کولسیان 3:23 - Gilaki New Testament

²³ همٚتأ کأرَ جأن و دیل اَمرأ انجأم بدید، دوروست اونٚ مأنستَن کی مسیح وأسی کأر کودأندرید، نه اینسأنٚ وأسی.

کتاب مقدس به زبان گیلکی - گویش شرقی

²³ هر کاری کی کأدرین، اونه یکجور جؤن و دیل همرأ أنجؤم بدین کی بخألئه خداوند ئبه کار کأدرین، نه مردوم ئبه.

کتاب مقدس به زبان گیلکی - گویش رشت و غرب گیلان

²³ هر کاری کی کونیدی، دیل و جانِ امرا بُکونید، اُجور کی اِنگار خُداوند ره کونید، نه مردومِ ره.

کولسیان 3:23 Iomraidhean Croise

متّی 6:16

«وختی روزه دأریدی، ریأکأرأنٚ مأنستَن شٚمٚره به نما نأوٚرید، چونکی سعی کونٚده خوشأنی سرٚکله‌یَ پریشأن و دورشین وأرشین نیشأن بٚدٚد کی مردوم اوشأنی روزه دأشتٚنٚ وأسی اوشأنَ تِشویق بوکوند. رأستی شٚمٚره گم کی اَشأن خوشأنی اوجرٚتَ تومأم و کمأل فأگیفتده.

رومیأن 14:6

اوشأنی کی خأصٚ روجأنٚ دورون خوداوندَ عیبأدت کونٚده، اونی حورمت نٚهٚنٚ رِه اَطو کونٚده. اوشأنم کی هرجور غذأیَ خورٚده، خوداوندٚ ایحترأم نٚهٚنٚ رِه اَطو کونٚده، چونکی پیشتر جٚه اونی خوردن خودایَ شوکر گده و اوشأنم کی بعضی خوراکأنٚ خوردنٚ جَا پرهیز کونٚده، خوداوندَ خأیٚد خوشألَ کونٚد و خودایَ شوکر کونٚده.

رومیأن 14:8

چی زٚندیگی دورون چی مٚردنٚ دورون، اَمأن خودا جَا پیروی کونیم و اونی شینیم.

افسسیان 5:22

ای زنأکأن، شیمی مردأکأنٚ جَا ایطأعت بوکونید، اوجور کی مسیح جَا ایطأعت کونیدی.

کولسیان 3:17

هرچی کونیدی و هر گبی کی زوأنٚ سٚر اَوٚریدی، همٚتأیَ عیسای خوداوندٚ نأمٚ اَمرأ انجأم بدید و جٚه اونی رأ خودایٚ پئرَ تشکر بوکونید.

۱پطرس 1:22

هسأ تأنید رأس‌رأسِی، کس‌کسَ دوس بٚدأرید چونکی جٚه اَ حِئقتٚ، ایطأعت کودنٚ اَمرأ نیجأت بیأفتید و شیمی وجود جٚه گولأز کودن و نیفرت پأکٚ بوسته. پس کس‌کسَ تومأمٚ وجود اَمرأ دوس بٚدأرید،

۱پطرس 2:13

خوداوندٚ وأسی، مملکتٚ صائاب منصبأنٚ جَا ایطأعت بوکونید، خأیه رهبرٚ مملکت بٚبه یا او مأمورأنی کی رهبرٚ جَا اینتخأب بوبوستده تأ خلأفکأرأنٚ تِنبیه بوکونٚد و دوروستکأرأنٚ تِشویق بوکونٚد.

۱پطرس 2:15

خودا خأسته اَنه کی شومأن دورستکأر بیبید تأ او بی‌عقلٚ آدمأنٚ دٚهٚنَ کی بیخودی شیمی جَا ایرأد گیرده دٚوٚدید.