اعمالٚ رسولأن 7:36 - Gilaki New Testament

³⁶ موسا خٚیلی موجیزه‌یأنٚ اَمرأ ایسرأییلٚ قومَ مصر جَا بیرون بأوٚرٚد، و جٚه سورخٚ دریأ میأن دٚوأرأنه و چهل سأل اَشأنَ بیأبأنٚ میأن رأ نیشأن بٚدأ.

کیتاب مقدّس به گیلکی (رشتی)

³⁶ هَه موسی بو کی نیشأنه‌یأن و معجزه‌یأنٚ اَمرأ اَمی قومَ جٚه مصر بیرون بأورده و جٚه رایٚ دریایٚ سورخ ردَ کوده و چهل سالم اوشأنَ بیابانٚ دورون هیدایت بوکوده.

کتاب مقدس به زبان گیلکی - گویش شرقی

³⁶ هی موسی بو که چهل سال، مصر میئن سرخ دریای ور و بیابون میئنم اوشونِ به معجزه أن و نشونه‌أن انجوم بده و اَمه مردومِ، مصر میئنای بیرون بأرده.

کتاب مقدس به زبان گیلکی - گویش رشت و غرب گیلان

³⁶ هه موسی بو کی چهل سال مصر درون و سُرخِ دریا وَر و ویاوان درون اوشانِ واسی مُعجزه ئان و نیشانه ئان انجام بده و اَمی مردومَ مصر جا بیرون باورد.

اعمالٚ رسولأن 7:36 Iomraidhean Croise

یوحنا 4:48

عیسا وأوٚرسِه: «آیا تأ خٚیلی موجیزه‌یأنَ نیدینید، ایمأن نأوٚریدی؟»

اعمالٚ رسولأن 13:18

او چهل سألٚ میأن کی بیأبأنٚ میأن سیویل و سرگردأن بود، اون اوشأنَ تحمول بوکود.

اعمالٚ رسولأن 7:42

اَنٚ وأسی خودا اَشأنٚ جَا بیزأرَ بوسته و اَشأنَ بٚنأ بحألٚ خودشأن کی آفتأب، مأه و ستأره‌یأنَ عیبأدت بوکونٚد! پیغمبرأنٚ کیتأبٚ میأن خوداوند فٚرمأیه: اَی ایسرأییلٚ مردوم، او چهل سألٚ دورون کی صأرأ میأن نأنستید کؤرأ بیشید، آیا مِرِه قوربأنی و پیشکش بأوٚردید؟

عبرأنیأن 3:8

شیمی دیلَ سختَ نوکونید، هو کأری کی شیمی پیله بأبأیأن خوشأنی یاغیگیری زمأتٚ رِه بوکودٚده، و بیأبأنٚ دورون مٚرَه ایمتحأن بوکودٚده.

عبرأنیأن 3:9

اویَه، شیمی پیله بأبأیأن، چهل سأل می کأرأنَ بیدِه بود ولی بأزم می صبرَ آزمأیش و ایمتحأن بوکودٚده.

عبرأنیأن 8:9

اَیتأ قول و قرأر او قبلی قول و قرأرٚ مأنستَن نییٚه کی اوشأنی پیله بأبأیأنٚ اَمرأ دٚوٚستم، او روجٚ میأنی کی اَشأنی دٚسَ بیگیفتم، مصرٚ سرزیمینٚ جَا بیرون بأوٚردٚم؛ چونکی، خوداوند گه، اوشأن می قول و قرأرَ وفأ نوکودٚد. پس می دیمَ اَشأنی جَا وأگردأنم.