کولسیان 2:8 - Gilaki New Testament

⁸ آگأه بیبید کی هیکس خو پوچٚ فلسفه‌یأنٚ اَمرأ شیمی جَا ایمأن و روحأنی دیلخوشی‌یَ فأنگیره؛ اَشأنٚ پوچ و ایشتیوأ فیکرأن، مردومٚ فیکرأن و عقیده‌یأنٚ رو نٚهأ، نه مسیحٚ آمؤخته‌یأن و فرمأیشأنٚ رو.

کتاب مقدس به زبان گیلکی - گویش شرقی

⁸ واخوب ببین تا هیکس شمره فلسفه و پوچ فریب همأ گیرفتارأنوکونه، کی نه مسیح سر، بلکه آدمؤن رسم و رسومات و ای دونیای اصول سر پابرجا ایسه.

کتاب مقدس به زبان گیلکی - گویش رشت و غرب گیلان

⁸ واخُب بیبید تا، هیکّس شمرأ پوچِ فلسفه و فریب اَمرا گرفتار نُکونه، کی نه مسیح سر، بلکی آدمیانِ رسم و رُسومات و اَ دُنیا اصولِ سر پابرجا ایسه.

کولسیان 2:8 Iomraidhean Croise

متّی 10:17

ولی شیمی حواس بمأنه، چونکی مردوم شٚمٚره گیرده، حأکیمَ ایسپأرده، و کنیسه‌یأنٚ دورون شلأق زٚنده.

متّی 16:6

عیسا اَشأنَ بٚفرمأست: «شیمی حواس بمأنه و شٚمٚره جٚه فریسیأن و صدوقیأنٚ تورشٚ خمیر دؤر بٚدأرید.»

متّی 7:15

«شیمی حواس دورُغی پیغمبرأنَ بمأنه، اوشأن آرأمٚ گوسوٚندٚ لیوأسٚ دورون شیمی ور اَیٚده، ولی رأس‌رأسِی درنده گُرگٚدٚه.

اعمالٚ رسولأن 17:18

ایتأ دسته جٚه اپیکوری و رواقی دأنشمندأنم اونی اَمرأ بینأ کودٚد گب گب کودن. ای عیده جٚه اوشأن وأورسِئیدی: «اَ مردأی کی خٚیلی حرف زٚنِه حقٚ سعی زِئندره چی بٚگه؟» ای عیده‌یٚم گفتیدی: «اَطوچی‌یَ مأنه کی خأیه جٚه خودایأنی کی نشنأسیم جأنبدأری بوکونه.» اَشأن اَ گبأنَ زئیدی، چونکی پولس قیأمت و عیسا خوروم خٚوٚرَ وأگویا کودی.

اعمالٚ رسولأن 17:32

وختی بشتأوستٚده کی پولس ایتأ بٚمٚرده آدمٚ دروأره کی زٚنده بوسته گب زِئندره، اونَ رخشنَ گیفتٚد. ولی ای عیده‌یٚم بوگفتٚده: «خأییمی جٚه اَ مأجیرأ ایوأردِه اَمِرِه گب بزنی.»

رومیأن 16:17

ختمٚ کلام، اَی جأن و دیلأن، خأهیش کونم جٚه اوشأنی کی دودستگی و تفرقه چأکونده، دؤر بئیسید چونکی اَجور آدمأن بأعیث بٚده، البأقیأنٚ ایمأن سوستَ بٚه و خأیده او عقیده‌یأنَ کی شیمی آموجه‌یأنٚ اَمرأ فرق کونه دروأره‌یٚ مسیح بأموجد.

اوّل قرنتیان 10:12

پس وأخب بیبید و فیکر نوکونید کی جٚه اَشأن بِیتر ایسید! شومأنم ایمکأن دأره گونأ دأمٚ دورون دکفید.

اوّل قرنتیان 8:9

ولی بٚپأیید کی مبادأ شیمی آزأدی اَطوچی گوشتٚ خوردنٚ میأن، بأعیث بٚبه او مسیحیأن کی جٚه شومأن سوست‌تر ایسٚد لغزش بوخورد و جٚه رأ بٚدر بٚشٚد.

دوم قرنتیان 10:5

اَمأن هرتأ دلیل و ایدعأ کی غرور اَمرأ ایسه و خودا شنأختٚ موقأبیل قد فأکشه‌یَ، ایشکنیم و هرتأ فیکر کی درزٚبینٚ کونه‌یَ اسیرَ کونیم و مسیح موطیع چأکونیمی.

غلاطیأن 1:14

من جٚه ویشترٚ می یوهودی هم سندٚ سالأن ایمأندأرتر بوم و خٚیلی غیرت می دینٚ رسم و روسومأت انجأم دئنٚ وأسی دأشتیم.

غلاطیأن 4:3

هه مأجیرأ اَمٚرَه‌یٚم نٚهأ. وختی زأی بیم، دونیأ اَصلٚ‌ کأری روحأنٚ قودرتٚ دٚس اسیر بیم.

غلاطیأن 4:9

امّا اَسه کی رأس‌رأسِی خودایَ بٚشنأختیدی یا بِیتر بٚگم خودا شٚمٚره شنأسه، چٚره ایوأردِه خأییدی دونیأ اَصلٚ‌ کأری روحأنی نیرويأنٚ دٚس اسیر بیبید، قودرتأن و او اوصولی کی هیذره توأن و خأصیت نأرٚده؟

غلاطیأن 5:15

ولی اگه هر وأر موشغولٚ اَن بیبید، کس‌کسٚ پأرَه کونید و یا زخمٚ زوأن بٚزنید، مورأقٚب بیبید، چٚره کی اگه هطو اَ کردکأرأنَ ایدأمه بدید، اونی آخرپٚسی کس‌کسٚ تومأم و کمأل جٚه بین شؤئؤن بِه.

