افسسیان 2:12 - Gilaki New Testament

¹² او وختٚ میأن، شومأن مسیح جَا سیوأ زٚندیگی کودیدی و ایسرأییلٚ قومٚ شین نیبید و اوشأنی میأن غریبه بٚحیسأب اَمؤییدی و خودا عهدأنٚ میأن هیذره سأم نأشتیدی، او عهدأن کی خودا وعده‌یأن اونی قومٚ رِه بو و شیمی زٚندیگی‌یَ اَ دونیأ میأن بودونٚ خودا و اومید گوذرأنن دیبید.

کتاب مقدس به زبان گیلکی - گویش شرقی

¹² و یاد بارین که او زمون مسیح جی سیوا بین و ایسرائیل مردوم اجی حیساب نمأین و نسبت به عهدون وعده غریب بین، و نا امید و بی خدا ای دونیا مئن دبین.

کتاب مقدس به زبان گیلکی - گویش رشت و غرب گیلان

¹² و به یاد باورید کی اُ زمات مسیحِ جا سیوا بید و اسرائیل مردومِ جا بحساب ناموئیدی و نسبت به عهدئان واده، غریب بید، و نا اُمید و بی خُدا اَ دُنیا درون زیندگی کودید.

افسسیان 2:12 Iomraidhean Croise

لوقا 1:72

اون جٚه اَمی پئرأنٚ جَا مهروأنتٚر و دٚس و دیلوأزتٚر ایسه. دوروسته، اون خو موقدسٚ قول و پیمأنٚ خأطر بأوٚرده.

یوحنا 10:16

من گوسوٚندأنی دأرم کی اَ طیویله میأن نئیسأده؛ وأستی اوشأنم بأوٚرٚم. اوشأنم می صدایَ ایشتأوده، همه کس‌کسٚ اَمرأ ایتأ گلّه بٚدأ و ایتأیم شبأن دأرٚده.»

یوحنا 15:5

«هطویه، من انگور رٚز ایسٚم، شومأنم می خألأن. هر کی در من بئیسه و منم در اون، ویشتر مِیوه دِهه چونکی بودونٚ من هیتأ کأری نتأنیدی بوکونید.»

یوحنا 4:22

شومأن سأمریأن اونٚ کی عیبأدت کونیدی جَا هیچی نأنیدی ولی اَمأن یوهودیأن اونَ شنأسیمی، چونکی نیجأت جٚه یوهود اَ دونیأ رِه فرأهم بِه.

اعمالٚ رسولأن 2:39

چونکی مسیح شٚمٚره کی جٚه اَمی خوداوند، خودا ور دعوت بوبوستید و هطویم شیمی زأکأنَ و هطو اوشأنی کی دورٚ جأجیگأیأن ایسأده، وعده بٚدأ کی روح‌القدسَ اَشأنَ فأدٚه.

اعمالٚ رسولأن 28:20

ولی شیمی جَا خأهیش بوکودم ایمرو اَیَه بأیید هوطو کی کس‌کسٚ اَمرأ آشینأ بیمی، بٚگم کی اَ زینجیلأن کی می دٚسأنَ دٚوٚستٚده جٚه اَ خأطر ایسه کی ایمأن دأرم ایسرأییلٚ اومید ینی او مسیح کی اونی اَمؤن وعده بٚدأ بوبوسته بو ظوهور بوکوده.»

اعمالٚ رسولأن 3:25

شومأن هو پیغمبرأنٚ زأکأنید و خودا شیمی پیله بأبأیأنٚ مأنستَن شٚمٚره وعده بٚدأ کی تومأمٚ زیمینٚ سٚر آدمأنَ ایبرأهیمٚ نتأجٚ اَمرأ برکت بٚدأ. اَن هو وعده ایسه کی خودا ایبرأهیمَ فأدَه.

رومیأن 9:8

اَن نیشأن دِهه کی تومأمٚ ایبرأهیمٚ زأکأن، خودا زأکأن نییٚده، بلکی خودا زأکأن فقد اوشأنی ایسٚد کی او نیجأت وعده‌یَ کی ایبرأهیم فأدأ ایمأن بأوٚرد.

غلاطیأن 4:8

شومأن کی یوهودی نیئیدی، پیشتر جٚه اَنکی رأس‌رأسِی خودایَ بٚشنأسید، اوشأنی دٚس کی خوشأنی ذأتٚ وأسی خودا نییٚده اسیر بید.

افسسیان 2:19

اَسه شومأن دِه خودا ورجأ غریبه و بیگأنه نیئیدی، بلکی موقدسین اَمرأ، او ایلاهی وطنٚ شین ایسید و البأقی‌یٚ ایمأندأرأنٚ اَمرأ خودا خأنوأرٚ شینیدی.

افسسیان 4:18

اَشأنی فیکر تأریکَ بوسته و جٚه او زٚندیگی کی خودا بخشه دؤر دکفتٚده، چٚره کی خوشأنٚ فیکرَ دٚوٚستده و خوشأنی دیلَ اونی وأسی سنگَ کودٚد.

کولسیان 1:21

اَ صولح و آشتی شیمی شین هم ایسه، شومأن کی ایتأ زمأت خودا جَا دؤر بید و شیمی فیکرٚ دورون اونی اَمرأ دوشمنی کودید، چٚره کی شیمی کردکأرأن شیطانی کأرأن بو.

