کولسیان 2:11 - Gilaki New Testament

¹¹ هو زمأت کی مسیحَ دوچوکستید، رأس‌رأسِی ختنه‌یٚم بوبوستید، ولی او ختنه کی اینسأنٚ دٚسأنٚ اَمرأ انجأم بِه نییٚه، بلکی او ختنه کی مسیح انجأم دِهه، اوطو کی شیمی گونأکأرٚ فیطرتَ وأوِه و فیشأد.

کتاب مقدس به زبان گیلکی - گویش شرقی

¹¹ و مسیح مئن ختنه نی بوبؤین، یکته ختنه کی دست أجی أنجؤم نیته، بلکی جسمؤنی تن بیرین أردن همرأ، بواسیطه مسيح ختنه أنجؤم بوبؤ.

کتاب مقدس به زبان گیلکی - گویش رشت و غرب گیلان

¹¹ و مسیح درون ختنه ئَم بُبوستیدی، ختنه‌ای کی دَس مرا انجام نُبوسته بلکی جسمانی تنِ بیرون آوردنِ امرا، بواسطه ی مسیحِ ختنه انجام بُبوسته،

کولسیان 2:11 Iomraidhean Croise

مَرقُس 14:58

«اَمأن بشتأوستیم کی گفتی من اَ معبدَ کی اینسأنی دٚسٚ اَمرأ چأکوده بوبوسته، فوگوردأنٚم و بی اَنکی اینسأنٚ دٚس یاور بٚبه، سه روجٚ میأن، ایتأ دِه معبد چأکونم.»

لوقا 2:21

او زأکٚ هشتومی روج کی فأرٚسِه، اونی ختنه کودنٚ مرأسیم رِه اونی ایسمَ عیسا بٚنأد، ینی هو ایسمی کی فٚرٚشته جٚه قبل اَنکی مریم شکم اوسأنه، اونی رِه اینتخأب بوکوده بو.

اعمالٚ رسولأن 17:24

«اون هونی ایسه کی اَ دونیأ و هرچی کی اونی دورون نٚهأیَ چأکوده. چونکی اون خودش، آسمأن و زیمین صأب ایسه، اَ بُتخأنه‌یأنٚ میأن کی اینسأن دٚسٚ اَمرأ چأکوده بوبوسته زٚندیگی نوکونه،

اعمالٚ رسولأن 7:48

ولی حِئقت اَن ایسه کی خودای موتعأل اینسأنٚ دٚس چأکوده معبدأنٚ میأن، نئیسه، هوطو کی اون پیغمبرٚ زٚوأنٚ جَا بٚفرمأسته:

رومیأن 2:29

بلکی رأس‌رأسِی یوهودی اونی ایسه کی خو بأطینٚ میأن یوهودی بٚبه و ختنه‌یٚم، دیلٚ ختنه ایسه، کی بینیویشته قأنونأنٚ رأ روشٚ اَمرأ نییٚه بلکی خودا روحٚ دٚسٚ اَمرأ انجأم به. اَطوچی آدمٚ تحسین جٚه البأقی آدمأن نییٚه، بلکی خودا جَایه.

رومیأن 6:6

اَمی او پیشترٚ نَف۫س مسیحٚ اَمرأ صلیبٚ سٚر مِخ بوبوسته کی دِه گونأ اَمی سٚر قودرت ندأشته‌ بی. اَمأن دِه گونأ اسیر نیئیم.

رومیأن 7:24

اَخ کی چندر بیچأره‌یم! کی تأنه مٚرَه اَ مرگ ذأتٚ جَا آزأدَ کونه؟

دوم قرنتیان 5:1

چونکی دأنیمی وختی اَ زیمینی خیمه کی اَسه اونی دورون زٚندیگی کودأندریم فوگورده، ینی وختی بیمیریم و اَ خأکی جأنأنَ بٚنیم و بیشیم، آسمأنٚ دورون خأنه‌یأن ینی اَبدی جأنأنی دأریم کی اَمِرِه خودا دٚسٚ اَمرأ چأکوده بوبوسته، نه اینسأنٚ دٚسٚ اَمرأ.

دوم قرنتیان 5:17

اونی کی مسیح شین بِه، ایتأ تأزه آدمَ شمأیل بِه. اون دِه او پیشترٚ اینسأن نییٚه؛ بلکی تومأمٚ کمأل ایتأ تأزه زٚندیگی‌یَ بٚسٚرأ گیفته.

غلاطیأن 2:20

می قدیمی زٚندیگی اونی اَمرأ مصلوب بوبوسته. پس من نییٚم کی زٚندیگی کونم، بلکی مسیح ایسه کی می دورونی زٚندیگی کونه! و اَ زٚندیگی کی می زیمینی بدنٚ دورونی کودأندرم، او ایمأن و توٚکول جَا ایسه کی خودا پٚسرَ دأرم کی مٚرَه محبت بوکوده و خؤرَه می وأسی فٚدأ بوکوده.

غلاطیأن 5:24

اوشأنی کی عیسایٚ مسیحٚ شین ایسٚد، خوشأنی نفس و نأجورٚ خأسته‌یأنَ مسیح صلیبٚ سٚر مِخکوب بوکودٚده.

افسسیان 4:22

پس اَسه وأسی شیمی زٚندیگی قدیمی خُلق و خو و قدیمی رأ روشَ ایتأ لیوأسٚ مأنستَن، شیمی جأنٚ جَا بٚکنید، او لیوأس کی گول‌زٚنٚ نفسٚ اَمرأ فأسیدَ بِه.

فیلیپیان 3:3

چونکی اَمأن ختنه بوبوسته‌یأن ایسیم، اَمأن کی خودایَ اونی قودوسٚ روحٚ اَمرأ عیبأدت و خیدمت کونیمی، و اَمی گولأز مسیح عیسا ایسه، و او کأری کی اون اَمِرِه بوکوده. هیذره‌یٚم اینسأنی موفقیتأنَ ایتکأ نوکونیم.

کولسیان 3:5

پس اَ دونیأ گونأیأنٚ نیزدیکٚ نیبید، کثیفٚ هوسأنَ کی شیمی جأنٚ دورون جوخوسٚده، جٚه بین بٚبٚرید؛ هیوخت شٚمٚره، او گونأیأنی دورون کی هوطو بی‌عیفتی، نأنجیبی، شهوتَ قوبیل کودن و نأجورٚ هوسأنٚ وأنسینید. اَ دونیأ، خوش ظأهیرٚ چیزأنٚ وأسییٚم طمع نوکونید، چون طمع کودن ایجور بُت پرستیه.

عبرأنیأن 9:11

بأزین، مسیح او خورومٚ کأرأنٚ پیله کأهینٚ مأنستَن ایسه کی اَسه انجأم بوبوسته. اون بوشؤ آسمأنٚ کأمیلتر و پیله‌تره چأدرٚ دورون، ایتأ چأدر کی نه اینسأنٚ دٚسٚ اَمرأ بٚسأخته‌ بوبوسته و نه اَ دونیأ رِه کی خلق بوبوسته.

عبرأنیأن 9:24

چونکی مسیح نوشؤ او عیبأدتٚ جیگأ دورون کی اینسأنٚ دٚسٚ اَمرأ چأکوده بوبوسته بو کی فقد ایتأ او آسمأنٚ رأس‌رأسِی عیبأدتٚ جیگأ مأنستَن بو، بلکی بوشؤ هو آسمأنٚ دورون کی اَسه جٚه اَمی ور خودا ورجأ ظأهیرَ بٚه.