کولسیان 2:14 - Gilaki New Testament

¹⁴ و شیمی محکوم بوستنٚ سنٚدٚ کی شیمی فرمأن نبردنٚ نیشأن دٚئی جٚه بین ببرد. خودا، مسیحٚ صلیبٚ سٚر شیمی کأرأنٚ نأمه‌یَ مِخکوب بوکوده و شیمی همٚتأ گونأیأنَ اونی پأ حیسأب بأوٚرده.

کتاب مقدس به زبان گیلکی - گویش شرقی

¹⁴ و او قرضؤن سنده کی بواسیطه قوانین أمئه ضید بنویشته بوبؤ باطیلأگوده و از بین ببرده، و صلیب سر میخکوبأگوده.

کتاب مقدس به زبان گیلکی - گویش رشت و غرب گیلان

¹⁴ و اُ قَرضانِ سند کی بواسطه ی قانونان اَمی ضد بینیویشته بُبوسته باطلَ کود، و از بین بَبرد، و صلیبِ سر میخکوب بُکود.

کولسیان 2:14 Iomraidhean Croise

لوقا 1:6

زکریأ و ایلیزأبت هر دوتأن خودا چومأنٚ میأن خٚیلی دورستکأر بود و جأن و دیلٚ اَمرأ تومأمی‌یٚ خودا رأ روشَ رعأیت کودید.

اعمالٚ رسولأن 3:19

پس، توبه بوکونید، شیمی گونأیأنٚ جَا دٚس فأکشید و خودا ور وأگردید کی شیمی گونأیأن پأکَ بٚه و جٚه خودا ور، خورومی و آرأمٚشٚ زمأت فأرٚسِه.

کولسیان 2:20

اَسه کی مسیحٚ اَمرأ عنصرأن و اَ دونیأ روحأنی نیرویأنٚ دوچوکستن جَا بٚمٚردید، چوطو به کی اونٚ قأنونٚ جَا تسلیم بیدی اَنَ مأنه کی هنو اَ دونیأ شین ایسید،

دوم تسالونیکیان 2:7

او کوفر اَسأیٚم قأیم قأیٚمٚکی عمل کودأندٚره و هطویم جیگأ بوخورده ایسِه کی اونی کی اونٚ مأنع ایسه جٚه رأ بٚدٚرَ شِه.

عبرأنیأن 7:18

هطویه، شریعت و کأهینی کودنٚ قدیمی رأ و روش کی اصل و نصبٚ سٚر بنأبو، کنأر بٚنأ بوبوسته چون فأیده نأشتی و جٚه اون ضعیفتر بو کی بتأنه اینفرَ نیجأت دٚئنٚ رِه اومید بٚبخشه،

عبرأنیأن 8:13

اَیَه خودا ایتأ «تأزه» قول و قرأرٚ جَا گب زِئندره. پس آشیکأره کی قبلی قول و قرأر، کُئنَه بوسته؛ و هرچی کی کُئنه و قدیمی بٚبه، پور زمأت نیبه کی جٚه بین شِه.

۱پطرس 2:24

اون صلیب رو، اَمی گونأیأنٚ بأرَ به چأنٚ گیفته تأ اَمأن بتأنیم گونأیأنٚ پٚنجه جَا جیویزیم و زٚندیگی‌یَ پأکی بٚدأریم. هونی کی اونی زخمأنٚ جَا شفأ بیأفتید.