کولسیان 1:27

چون خودا تصمیم بیگیفت کی اَشأن بفأمٚد کی مسیحٚ پور جلالٚ ثروٚت، شومأن غیرٚیوهودیأنٚ شینم ایسه و او رأز اَنه کی:«مسیح شیمی وجودٚ دورون شیمی پورشوکو اومیده!»

کولسیان 1:5

شیمی اَ ایمأن و محبت، اَنٚ وأسی ایسه کی جٚه هو اوّل کی اینجیلٚ رأس‌رأسِی پیغأمَ بشتأوستید، آسمأنی خوشیأنَ دیل دٚوٚستید.

اوّل تسالونیکیان 4:13

و هسأ جأنٚ دیلٚ برأرأن، خأیم شومأن او ایمأندأرأن کی میرٚده احوألٚ جَا وأخٚوٚر بیبید کی وختی اینفر جٚه شومأن بٚمٚرده، شومأنم اوشأنی مأنستَن کی هیذره او دونیأیَ اومید نأرٚده، غم و غورصه نوخورید.

اوّل تسالونیکیان 4:5

ولأنید شیمی بٚدٚن اوشأنی مأنستَن کی خودایَ نشنأسٚده، شهوٚتأنٚ جَا گریفتأرَ بٚه.

دوم تسالونیکیان 2:16

اَمی خوداوند عیسایٚ مسیح خودش و اَمی پئر خودا، خو لوطف اَمرأ کی تومأنٚ نیبه، اَمٚرَه محبت بوکود و ایتأ اَبدی اومید و آرأمٚش بٚبخشه،

اوّل تیموتائوس 1:1

اَ نأمه جٚه پولس ور ایسه، روسول و اونی کی عیسا مسیح، اوسه کوده کی اَمی نیجأت بٚدأ کس، اَمی خودا و خوداوند و اَمی اومید ینی عیسایٚ مسیحٚ، حوکمٚ اَمرأ اَ خیدمتٚ وأسی اینتخأب بوبوسته.

عبرأنیأن 11:34

او آتشٚ توندٚ شوأله‌یَ خأموشَ کودٚد، و شٚمشیرٚ تِغٚ جَا جیویشتٚد. اوشأنی ضعف، قوّت بوبوسته، و جنگستنٚ میأن پورقوّت بوبوستٚده، غریبه‌یأنٚ لشکرأنَ دورسن وأرسن بوکودٚد.

عبرأنیأن 6:18

اَطویی بِه کی، خودا اَمِرِه‌یٚم یاور دٚئنٚ وعده‌یَ فأدأ، و اونی وأسی ‌ قسمٚم بوخورده، پس اَمأن تأنیم اَ دونه چی، ینی وعده و قسمٚ رِه، حتم بٚدأریم، چون ایمکأن نأرِه کی خودا دورُغ بٚگه. اَسه، تومأمٚ اوشأنی کی رستگأر بوستٚنٚ رِه خودایَ پنأه اَوٚرٚده، اَجور ایطمینأن فأگیفتنٚ اَمرأ، تأزه دیل و جورأت یأفده، و تأنٚده کأمیلٚ ایطمینأن بٚدأرٚد کی خودا خو وعده موطأبٚق، اَشأنَ نیجأت دِهه.

عبرأنیأن 8:6

ولی مسیح، اَ آسمأنی کأهین، ایتأ خیدمت خٚیلی موهیمتر جٚه اَ کأهینأن، خو چأنٚ رو دأره، چون او تأزه قول و قرأر کی جٚه خودا ور اَمِرِه بأوٚرده، او قدیمی قول و قرأرٚ جَا بِیتره و وعده‌یأنی خو اَمرأ دأره کی خٚیلی بوجؤرتره.

۱پطرس 1:21

شومأن اونی وأسی خودایَ ایمأن بأوٚردیدی، هو خودایی کی مسیحَ مرگ پٚسی زٚنده کوده و اونَ جلال بٚبخشه و اَسه شیمی اومید و ایمأن خودایَ ایسه.

۱پطرس 1:3

مووأرٚک بٚبه خودا، خودایی کی اَمی خوداوند، عیسا مسیحٚ پئر ایسه. اون خو رحمتٚ عظیم و تومأنَ نوبوستٚنی وأسی اَمٚرَه ایتأ تأزه تولد بٚبخشه و خو خأنوأر چأکوده. جٚه اَ خأطر به اَ اومید زٚنده‌ییم کی ایتأ اَبدی زٚندیگی‌یَ بیأفیم، چونکی مسیحٚم مرگ پٚسی زٚنده بوسته.

۱پطرس 3:15

بلکی شیمی خأطر جم بٚبه و خودتأنَ مسیحٚ خوداوندَ بیسپأرید و اگه اینفر شیمی جَا عیلّت اَ اومید و ایمأنَ وأوٚرسِه، حأضیر بیبید کی اَدب و ایحترأمٚ کأمیلٚ اَمرأ اونی جوأبَ بدید.

اوّل یوحنا 3:3

هرکی اَجور اومید بٚدأره، حقٚ سعی زٚنِه کی پأک بئیسه چونکی مسیحٚم پأکه.