کولسیان 2:16 - Gilaki New Testament

¹⁶ پس ولأنید هیکس شٚمٚره اوچی وأسی کی خوریدی یا وأخوریدی یا مذهبی جشنأنٚ برپأ کودنٚ وأسی تأزه مأهٚ عَید یا شَبّأتٚ موقدسٚ روجٚ رِه محکوم بوکونه.

کتاب مقدس به زبان گیلکی - گویش شرقی

¹⁶ پس نوگذأرین هیکس راجع به او چی کی خؤنین و واخؤنین، یا راجع به عید و تازه ماه و مقدس شنبه روز، شمره قضاوت بوکونه.

کتاب مقدس به زبان گیلکی - گویش رشت و غرب گیلان

¹⁶ پس وَئنلانید ایکس شمرأ اوچی باره کی خوریدی و نوشیدی، یا عید و تازه ماه و مقدّس شنبه روجِ باره، قضاوت بُکونه.

کولسیان 2:16 Iomraidhean Croise

متّی 15:11

اونچی کی دٚهٚنٚ دورون شِه، اوچی نییٚه کی آدمَ نٚجٚستَ کونه، بلکی اونچی کی آدمٚ دٚهٚنٚ جَا بیرون اَیِه، هونی ایسه کی اونَ نٚجٚستَ کونه.»

مَرقُس 7:19

چونکی خوردنی شیمی روح و دیلٚ کأری نأرِه، بلکی شیمی مأده جَا دٚوأرِه و دفع به.» (اَ گبأنٚ اَمرأ، عیسا نیشأن بٚدأ کی همٚتأ خوردنی حلأل و پأک ایسه.)

اعمالٚ رسولأن 15:20

فقد بینیویسیم کی حیوأنأنٚ گوشتَ کی بُتأنٚ رِه قوربأنی بوبوستده و خون و حیوأنأنی کی خٚفَه بوستٚده‌یَ نوخورٚد و لأبألیگری نوکونٚد.

رومیأن 14:10

پس، چٚره تی برأر و تی خأخورَ قیضأوت کونی؟ یا چٚره اونَ تی چومٚ دورون کوجه‌دأنه دینی؟ شیمی خأطرٚ دورون بٚدأرید کی هرتأ جٚه اَمأن وأستی خودا دأوری تختٚ جولو تنأ بئیسیم.

غلاطیأن 4:10

آیا فیکر کونیدی روجأن و مأهأن و فصلأن و سالأن بوخصوصٚ میأن تأنیدی دینی مرأسیمأن وأسی خودا رِه مقبول بیبید؟

کولسیان 2:20

اَسه کی مسیحٚ اَمرأ عنصرأن و اَ دونیأ روحأنی نیرویأنٚ دوچوکستن جَا بٚمٚردید، چوطو به کی اونٚ قأنونٚ جَا تسلیم بیدی اَنَ مأنه کی هنو اَ دونیأ شین ایسید،

عبرأنیأن 13:9

پس تأزه و عجأیب غرأیبٚ عقیده‌یأنٚ گولَ نوخورید. اَمی دیل خودا فیضٚ جَا قوّت گیره نه مذهبی رسمأنٚ پأستٚنٚ جَا کی بعضی خوراکأنٚ خوردن یا نوخوردنٚ شینه. اوشأنم کی اَ رأ روشَ پیش بیگیفتٚده، هیچ سودی نبردٚد.

عبرأنیأن 9:10

چونکی اَ شریعت فقد ظأهیری مرأسیمأنٚ اَمرأ سٚر و کأر دأره و خوردن و وأخوردن و غوسل و بوشؤر وأشور و اَجور چیزأنٚ رِه موشغوله. اَ مرأسیمأن فقد او بِیتره رأ روشٚ، فأرٚسِئنٚ وخت رِه قأبیل انجأم دٚئن بو.

یعقوب 4:11

جأنٚ دیلٚ برأرأن، کس‌کسٚ جَا بد نیگید و ایرأد نیگیرید و کس‌کسَ محکوم نوکونید. چون اگه اَطو بوکونید، رأس‌رأسِی جٚه خودا حوکمأنٚ جَا ایرأد بیگیفتید و اونَ محکوم بوکودید ولی شیمی وظیفه نییٚه کی خودا حوکمأنَ قیضأوت بوکونید، بلکی اونٚ جَا فرمأن بٚبٚرید.