اعمالٚ رسولأن 6:9 - Gilaki New Testament

⁹ ولی ایتأ روج چنتأ یوهودی کی «آزأد مردأنٚ» کنیسه‌ شین بود، بوگو موگو کودنٚ وأسی ایستیفانٚ ورجأ بأمؤد. اَ آدمأن قیروان، مصرٚ اسکندریه، قیلیقیه و آسیا جَا بأمؤ بود.

کیتاب مقدّس به گیلکی (رشتی)

⁹ ولی چند نفر جٚه اعضای کنیسه‌یی کی «آزاد بوسته‌یأن» نام دأشتیدی، جٚه یهودیأنٚ قیرَوان و اسکندریه و کیلیکیه و آسیا، بموییدی اونٚ اَمرأ مشاجره بوکودیدی.

کتاب مقدس به زبان گیلکی - گویش شرقی

⁹ بازین چند نفر یکته عبادتگاه آدمون جی که شناس به ’ آزادَ بوئؤأنِ عبادتگاه‘ بو، ایستفان أمره بحث بودَن. اوشون قیرَوانِ یهودی أن و اسكندریه و كیلیكیه و آسیا شی بوئن.

کتاب مقدس به زبان گیلکی - گویش رشت و غرب گیلان

⁹ بازون چن نفر جه ایتا عبادتگا آدمان کی شناس به ’آزاد بُبوسته ئان عبادتگا‘ بو، استیفان اَمرا بحث بُکودید. اوشان جه قیروانِ یهودیان و اسکندریه و کیلیکیه و آسیا بید.

اعمالٚ رسولأن 6:9 Iomraidhean Croise

متّی 10:17

ولی شیمی حواس بمأنه، چونکی مردوم شٚمٚره گیرده، حأکیمَ ایسپأرده، و کنیسه‌یأنٚ دورون شلأق زٚنده.

متّی 23:34

«من، پیغمبرأن و حکیمٚ مردأکأن و عألیمأنی‌یٚ شیمی ور اوسه کونم، و شومأن بعضیتأنَ دأر زٚنید و بعضیتأنَ شیمی کنیسه‌یأنٚ دورون شلأقٚ جیر گیریدی، اَ شهر او شهر آوأرَ کونید.

متّی 27:32

رأ دورون، ایتأ مردأکٚ اَمرأ کس بٚکس بوخوردٚد، شمعون نأم کی قیروان شین بو. اونَ وأدأشتٚد عیسا صلیبَ خو چأن فأکشه و ببره.

مَرقُس 13:9

وختی اَ مأجیرأه‌يأنَ فأندرستید، شٚمٚره بٚپّأئید، چونکی مردوم شٚمٚره گیرده و حأکیمأنٚ دٚس ایسپأرده و کنیسه‌یأنٚ میأن شلأق زنٚده. هطویه، شٚمٚره می وأسی بٚرٚده فرمأندأرأن و پأدیشأیأنٚ ورجأ. ولی اَ کأر ایتأ خوروم فورصت به کی، اوشأنٚ رِه دروأره‌یٚ من وأگویا بوکونید.

لوقا 21:12

«امّا پیشتر جٚه اَ مأجیرأیأن، اَذِت و آزأر و شکنجه‌یأن ایتفأق دکفه. شٚمٚره می نأمٚ وأسی کنیسه‌یأن و زندأنَ ایسپأرده و پأدیشأیأن و فرمأنده‌یأن ورجأ بٚرٚده.

اعمالٚ رسولأن 11:20

ولی چنتأ جٚه ایمأندأرأن کی قبرس و قیروان شین بود وختی انطأکیه‌یَ فأرٚسِد، یونأنیأنٚ اَمرأیم عیسای خوداوندٚ جَا گب بٚزِد.

اعمالٚ رسولأن 13:1

انطأکیه کیلیسا دورون کی سوریه میأن نٚهأ بو، چنتأ نبی و معلم ایسأبود کی اَن اوشأنی نأم بو: برنابا، شمعون کی اونَ «سیأه» هم گفتیدی، لوکیوس کی قیروان شین بو، منائن کی هیرودیسٚ پأدیشأ نأبرأری بو، و سولُس.

اعمالٚ رسولأن 13:45

ولی وختی یوهود پیله‌ کسأن بیدِده کی مردوم روسولأنٚ پیغأمٚ جَا ایستقبأل کونٚده، جٚه حیسأدت اوشأنی جَا بد گفتیدی و هرچی پولس گفتی، اونَ ضد گفتیدی.

اعمالٚ رسولأن 15:23

اَ نأمه بینیویشته کی خوشأنی اَمرأ ببردٚد اَن بو: «اَمأن روسولأن، ریش سیفیدأن و برأرأن کی اورشلیمٚ شین ایسیم، شومأ برأرأنَ کی انطأکیه، سوریه و قیلیقیه شین ایسید و یوهودی نیئیدَ سلأم رسأنیم.

