ میأن وِلَ کوده کی هرتأ رأیَ کی خأیٚد بٚشٚد،

رومیأن 1:24

هنٚ وأسی، خودایٚم اَشأنَ وِلَ کوده کی هرچی خأیٚد بوکونٚد و گونأ شهوتأن آتش دورون بوسوجٚد و خوشأنی جأن اَمرأ گونأیأنی بوکونٚد کی شرم‌ اَوٚره.

رومیأن 11:30

ای وختأنی شومأن خودا رِه سٚرکش بید، ولی وختی یوهودیأن خودا پیشکشَ رٚدَ کودٚد، اون هو پیشکشَ شٚمٚره عطأ بوکوده.

رومیأن 13:14

اونی عوض، خوداوند عیسا مسیح حوضورَ دوکونید و شیمی شرورٚ هوسأنٚ رفع کودن دونبأل نیبید.

رومیأن 2:14

حتّا اوشأنی کی یوهودی نییٚده و خودا بینیویشته بوبوسته شریعتَ نأرٚده وختی خوشأنی ویجدأنٚ اَمرأ جٚه خودا حوکمأن ایطأعت کونٚده معلوم بِه کی جٚه او حوکمأن خٚوٚر دأرٚده.

رومیأن 5:10

او وخت کی خودا دوشمنأن بیم، اون خو پٚسرٚ مٚردن اَمرأ، اَمٚرَه خو اَمرأ آشتی بٚدأ؛ پس اَسه کی خودا ریفِقأن بوبوستیم اونی پٚسرٚ زٚندیگی اَمرأ نیجأت یأفیمی.

رومیأن 5:9

اگه او وخت کی گونأ دورون زٚندیگی کودیم، مسیح خو خونٚ فوکودٚنٚ اَمرأ اَ فدأکأری‌یَ اَمی حق بوکوده، هسأ کی خودا اَمٚرَه بی‌گونأ بٚحیسأب بأوٚرده، چی پیله کأرأنی اَمِرِه خأیه بوکونه و اَمٚرَه جٚه خودا آینده غیظ و غضب آزأدَ کونه.

رومیأن 6:12

هنٚ وأسی، دِه ولأنید کی گونأ شیمی اَ جأنٚ سٚر کی جٚه بین شِه حوکمرأنی بوکونه، نوکونه اونی شرورٚ هوسأنٚ جَا ایطأعت بوکونید.

رومیأن 7:18

اَسه دِه مٚرَه ثأبیت بوبوسته کی اَ نفسٚ ذأتٚ خأطرٚ وأسی می وجود جٚه سٚر تأ پأ فأسیده. هر چی حقٚ سعی زنٚم، نتأنٚم مٚرَه وأدأرم کی خورومٚ کأرأنَ بوکونم. خأیم خُب ببم ولی نتأنٚم.

رومیأن 9:22

اَطویی، هرچن کی خودا حق دأره خو غیظ و قودرتَ نیشأن بٚده، ولی اوشأنی‌یَ کی اونی غضبٚ جیر ایسأده و هلأکَ بوستنٚ رِه موقرٚر بوبوستده، فرأوأنٚ حوصله اَمرأ تحمول کونه.

اوّل قرنتیان 4:7

چی وأسی اَندر شٚمٚره گولأز کونیدی؟ مگه هر چی دأریدی، جٚه خودا نیأفتیدی؟ پس اگه اَطویه چی وأسی ایجور کردکأر کونیدی کی اینگأر شیمی حقٚ سعیٚ اَمرأ ایچی بٚدٚس بأوٚردیدی؟

دوم قرنتیان 7:1

جأن و دیلٚ ریفِقأن، هسأ کی خودا اَجور وعده‌یأنٚ اَمٚرَه بٚدأ، بأیید اَمأنٚم اَمٚرَه جٚه تومأمٚ گونأیأن کی اَمی جیسم و روحَ دوچوکه تیمیزَ کونیم، و خودا جَا ترسِئنٚ اَمرأ کأمیلٚ قودوسیتٚ ور پیش بیشیم.

غلاطیأن 3:22

امّا موقدسٚ کیتأبأن نیشأن دٚهٚده کی همّه چی گونأ زندأنٚ دورونی اسیره کی او وعده بٚدأ بوبوسته برکت، عیسا مسیحَ ایمأن دأشتنٚ اَمرأ، اوشأنی‌یَ بٚبخشه بٚبه کی ایمأن اَوٚرٚده.

