اعمالٚ رسولأن 28:3 - Gilaki New Testament

³ پولسٚم هیمه جمَ کودی و آتش رو نٚئی. نأخٚوٚرکی گرمأ وأسی، ایتأ زهردأرٚ لأنتی هیمه‌یأنٚ جَا بیرون بأمؤ و قأیم اونٚ دٚسَ دوچوکسته!

کیتاب مقدّس به گیلکی (رشتی)

³ پولُس هیزمٚ زیادی جمَ کوده‌بو. وختی اوشأنَ آتشٚ سر نَهن دوبو، آتشٚ حرارتٚ وأسی، ایتأ لنتی‌یٚ سمی جٚه هیزمأنٚ دورونی بیرون بمو و پولُسٚ دسَ دوچکسته.

کتاب مقدس به زبان گیلکی - گویش شرقی

³ پولُس اَنِی هیمه جومَه گوده و وختی اونه آتش سر نَئدبو، آتش گرمایی وسه، یکته مار اونه میئنای بیرون بومَه و بچسبسه اونه دستِ.

کتاب مقدس به زبان گیلکی - گویش رشت و غرب گیلان

³ پولُس ایپچه هیمه جمَ کود و وقتی اونَ آتش رو نَئَن دوبو، آتشِ داغی واسی، ایتا لانتی اون جا بیرون بامو و اونِ دَسَ بچَسبسته.

اعمالٚ رسولأن 28:3 Iomraidhean Croise

متّی 12:34

اَی اَفعی زأکأن! شیمی دورونی کی اَندر خرأبه، چوطو تأنیدی خوروم و دوروستٚ گب شیمی زوأن بأوٚرید؟ چٚره کی زوأن جٚه اونچی گب زٚنِه کی دیل اونی جَا پور بٚبه.

متّی 23:33

ای خوش خط و خألٚ لنتی‌یأن! چوطو تأنیدی جهندمٚ موجأزأتٚ جَا جیویزید؟

متّی 3:7

ولی وختی بیدِه کی ایتأ پیله جِمئیت جٚه فریسیأنٚ و صدوقیأن اونی ورجأ اَیٚده کی تعمید بیگیرٚد، اوشأنَ بوگفته: «ای اَفعی زأکأن، کی شٚمٚره وأخٚوٚرَ کوده خودا غضبٚ جَا کی پیش دٚرٚه جیویزید؟

مَرقُس 16:18

لأنتیأنَ اوسأنٚده و امنیت دأرٚده و اگه او زهر کی کوشه‌یَ وأخورد، اَشأنَ هیچی نیبه نأخوشأنٚ رو دٚس نٚهٚده و اوشأنَ شفأ بخشده.»

اعمالٚ رسولأن 28:4

وختی جزیره مردوم فأندرستده کی لأنتی اونی دٚسَ آویزأنَ بوسته، کس‌کسَ بوگفتٚده: «شک نأریم اَ مردأی قأتیل ایسه! اگه چی توفأنٚ جَا جیویشته، ولی عیدألت ولأنه زٚنده بمأنه!»

دوم قرنتیان 11:23

اَنَ گولأز کونٚده کی مسیحَ خیدمت کونٚده؟ اگه چی اَجور گب زِئن بی‌عقلی ایسه، ولی من خٚیلی ویشتر جٚه اَشأن اونَ خیدمت بوکودم. من خٚیلی زحمتأنَ تحمول بوکودم؛ ویشتر جٚه اوشأن زندأن دکفتم، ویشتر شلأق بوخوردم و ویشتر مٚردن اَمرأ روبرو بوبوستم.

دوم قرنتیان 6:9

بعضی وختأن گومنأم و بیخودٚ آدمأنٚ مأنستَن بیدِه بیمی، ولی خٚیلیأن اَمٚرَه شنأسٚده. همیشٚک مٚردنٚ پأترس اَمِرِه نٚهأ، ولی هنو زٚنده‌ییم و خودایَ خیدمت کونیمی. اَمی جأن زخمَ بوسته ولی جٚه پأ دنکفتیم.