افسسیان 2:19 - Gilaki New Testament

¹⁹ اَسه شومأن دِه خودا ورجأ غریبه و بیگأنه نیئیدی، بلکی موقدسین اَمرأ، او ایلاهی وطنٚ شین ایسید و البأقی‌یٚ ایمأندأرأنٚ اَمرأ خودا خأنوأرٚ شینیدی.

کتاب مقدس به زبان گیلکی - گویش شرقی

¹⁹ پس د شمه غریبه و بیگونه نین، بلکی مقدسين همرا همولایتی و خدا خونواده عضو ایسین؛

کتاب مقدس به زبان گیلکی - گویش رشت و غرب گیلان

¹⁹ پس دِه شُمان غریبه و بیگانه نیئید، بلکی مُقدّسینِ امرا هم ولایتی و ایتا جه خُدا خانواده عضو اید،

افسسیان 2:19 Iomraidhean Croise

متّی 10:25

شأگردٚ رِه وٚسته کی خو اوستأدٚ مأنستَن و غولأمم خو اربأبٚ مأنستَن بٚبه. اگه مٚرَه کی خأنه پیله‌ترم، پٚلیدٚ روحأن رئیس دؤخأنده، می خأنوأرَ چی بد عیصمتی نأم اَمرأ دؤخأنده.

غلاطیأن 6:10

پس جٚه هر فورصٚتی کی بٚدٚس اَیِه، ایستفأده بوکونیم کی همٚتأنَ خُبی بوکونیم، بوخصوص اوشأنی‌یَ کی ایمأندأرأنٚ خأنوأرٚ جَا ایسٚد.

افسسیان 2:12

او وختٚ میأن، شومأن مسیح جَا سیوأ زٚندیگی کودیدی و ایسرأییلٚ قومٚ شین نیبید و اوشأنی میأن غریبه بٚحیسأب اَمؤییدی و خودا عهدأنٚ میأن هیذره سأم نأشتیدی، او عهدأن کی خودا وعده‌یأن اونی قومٚ رِه بو و شیمی زٚندیگی‌یَ اَ دونیأ میأن بودونٚ خودا و اومید گوذرأنن دیبید.

افسسیان 3:6

اَ رأز اَنه، اوشأنی کی یوهودی نییٚده، او پیله ارثٚ میأن کی خودا زأکأنٚ شینه، یوهودیأنٚ مأنستَن سأم بٚرٚده و هر دوتأن دعوت بوبوستٚد کی مسیح بدنٚ شین، ینی کیلیسا بٚبٚد. هر دوتأن عیسا مسیح و اینجیلٚ پیغأمَ ایمأن اَوٚردٚنٚ اَمرأ خودا وعده‌یأنَ کی خوروم برکتأن ایسه فأگیرده.

فیلیپیان 3:20

ولی اَمی اصلٚ وطن آسمأنه، کی اَمی نیجأت بٚدأ کس، خوداوند عیسا مسیحٚم اویَه ایسأ؛ و اَمأن اونَ چوم به رأییم کی جٚه اویَه وأگردٚه.

عبرأنیأن 11:13

اَ ایمأنٚ مردأکأن، همٚتأ بٚمٚردٚد بودونٚ اَنکی تومأمٚ خودا وعده‌یأنَ فأگیرد، ولی جٚه دؤر اوشأنَ بیدِده، اونی فأگیفتنٚ اومیدٚ جَا خوشألَ بوستٚد. اوشأن گووأ بٚدأده کی اَ دونیأ کی زود دٚوأره اَشأنٚ رأس‌رأسِی خأنه نییٚه، بلکی اَ دونیأ دورون، رأدٚوأر و غریبه ایسٚد.

عبرأنیأن 13:14

چونکی اَ دونیأ میأن، همیشٚکی لأنه و خأنه نأریم، بلکی او خأنه رأفأ ایسأییم کی وأستی بأیٚه.

۱پطرس 2:11

جأنٚ دیلٚ برأرأن، شومأن اَ دونیأ میأن ایتأ رأدٚوأر ویشتر نیئید و شیمی اصلی خأنه آسمأنٚ میأن نٚهأ. جٚه اَ خأطر، شیمی جَا خأهیش کونم خودتأنَ جٚه اَ دونیأ وسوسه‌یأن کی پور جٚه گونأیه دؤر بٚدأرید. شومأن اَ جور خأسته‌یأن و هوسأنٚ رِه چأکوده نوبوستید، اَنی وأسی ایسه کی اوشأن شیمی روح و جأن اَمرأ جنگ و دعوأ کودأندرد.

اوّل یوحنا 3:1

فأندٚرید کی خودایی کی پئر ایسه چنقذر اَمٚرَه دوس دأره کی اَمٚرَه خو زأکأن دؤخأده و هطویم ایسیم. امّا دونیأ مردوم، اَ مطلبَ درک نوکونٚده چونکی خودایَ او طوری کی ایسه نشنأسٚده.