اعمالٚ رسولأن 3:25 - Gilaki New Testament

²⁵ شومأن هو پیغمبرأنٚ زأکأنید و خودا شیمی پیله بأبأیأنٚ مأنستَن شٚمٚره وعده بٚدأ کی تومأمٚ زیمینٚ سٚر آدمأنَ ایبرأهیمٚ نتأجٚ اَمرأ برکت بٚدأ. اَن هو وعده ایسه کی خودا ایبرأهیمَ فأدَه.

کیتاب مقدّس به گیلکی (رشتی)

²⁵ شومأن پیغمبرأنٚ زأکأن، وارثأنٚ عهد و پیمانی ایسیدی کی خودا شیمی پئرأنٚ اَمرأ دٚوٚسته. اون، ابراهیمَ بوگفته: ‹همه‌یٚ قومأنٚ زیمین، تی نسلٚ جأ برکت بریدی.›

کتاب مقدس به زبان گیلکی - گویش شرقی

²⁵ و شمه پیغمبرؤن زأکؤنین و وارثِ او عهدی ایسیّن که خدا شیمه پئرؤنِ أمره دوَسّه. هو موقع که خدا ابراهیمِ بوته: ”به واسطه تی نسل تمؤم زمین مردومؤن برکت هگینن.“

کتاب مقدس به زبان گیلکی - گویش رشت و غرب گیلان

²⁵ و شُمان پیغمبرانِ زاکانید و وارث اُ عهدی ایسید کی خُدا شیمی پئران مرا دَوَست. اُ زمات کی ابراهیمَ بگفت: ”بواسطه ی تی نسل، تمانِ مردومان کی زمین سر ایسائید برکت خوائید گیفتن“.

اعمالٚ رسولأن 3:25 Iomraidhean Croise

لوقا 1:72

اون جٚه اَمی پئرأنٚ جَا مهروأنتٚر و دٚس و دیلوأزتٚر ایسه. دوروسته، اون خو موقدسٚ قول و پیمأنٚ خأطر بأوٚرده.

اعمالٚ رسولأن 13:26

«برأرأن، خودا اَ نیجأتَ، اَمأن همٚتأنٚ رِه پیشکش بوکوده. اَ نیجأت هم شیمی شینه کی جٚه ایبرأهیمٚ نتأجید، و هم شیمی شین کی یوهودی نیئید و خودایَ پرستٚش کونید.

اعمالٚ رسولأن 2:39

چونکی مسیح شٚمٚره کی جٚه اَمی خوداوند، خودا ور دعوت بوبوستید و هطویم شیمی زأکأنَ و هطو اوشأنی کی دورٚ جأجیگأیأن ایسأده، وعده بٚدأ کی روح‌القدسَ اَشأنَ فأدٚه.

رومیأن 15:8

بٚسرأفت دیبید کی عیسا مسیح بأمؤ کی یوهودیأنَ خیدمت بوکونه و اَطو ثأبیت بوکونه کی خودا اَمین ایسه و خو وعده‌یأنَ کی اَشأنٚ پیله بأبأیأنَ فأدأ انجأم دِهه.

رومیأن 4:13

خودا ایبرأهیم و اونی نتأجَ وعده بٚدأ کی دونیأیَ اَشأنَ فأده معلومه کی خودا اَیتأ وعده اَنی وأسی نوبو کی ایبرأهیم دینی حوکمأن و مرأسیمَ انجأم دٚیی، بلکی فقد اونی ایمأنٚ وأسی بو، ایمأن و ایعتمأد اَنَ کی خودا خو وعده‌یأنَ وفأ کونه. خودایٚم اَ ایمأنٚ وأسی، ایبرأهیمَ عأدیل حیسأب بوکود.

غلاطیأن 3:16

جٚه اَ خأطر خودایٚم ایبرأهیم و اونٚ نتأجَ وعده‌یأنی بٚدأ. موقدسٚ کیتأب نیگه کی وعده‌یأن "تی نتأجأنٚ" شین ایسه کی اَطو چی‌یَ مأنه کی خٚیلی نتأجأنٚ پأ در میأن بٚبه، بلکی گه "جٚه تی نتأج" فقد اینفرَ ایشأره کونه، ینی مسیحَ.

غلاطیأن 3:29

و اَسه چونکی مسیح شین بوبوستیم، ایبرأهیمٚ رأس‌رأسِی زأکأنیم و جٚه اَ خأطر تومأمٚ او وعده‌یأن کی خودا ایبرأهیمَ بٚدأ، اَمی شینم به.

غلاطیأن 3:8

ایضأفه بر اَن، پیشتر موقدسٚ کیتأبأنٚ دورونی بیدِه بوبوسته بو خودا اوشأنی کی یوهودی نوبود، اوشأنَ ایمأنٚ وأسی بی‌گونأ بٚحیسأب اَوٚره. جٚه اَ خأطر، خودا هو وخت ایبرأهیمٚ اَ خوروم خٚوٚرَ بٚدأ و بٚفرمأسته: «تومأمٚ قومأن تی جَا برکت یأفده.»

موکأشفه 14:6

او وخت ایتأ دِه فٚرٚشته‌یَ بیدِم کی آسمأنٚ وٚسٚط پروأز کودی و اَبدی اینجیلٚ خوشألی پیغأمَ زیمینٚ آدمأنٚ رِه بٚره کی هرتأ قوم و قبیله گوش، جٚه هرتأ زوأن و نتأجَ فأرٚسأنه.

موکأشفه 5:9

اَشأن اونٚ رِه ایتأ تأزه سورود خأندیدی و گفتیدی: «تو لیأقت دأری کی طومأرَ فأگیری و اونی مُهرَ وأزَ کونی، اونَ بٚخأیی، چونکی تی جأنَ قوربأنی بوکودی و مردومَ خودا رِه جٚه هرتأ نتأج و قوم و زوأن و قبیله بیهِیی،

موکأشفه 7:9

بأزون، بیدِم کی ایتأ پیله‌دأنه گورو تومأمٚ قومأن، قبیله‌یأن، نتأجأن و جوروأجورٚ زوأنأن جَا، تخت حوضور و بٚرّه جولو بٚپأ ایسأده. اَشأن اَندر زیأد بود کی نشأستی ایشمأردن. اَشأن ایتأ سیفیدٚ رخت دوکوده بود و اَشأنٚ دٚسأنٚ میأن نخلٚ دأرٚ خألأن بیدِه بوستی.