افسسیان 2:2

شومأن گونأ میأن زٚندیگی کودیدی، او وخت کی جٚه اَ دونیأ رأ روشأن و شیمی نفسٚ قودرتٚ پأدیشأیی ایطأعت کودیدی، ینی هو روحی کی هسأ شورشیأن میأن کأر کونِه.

افسسیان 4:22

پس اَسه وأسی شیمی زٚندیگی قدیمی خُلق و خو و قدیمی رأ روشَ ایتأ لیوأسٚ مأنستَن، شیمی جأنٚ جَا بٚکنید، او لیوأس کی گول‌زٚنٚ نفسٚ اَمرأ فأسیدَ بِه.

کولسیان 1:21

اَ صولح و آشتی شیمی شین هم ایسه، شومأن کی ایتأ زمأت خودا جَا دؤر بید و شیمی فیکرٚ دورون اونی اَمرأ دوشمنی کودید، چٚره کی شیمی کردکأرأن شیطانی کأرأن بو.

اوّل تسالونیکیان 4:13

و هسأ جأنٚ دیلٚ برأرأن، خأیم شومأن او ایمأندأرأن کی میرٚده احوألٚ جَا وأخٚوٚر بیبید کی وختی اینفر جٚه شومأن بٚمٚرده، شومأنم اوشأنی مأنستَن کی هیذره او دونیأیَ اومید نأرٚده، غم و غورصه نوخورید.

اوّل تسالونیکیان 5:6

جٚه اَ خأطر، حأضیر بیبید و البأقی مأنستَن وأخأبَ نیشید. مسیح اَمؤنٚ رأفأ بئیسید و وأخب بیبید.

اوّل تیموتائوس 6:9

چون اوشأنی کی مأل و مینألٚ جمَ کودنٚ دونبأل دووٚده، دِئر یا زود نأخوشی کأرأنَ دٚس زنٚده؛ اَ کأرأن، خودشأنَ ضربه زٚنِه، اوشأنٚ فیکرَ فأسیدَ کونه، اوشأنَ خرأبَ کونه و نأبودی ور فأکشِه.

تیتوس 3:3

اَمأنٚم ای زمأت جأهیل و یاغی و اَویر و شهوتأن و کثیفٚ لیذتأنٚ میأن اسیر بیم. اَمی زٚندیگی بوخل و کینه جَا پور بو؛ همٚتأن اَمی جَا نیفرت دأشتید، اَمأنٚم همٚتأنٚ جَا متنفیر بیم.

۱پطرس 1:14

خودا جَا ایطأعت بوکونید، چونکی اونی زأکأنیدی. پس ایوأردِه او گونأیأنٚ ور کی قدیمأن اسیر بید، وأنگردید، چونکی او وختأن نأنستید چی کودأندرید.

دوم پطرس 2:14

چومأنی دأرٚده پور جٚه زٚنأ کی گونأ کودنٚ جَا سِئرَ نیبه. اوشأن، او آدمأنَ کی سوستٚ ایرأده دأرٚده گونأ دأمٚ میأن تأودٚده و خوشأنٚ حرص زِئن میأن اوستأدٚد! اوشأن خودا حوکمٚ جیر ایسأده.

دوم پطرس 2:18

اَشأن بٚخوشأنٚ گونأیأن و نأجورٚ کأرأن نأزٚده و ایوأردِه گول زِئن وأسی، نفسٚ خأسته‌یأنٚ جَا ایستفأده کونٚده و اوشأنَ کی تأزه جٚه اَجور زٚندیگی‌یٚ پورجٚه گونأ نیجأت بیأفتده، بٚدأم تأودٚده

اوّل یوحنا 2:16

دیل دٚوٚستٚن اَ دونیأیَ و نأپأکٚ خأسته‌یأن، علأقه دأشتٚن و غصب کودنٚ هر اونچی کی به نظر جالب اَیِه و غرور کی جٚه ثروٚت و موقأمٚ گولأز کودن بٚبه، هیتأ خودا جَا نییٚه بلکی اَ دونیأ شینه کی پور جٚه گونأیه.

اوّل یوحنا 2:8

ولی همیشٚک تأزه ایسه و هوطو کی عیسا اونَ عمل بوکوده، شومأنم وأستی اَطو بوکونید، چونکی هطو کی کس‌کسَ محبت کونیدی، شیمی زٚندیگی دورونی او تول و سیأ لٚکّه‌یأن جٚه بین شِه و رأس‌رأسِی نور شورو کونه به دٚتأوٚستن.