اعمالٚ رسولأن 15:41

بأزون سوریه و کیلیکیه سرتاسرَ سٚفر بوکوده، کیلیسایأنَ بٚنأ کودی.

اعمالٚ رسولأن 16:6

وختی فریجیه و غلاطیه اوستأنٚ شهرأنٚ جَا دٚوأرٚستٚده، روح‌القدس ولأشته کی اَیدٚفأ رِه بٚشٚد آسیا.

اعمالٚ رسولأن 18:24

او وخت، ایتأ یوهودی کی اسکندریه شین بو و اونی نأم اَپلس بو، فأرٚسِه افسسَ میأن. اون خٚیلی خُب گب زِئن دورون اوستأد بو و خٚیلی دقیق موقدس کیتأبأن دأنشَ دأنستی.

اعمالٚ رسولأن 19:10

دو سأل اَطویی دٚوأرٚسته تأ اَنکی تومأمٚ آسیا آدمأن هم اوشأنی کی یوهودی بود و هم اوشأنی کی یونأنی بود خودا پیغأمَ بشتأوستٚد.

اعمالٚ رسولأن 19:26

ولی هوطو کی دأنیدی و بیدِه و بشتأوستیدی، اَ پولس خٚیلیأنَ قأنع بوکوده کی اَ بُتأنٚ خودا نییٚده. جٚه اَ خأطر اَمی بأزأر کسأتَ بوسته! اَطو نییٚه کی فقد اَمأن افسُس میأن ضرر دینیمی، بلکی اَمی همکأرأن تومأمٚ آسیا سرتأسرٚ میأن ورشکستَ بٚدأ.

اعمالٚ رسولأن 21:27

هنو هفته تومأنَ نوبوسته بو کی چنتأ جٚه آسیا یوهودیأن، پولسَ معبدٚ میأن بیدِده و مردومَ اونی ضد اَنتیریک بوکودٚد. اَشأن اونَ بیگفتد،

اعمالٚ رسولأن 21:39

پولس جوأب بٚدأ: «نه، من یوهودیم، قیلیقیه طرسوسٚ شینم، او شهر کی معروف ایسه. خأهیش کونم وئألی کی چنتأ کلمه گب اَ مردومٚ اَمرأ بٚزٚنم.»

اعمالٚ رسولأن 22:19

«بوگفتم: "خوداوندا، ولی اوشأن حتم دأنٚده کی من مسیحیأنَ هرتأ کنیسه‌ دورون بٚزٚن بیگیر و زندأنی کودیم.

اعمالٚ رسولأن 22:3

او وخت پولس بوگفته: «منم شیمی مأنستَن یوهودی ایسٚم و قیلیقیه طرسوسٚ شهرٚ میأن بودونیأ بأمؤم. ولی هه اورشلیم میأنی، غمالائیل ورجأ درس بخأندم. اونی مکتبٚ میأن یوهودٚ قأنونأن و رسم و روسومأنَ دیقت اَمرأ بأمؤختم، و خٚیلی غیرت دأشتیم کی هرتأ کأرٚ میأن خودا ایحترأمَ بأعیث ببم، هوطویی کی شومأنم ایمرو اونی رِه غیرت دأریدی.

اعمالٚ رسولأن 23:34

فرمأندأر نأمه‌یَ بخأنده. بأزون پولس جَا وأوٚرسِه: «کویه شین ایسی؟» پولس جوأب بٚدأ: «قیلیقیه شین ایسٚم.»

اعمالٚ رسولأن 24:18

اوشأنی کی می جَا شیکأیت دأرٚده او وختی کی پأکَ کودنٚ مرأسیمأنٚ رِه موشغول بوم مٚرَه معبدٚ دورونی بیدِده. نه ایتأ عیده آدم می اَمرأ ایسأبود و نه بلوأیی رأ تأوٚدأ ‌بوم!

اعمالٚ رسولأن 26:11

همٚتأ کنیسه‌یأنٚ میأنی همیشٚک مسیحیأنَ اَذِت آزأر و بٚزٚن بیگیر اَمرأ وأدأشتیم کی مسیحَ کوفر بٚگد. می موخألفت اَندر زیأد بو کی حتّا دؤر دورٚ شهرأنم اوشأنٚ دونبألسر شؤئیم.

اعمالٚ رسولأن 6:10

ولی هیکس نتأنستی او روح و حیکمتی اَمرأ کی ایستیفان اونی اَمرأ گب زِئی، تأب بأوٚره.

اوّل قرنتیان 1:20

پس اَ عأقیلأن و دینی عألیمأن و فلسفه‌دأنأن کویه ایسأده کی دروأره‌یٚ دونیأ جولفٚ موضویأن بوگو موگو کونٚده؟ خودا اَشأنَ جأهیل چأکوده و نیشأن بٚدأ کی اوشأنٚ عقل و فأم عأطیل و بأطیل ایسه.

غلاطیأن 1:21

اَ مولأقأتٚ پٚسی، بوشؤم اوستأنٚ سوریه و قیلیقیه.