اعمالٚ رسولأن 3:1 - Gilaki New Testament

¹ ایتأ روج ظهر پٚسی پطرس و یوحنا هر روجٚ مأنستَن شؤئؤندوبود معبد میأن کی سأعتٚ سه دوعأ مرأسیمٚ دورون شرکٚت بوکوند.

کیتاب مقدّس به گیلکی (رشتی)

¹ ایتأ روز پطرس و یوحنا ساعتٚ سه‌یٚ بعد از ظهر کی دوعا کودنٚ وخت بو، شوئون دیبید معبد.

کتاب مقدس به زبان گیلکی - گویش شرقی

¹ یه روز پطرس و یهودا ساعت سه بعدظهر که دعا وخت بو، معبد شوئدبون.

کتاب مقدس به زبان گیلکی - گویش رشت و غرب گیلان

¹ ایتا روج ساعت سه بعدظهر کی دُعا وقت بو، پِطرُس و یوحنا معبد سمت شئون دیبید.

اعمالٚ رسولأن 3:1 Iomraidhean Croise

متّی 17:1

شیش روج کی بوگوذشت، عیسا پطرس و یعقوب و اونی برأر یوحنایَ اوسأده ببرده ایتأ کوه جؤری، خلوتٚ جیگأ.

متّی 26:37

بأزین پطرس و زبدی دوتأ پٚسرَ ینی یعقوب و یوحنایٚم خو اَمرأ ببرد و او حألٚ دورون کی غورصه و پریشأنی تومأمٚ اونی جأنَ بیگیفته بو،

متّی 27:45

او روج، جٚه ظهر تأ بعدٚ ظهر سأعت سه، ظولومأت تومأمٚ او سرزیمینَ پورَ کود.

لوقا 1:10

بوخور سوجأنئن وخت پیله جِمئیت معبدٚ صحنٚ میأن سرگرمٚ عیبأدت کودن بود.

لوقا 18:10

«دو نفر دوعأ کودنٚ وأسی بوشؤده معبد، ایتأ فریسی کی خؤرَه گولأز کودی و اویتأ ایتأ بأج‌فأگیر کی بدنأم بو.

لوقا 22:8

پس عیسا دونه جٚه شأگردأن ینی پطرس و یوحنایَ اوسه کوده شهر، بوگفته: «بیشید پِسَح شأمٚ حأضیرَ کونید کی بوخوریم.»

لوقا 24:53

و معبدٚ دورونی بوشؤد. اوشأن همیشٚک اویَه بئیسأد و خودایَ شوکر و عیبأدت بوکودٚد.

یوحنا 21:7

او وخت او شأگرد کی عیسا اونَ دوس دأشتی، پطرسَ بوگفته: «اَن خوداوندٚ!» پطرسٚم کی تأ کمر برأنده بو، دفأتن خو رختأنَ خو دؤر وأپخته و وأز بوکوده آبٚ دورون و شنا اَمرأ خؤرَه فأرٚسأنه دریأ کنأره.

اعمالٚ رسولأن 10:3

ایتأ روج، سأعتٚ سه ظهرٚ پٚسی، خودا فٚرٚشته‌یَ رویأ میأن بیدِه. فٚرٚشته اونی ورجأ بأمؤ و بوگفته: «کُرنیلیوس!»

اعمالٚ رسولأن 10:30

کُرنیلیوس جوأب بٚدأ: «چأر روج پیشتر، هه وخت دورون ینی سأعتٚ سه ظهرٚ پٚسی، همیشٚکٚ عأدتٚ مأنستَن خأنه میأن دوعأ کودأندوبوم کی نأخٚوٚرکی اینفرَ بیدِم کی ایتأ رخت دوکوده دأشتی کی سوسو زِئی و می جولو بٚپأ ایسأ!

اعمالٚ رسولأن 2:46

و هر روج دال‌بدال کس‌کسٚ اَمرأ معبدٚ میأن عیبأدت کودید، خأنه‌یأنٚ میأن خوداوندٚ شأمٚ وأسی جمَ بوستیدی، و خوشألی و شوکر کودنٚ اَمرأ هر چی‌یَ کی دأشتٚد کس‌کسٚ اَمرأ خوردیدی،

اعمالٚ رسولأن 3:3

وختی پطرس و یوحنا خأستیدی معبدٚ بودورون بٚشٚد، او مردأی اَشأنی جَا پول بٚخأسته.

اعمالٚ رسولأن 3:4

اَشأن اونَ فأندرستٚد. بأزون پطرس بوگفته: «اَمٚرَه فأندر!»

اعمالٚ رسولأن 4:13

وختی شورأ آدمأن پطرس و یوحنا یأرستنَ بیدِده، بوخصوص کی دِئیید معمولی آدمأنٚد و مذهبی درسأنَ نٚخأندٚد، قأق بئیسأده. هطویم بفأمٚستٚده کی اَشأن جٚه عیسا شأگردأن بود.

اعمالٚ رسولأن 5:25

هه وختٚ میأن اینفر خٚوٚر بأوٚرد و بوگفته: «اوشأنَ کی شومأن زندأنی بوکوده بید، معبدٚ میأن مردومٚ رِه موعیظه کودن دٚرٚد!»

اعمالٚ رسولأن 8:14

وختی روسولأن اورشلیمٚ میأن بشتأوستٚده کی سأمره مردوم خودا پیغأمَ قوبیل بوکودٚد، پطرس و یوحنایَ اوسه کودٚد اویَه.