اعمالٚ رسولأن 6:11 - Gilaki New Testament

¹¹ پس اوشأن چن نفرَ رشوه فأدأده کی بٚگد اَمأن بشتأوستیم کی ایستیفان خودا و موسایَ کوفر بوگفته.

کیتاب مقدّس به گیلکی (رشتی)

¹¹ هَنٚ وأسی خلوتی چند نفرَ وادار بوکودیدی کی بیگید: «اَمأن بیشتأوستیم کی استیفان به موسایٚ نبی و خودا کفر گفتن دوبو.»

کتاب مقدس به زبان گیلکی - گویش شرقی

¹¹ پس اوشون چند نفرِ خلوتی تیرا گودن تا بگون: «امه بشتؤسیم که استیفان، موسای پیغمبر و خدای، كُفر گوت.»

کتاب مقدس به زبان گیلکی - گویش رشت و غرب گیلان

¹¹ پس چن نفرَ خلوتی تیرا کودید تا بیگید: «اَمان بیشتاوستیم کی استیفان، موسیِ پیغمبر و خُدایَ کُفر گفتی.»

اعمالٚ رسولأن 6:11 Iomraidhean Croise

یوحنا 1:17

چونکی خودا حوکمأنَ موسا بأوٚرده، ولی فیض و رأستی‌یَ، عیسای مسیح.

یوحنا 16:3

هنٚ وأسی شیمی اَمرأ اَطو کونٚده کی نه، پئرَ شنأسٚده و نه مٚرَه.

یوحنا 9:29

اَمأن دأنیم کی خودا موسا اَمرأ روبرو گب زِئی ولی دروأره‌یٚ اَ آدم، هیچی نأنیم.»

اعمالٚ رسولأن 15:21

چونکی خٚیلی سأل ایسه کی شبّأت روجأن هرتأ شهر، کنیسه‌یأنٚ میأن اَ شریعتٚ موسا شین موعیظه به.»

اعمالٚ رسولأن 18:6

ولی وختی یوهودیأن اونی اَمرأ موخألفت بوکودٚد و فأش بٚدأده، پولس او شهرٚ گرد و خأکَ خو لیوأس جَا بتکأنه و بوگفته: «شیمی خون شیمی گردن بٚبه! شیمی خون می گردن ننأ. جٚه اَنٚ پٚسی خودا پیغأمَ اوشأنی‌یَ کی یوهودی نییٚده فأرسأنم.»

اعمالٚ رسولأن 21:28

فریأد بٚزِده، بوگفتٚده: «اَی ایسرأییلٚ آدمأن، فأرسید و یاور بدید! اَن هونی ایسه کی اَمی قومٚ ضد موعیظه کونه و همٚتأنَ گه یوهودٚ حوکمأنَ خوشأنی پأ جیر بٚنٚد. حتّا معبدَ توهین کونه و اوشأنی کی یوهودیم نییٚده خو اَمرأ بأوٚرده کی اَیَه نجستَ کونه!»

اعمالٚ رسولأن 25:3

و پأفیشاری بوکودٚد کی هرچی زوتر اونَ اوسه کونٚد اورشلیم. اوشأنٚ فند اَن بو کی رأ میأن پولسَ بوکوشٚد.

اعمالٚ رسولأن 25:7

او وخت کی پولس محکمه‌یَ بوشؤ بودورون، اورشلیمٚ یوهودیأن اونَ دؤرَ کودٚد و خٚیلی چیزأن اونی ضد بوگفتٚده کی نتأنستٚد خوشأنی گبأنَ کرسی سٚر بینیشأنٚد.

اعمالٚ رسولأن 26:11

همٚتأ کنیسه‌یأنٚ میأنی همیشٚک مسیحیأنَ اَذِت آزأر و بٚزٚن بیگیر اَمرأ وأدأشتیم کی مسیحَ کوفر بٚگد. می موخألفت اَندر زیأد بو کی حتّا دؤر دورٚ شهرأنم اوشأنٚ دونبألسر شؤئیم.

اعمالٚ رسولأن 6:10

ولی هیکس نتأنستی او روح و حیکمتی اَمرأ کی ایستیفان اونی اَمرأ گب زِئی، تأب بأوٚره.

اعمالٚ رسولأن 6:12

اَ بُهتأن مردوم و پیله کسأن و دینٚ عألیمأنَ خٚیلی ایستیفانٚ ضد اَنتیریک بوکوده. پس یوهودٚ قومٚ پیله کسأن اونَ بیگیفتٚد و موحأکمه رِه ببردٚد شورأ مجلٚسٚ میأن.

اعمالٚ رسولأن 6:13

اوشأنی کی ایستیفانٚ ضد دورُغٚ گب بٚزِه بود، گفتیدی کی اون همیشٚک معبد و موسا تورأتَ بد گه.

رومیأن 3:8

بعضی‌یٚم اَمٚرَه ایفترأ زنٚده و اَطو گده کی اَمأن گیمی: «هرچی ویشتر گونأ بوکونیم، ویشتر صرفه!» اوشأنی کی اَجور گبأن زنٚده محکوم بوستنٚ رِه سزأوأرٚده.

اوّل تیموتائوس 1:13

بأ اَنکی جٚه قبل مسیحَ کوفر گفتیم، فوش و فلاکت دٚئیم و مسیحیأنَ اَذِت و آزأر دٚئنٚ وأسی دونبألَ کودیم ولی خودا مٚرَه رحم بوکوده، چونکی نأنستیم چی کودأندرم و هنو مسیحَ نشنأخته بوم.