اعمالٚ رسولأن 8:13 - Gilaki New Testament

¹³ بأزون شمعونٚم ایمأن بأوٚرده، تعمید بیگیفته. اون فیلیپُسٚ جَا سیوأ نوبوستی و اونی موجیزه‌یأن جَا حیرأن و قأق مأنستی.

کیتاب مقدّس به گیلکی (رشتی)

¹³ حتی شمعونم ایمأن بأورده و غسلٚ تعمید بیگیفته. اون همیشه فیلیپُسٚ اَمرأ بو و جٚه معجزاتی کی آشکارَ بوستی، در عجب و حیرت بو.

کتاب مقدس به زبان گیلکی - گویش شرقی

¹³ حتی شمعونم ایمون بأرده و بعد تعمید هیتَن همیشه فیلیپُس أمره بو وشمعون او پیله نیشونه أن و معجزه أنَ دئن أمره که فیلیپس انجام دَء، خیلی حیرونَ بو.

کتاب مقدس به زبان گیلکی - گویش رشت و غرب گیلان

¹³ حتی شَمعونم ایمان باورد و بعدِ تعمید گیفتن، همیشک فیلیپس اَمرا بو. شمعون اُ پیله نیشانه ئان و مُعجزه ئانِ دئن مرا، کی فیلیپس انجام دَئی، خَیلی حَیرانَ بوستی.

اعمالٚ رسولأن 8:13 Iomraidhean Croise

متّی 3:6

اوشأن خوشأنی گونأیأن ایعترأف کودید، اُردنٚ روخأنٚ دورون اونی جَا تعمید گیفتید.

مَرقُس 16:17

اوشأنی کی ایمأن اَوٚرده، می قودرتٚ اَمرأ، پٚلیدٚ روحأنَ مردومٚ جَا بیرونَ کونٚده و تأزه زوأنأنٚ اَمرأ گب زنٚده.

لوقا 8:13

او خأک کی اونی جیر سنگ بو، اوشأنی‌یَ نیشأن دِهه کی خودا پیغأمَ ایشتأوٚد و اونَ شأدی اَمرأ قوبیل کونٚد امّا چونکی ریشه نأرٚده چن وختی ایمأن آوٚرٚد، بأزون وختی وسوسه‌يأنٚ میأن دکفتد خوشأنی ایمأنَ جٚه دٚس دٚهٚد.

یوحنا 5:20

چونکی پئر، خو پٚسرَ دوس دأره و هرچی کونه خو پٚسرَ گه. اون موجیزه‌یأنی پیله‌تر جٚه اَ مردأکٚ شفأیٚم انجأم دِهه کی شومأن قأقَ بیدی.

یوحنا 7:21

عیسا جوأب بٚدأ: «من ایتأ نأخوشَ، شَبّأتٚ روجٚ میأن شفأ بٚدأم و همٚتأن‌ قأقَ بوستید.

اعمالٚ رسولأن 13:44

اَ هفته پٚسی تومأمٚ شهر مردوم بأمؤده کی خودا کلامَ اوشأنی زوأنٚ جَا بشتأوٚد.

اعمالٚ رسولأن 19:11

خوداوند پولسَ قودرت فأدأ کی عجیبٚ موجیزه‌یأن بوکونه،

اعمالٚ رسولأن 3:10

و بٚفأمٚستد کی اون هو گدأ ایسه کی فلنگستی و هر روج معبدٚ «زیبا دروأزه» ورجأ نیشتی، خٚیلی قأقَ بوستٚد!

اعمالٚ رسولأن 8:21

تو اَ نعمتَ نأری، چونکی تی دیل خودا ورجأ پأک نییٚه.