افسسیان 2:2

شومأن گونأ میأن زٚندیگی کودیدی، او وخت کی جٚه اَ دونیأ رأ روشأن و شیمی نفسٚ قودرتٚ پأدیشأیی ایطأعت کودیدی، ینی هو روحی کی هسأ شورشیأن میأن کأر کونِه.

افسسیان 4:20

امّا مسیح اَجور رأ و روش، زٚندیگی وأسی شٚمٚره نأمؤخته.

افسسیان 5:6

ایمکأن دأره ای عیده حقٚ سعی بٚزنٚد اَجور گونأیأنٚ وأسی بهأنه بأوٚرٚد. امّا شومأن اَجور آدمأنٚ گولَ نوخورید، چونکی اوشأنی کی اَجور گونأیأنٚ انجأم دٚهٚده، خودا خشم و غیظٚ جیر ایسأده.

فیلیپیان 3:2

او سٚکأنَ مولتفت بیبید، او بدذأت آدمأن، اوشأن کی جٚه عُصم و اعضأ قطع کودنٚ جَا دفأع کونٚده!

کولسیان 2:18

ولأنید اینفر کی دورُغی فروتنی کودنٚ جَا و فٚرٚشته‌یأنٚ پرستٚش کودن لیذّت بٚره، شیمی لیأقتَ سوألٚ جیر ببره. اَجور آدم توند شؤئؤن اَمرأ او رویأیأنی کی بیدِه دورون، ریزَ به. اونٚ ذهن کی روحأنی نییٚه، بأعیث به او کأرأنٚ کی نی‌اَرزِه و فأیده نأرِه وأسی گولأز بوکونه،

کولسیان 2:20

اَسه کی مسیحٚ اَمرأ عنصرأن و اَ دونیأ روحأنی نیرویأنٚ دوچوکستن جَا بٚمٚردید، چوطو به کی اونٚ قأنونٚ جَا تسلیم بیدی اَنَ مأنه کی هنو اَ دونیأ شین ایسید،

کولسیان 2:22

اَشأن زودگوذرٚ اینسأنی قأنونأنٚده، چون غذأ وختی بٚخوردن بوشؤ، دِه تومأنٚ بوسته!

کولسیان 2:23

ایمکأن دأره اَ قأنونأن خٚیلیأنٚ رِه حکیمأنه بٚنظر بأیٚه، چون اوشأنی انجأم دٚئنٚ وأسی، خأستٚنٚ اَمرأ وسوأسی عیبأدت کودن، فروتنی و جأنٚ سختی دٚئن نیأز دأره، ولی فیکرأن و اینسأنٚ شیطانی هوسأنٚ بٚدٚس گیفتنٚ وأسی هیذره فأیده نأرِه..

اوّل تیموتائوس 6:20

اَی تیموتائوس، اونچی کی خودا تٚرَه امأنٚت بیسپأرده، بٚدأر. تٚرَه بیخودٚ گبأنٚ اَمرأ درگیر نوأکودن، بوخصوص اوشأن کی عیلم و دأنشٚ جَا دٚم زنٚده.

دوم تیموتائوس 3:13

امّا گونأکأرٚ آدمأن و دورُغگو دینٚ عُلمأ، روج بٚروج بدترَ بٚده، خٚیلیأنَ گول زنٚده و خودشأنم شیطانٚ گولَ خورٚده.

عبرأنیأن 13:9

پس تأزه و عجأیب غرأیبٚ عقیده‌یأنٚ گولَ نوخورید. اَمی دیل خودا فیضٚ جَا قوّت گیره نه مذهبی رسمأنٚ پأستٚنٚ جَا کی بعضی خوراکأنٚ خوردن یا نوخوردنٚ شینه. اوشأنم کی اَ رأ روشَ پیش بیگیفتٚده، هیچ سودی نبردٚد.

عبرأنیأن 3:12

پس اَی جأنٚ برأرأن و خأخورأن، بٚپأیید کی ایتأ جٚه شومأن گونأکأرٚ دیل و بی‌ایمأنٚ دیل نأشتی بی، کی اونَ زٚنده خودا جَا دورَ کونه.

۱پطرس 1:18

خودا شیمی نیجأتٚ وأسی ایتأ بهأ فأدأ تأ کی شٚمٚره جٚه پوچٚ روشأن و زٚندیگی‌یٚ بأطیلی کی شیمی پئرأنٚ جَا به ارث بٚبٚرده‌بید آزأدٚ کونه، بهأیی کی خودا جٚه اَ گریفتأری آزأد بوستنٚ وأسی فأده، طلأ و نوقره نوبو،

دوم پطرس 3:17

جأنٚ دیلٚ برأرأن، اَ حِئقتأنٚ شیمی جَا خأطر نیشأن کونم تأ مورأقٚب بیبید کی اَ نأجور آدمأنٚ ایشتیوأیأنٚ رأیَ نیشید کی شومأنم جٚه رأستٚ رأ اَویرَ بیدی.

دوم یوحنا 1:8

پس، اوشأنی جَا دوری بوکونید کی اوشأنٚ مأنستَن نیبید تأ او خوروم پأدأشَ کی آسمأنٚ جَا شٚمٚره فأدأ بوبوسته جٚه دٚس ندید کی همه‌یٚ اَمأن اونی بٚدٚس اَوٚردٚنٚ وأسی حقٚ سعی بٚزِییم. پس حقٚ سعی بٚزنید کی خودا جَا خودتأنٚ خوروم پأدأشَ تومأم و کمأل فأگیرید.